Njə̂m 1:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Nâʼàpî èfo echûŋ èkè, è nâʼàpî èghɛ èkè zɛ ə ze kyi va ləʼke ndò pə̂ ekwùtwəyn sê Zhə̀fè, ə fɛ ə fe tè fɛte payn tekɨ̂m tɛ ə te nyi awulə. È kwiynə̂ tsɛ̂ va kə anyɨ̂ŋsè kɛ ə ke kɨŋtə tsɛ̂ kəndò.

Njə̂m 1:17 Referans Kwoze

Njɔyn 3:27

Njɔyn ə pə̀ynsə̀ sê ghənə nə, “Wùə vîvè vayn kyi afɨa mə ə̀ paʼà fo Zhə̀fè.

Matyò 7:11

Mə ghàyn pofə nyî, ke se fo efɨa echûŋvè sê ghɔyn ghanə, ə zə nyi tayn zàyn sê pɨ̀a vâyn vè ekwùtwəyn se fo efɨa echûŋvè sê ghɨ ghɛ ghe pfɨf sê Vəyn ə!

Ipilù 13:8

Njisə̀s Klâys kwiynə̂ tsɛ̂ va, è nyì ke èghɨ kə è va nyi zhɔynghɛ, è ndàyn, nyi sə̂ nyi ke zamə nâʼà kə ghè tə ghayn.

Njɔyn 8:12

Njisə̀s ə fɨnə wâmnə̀ sê ghɨə Falàsîə pîə nə, “M nyi epayn ə mbize. Ə chùmtè pîndè Mi, ə è tə tàʼa kwì alɨm pîza ə è tə kyî èpayn zɛ ə ze fo ndame.”

1 Njɔyn 1:5

Tom zɨ̀nə ə ghàs ndàʼà sê ghàyn zôyn nyi mə ghàs zɨ sê Njisə̀s Klâys. È nyi nə: Zhə̀fè nyi epayn, kyi va ghɛze se nə̀yn è lɨma nâʼà səkɔs.

Njə̂m 3:17

Pîza, ghɛ əshi zɛ ə ze nyi kûmə̀ ètɔf eghaʼâ zɛ ə ze ndô pə̂ ekwùtwəyn nyi nə ze nyîə zo, kɔ̂ŋə̀ pɔ̂ynè, pɔynə̂, ndə̂mə̀ ngɨŋə̂ vəyn əchi, kyi ekosê esəyn zɛ ə ze muə twɔm echûŋvè, nə̂ ə̀ghɛ kè eghɨ sê ghɨghe, kaŋkaŋə̂ nə̂ va ghɛghe.

Ɛfesùs 2:8

Zhə̀fè sɔ̀zâ ghàyn tɔynə̂ ekyî epomə̂ zaynze kûmə̀ àfùʼ kɛ ə Fe kyi. Ghàyn pâʼà fɨ̂aʼ fɨ̂aʼ kyîke sə ghàyn ə ngɨŋ kə Zhə̀fè ndaʼ è sɔza nə zɨ̂nə̀. Ə̀ nyi ke èfo ə Fezhə̀zè. E za tyə̀nə̀ nə wùə vayn kàʼa è pfɨyn fètwɔ̀ʼ nə zhi ə fɨ̂aʼ fɨake tsɔ̀fə kə ndaʼ è sɔza nə zɨ̂nə̀.

Tom èchùŋ kè kə Lûk tè nyaʼ 11:13

Ə ghɨə piə nyiə kə ghàyn nyiə se ke se fo efɨa echûŋvè sê ghɔyn ghaynghe, ə nâʼà Pɨ̀a vâyn vɛ ə è nyi ekwùtwəyn faŋ zayn se fo sezuʼ se Ŋwaʼase sê ghɨ ghɛ ə ghe pfɨf sê vəyn ə?”

1 Kɔlìŋ 4:7

Ə̀ pi nde sê ghò nə ò tsɛ̀ ndò ghɨ mɔ̀ʼɔ ghə? Ò kyi nâʼà ghè mə ə paʼà fo Zhə̀fè se ghò ə? Ò nyiə kàʼa o kyi àfɨa mə ə fo ndô, ghaŋsə̂ èwiyn ətəyn kəpiə ə pâʼà fo ndô kûmə̀ ghè?

1 Njɔyn 4:10

Ndom vɛ ə ghâsènì kàʼa kê kûmə̀ èkɔ̂ŋ nyi nə, Ə̀ vachi nə ghâsènì tè kɔ̀ŋə ndô Zhə̀fè, pîza nə è tè kɔ̀ŋə ndô ghâsènì ə tomə Va Vəyn nə è pəyn kwu ə ghâsènì ə tu kûmə̀ sèpi sə ghasènìse.

Ɛfesùs 1:18

M tsə̂mə̀ kəpì nə Zhə̀fè nəyn əkwâʼtè zayn zəmə, ə ghàyn ə ke nə ghàyn tə kyîə èfɨa echûŋ vɛ ə Fe pɨaʼtə̂ sê ghàyn è ghaʼ e Ŋwaʼa zɛ ə Fe ndə̂m sê ghɨə Fezhə̀,

Njɔyn 1:9

Kyə̀ nə zɨnə tè nyì kàyntè èpayn zɛ ə ze tyə̂ payn sê ghɨ ghəkɨ̂m. Ə̀ tè nyi Vəyn vɛ ə è tè pəyn ə mbi.

Etyə̂yn ə paynsêzè 21:23

Ə̀ tè fo chîə va chwì kɨ̀sə njɔŋ paynze fumə ə tɔ̂ŋ èghaʼâ, kûmə̀ nə ə̀ tè panə epomsê ə Fezhə̀zè ətəyn, Vâ Ndzè e panə kəpî ətəyn kəpiə ə̀ nyi lâm.

2 Kolìŋ 4:6

Zhə̀ fɛ ə Fe tè pi nə, “Payn tə panə əfètə̂ àlɨm.” Ə̀ nyì kepî Fezhə̀ Fə təynfe ə Fe nə̂ nə payn ə Vəynze ə panə ə ghâsènì ətəm, kə ze pəyn ghâsènì è tɔf ə epomsê ə Fezhə̀zè mə ze panə ə Klâys ekyàʼ.

Etyə̂yn ə paynsêzè 22:5

Tuʼ echive tə nə̂ ə ve ə fɨyn va, ə ghənə ə kyiŋə pî va lâmsè kɨ̀sə chwì èpanə, kûmə̀ nə Pɛ̂pɛ Zhə̀fè tə nə̂ ə fe ə nyi èpayn ə ghənə̂zè, ə ghənə ə saʼa kə tefɔ̂yn nâʼà kə ghè tə ghayn.

Njə̂m 1:5

Pîza, ə wùə se ghàyn làʼà tɔf eghaʼâzè, e və tsə̀mə̀ sê Zhə̀fè, ə Fe fo zəynze sê vəyn kûmə̀ nə Zhə̀fè fo sê nâʼàpî ndè èsaŋnêzè, e vayn zɔ̀ ə ghô ashìŋə̀ kɛ ə ò pfɨf sê vəyn.

Ŋwàʼlè ə̀ Pɔ̂l sê ghɨə Lûmghè 6:23

Ghàyn ke ndô nə ndâʼ zɛ əghɛ ə pighe pə̂yn è zəynze nyi ekwu. Pîza maʼte vɛ ə Zhə̀fè fo sê ghɨghe səndô nyi endam zɛ ə ze tə mîə va. Ghâsènì ə kyî zəynze kə ghâsènì nyi ghasènìghə̀ Njisə̀s Klâys Pɛ̂pɛ ə̀ ghâsènì.

Njə̂m 3:15

Kyì etɔf eghaʼâ nə zɨ̂nə̀ ndò pə̂ va sê Zhə̀fè, ze ndo pə̂yn fa mbi, ze paʼà ndò pəyn sê Zuʼse Ŋwaʼase, ə̀ fo ndə̂plè è ngɨŋə̂ vəyn.

Filìpây 1:29

M pîə nyî kûmə̀ nə Zhə̀fè ə tyə̀yn təm əchûŋə̀ sê ghàyn ə nə̀ nə ghàyn pomə Klâys ə fɨyn fe ètsôs kûmə̀ vəyn.

Ətefɨ̂aʼ 11:18

Ə pə̀ kə ghɨ Njûsə̀ zɨte ghɛ zɛ ə Pità pì, ghənə tàʼa fɨnə piə pofsê eghɛ kûmə̀ vəyn, ə zhə̀tə̀ tsîtə̀ Fèzhə̀, “Ghənə tè piə nə, ghâsènì ə fe nə Zhə̀fè ə pɔŋ fo kèpi ndom sê ghɨ ghɛ ə̀ vachi ə̀ghɨ ə Njûsghè nə ghənə kwiyne ə za ghɛ epiə ghənə ə kɛse pəyn se Zhə̀fè, ə kyi ndam zɛ ə ze tə mîə va.”

Ətefɨ̂aʼ 5:31

Zhə̀fè ə njìə kɔʼsə̂ Vəyn ə Vəyn ekɔyntwɔ ə nə̀ Vəyn nə È və nyi Wùə èchisə fɨyn nyi Sɔ̀zà, kə È nəyn ə ghɨə Isìlâyghè ə kyi èndom se kwiynê ətəm ə ghɛ piə ghənə, kə Zhə̀fè lɛse fo sèpi sə ghənə̂sè.

Njɔyn 3:3

Njisə̀s ə pə̀ynsə̀ sê vəyn nə, “M pîə sê ghò səmɔʼ nə, wùə vayn kàʼa è nji elùʼ efɔ̂yn ə Fezhə̀vè ə̀ tsɛ̂ kə va mə ə kɛsê pîə vəyn.”

1 Timotì 6:16

Ə̀ nyì ke Vəyn vɛ ə è tə kwuə va, È ndamə epayn zɛ ə wùə vîvè vayn kàʼa è kɨŋte etipìə təyn. Wùə vîvè paʼà tyəmə̂ fe Vəyn. E saʼa mbi zɨ̀yn nâʼà è tyaʼa sə teshìŋə̀ tekɨ̂m! Ə zə nyi ke zamə.