Ŋwàʼlè ə̀ Mâk 9:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Ghənə ə nji pə̀ è vâ ətəyn sê Njisə̀s. Zuʼse epi nə sɛ ə fe pə̀ kə Njisə̀s nyî, ə kyîə vâ ə̀təyn, ə tɨmə vəyn ə chi, è ve pɨŋnə̂, pfɨpfɨke e fɨə ə vəyn echo.

Ŋwàʼlè ə̀ Mâk 9:20 Referans Kwoze

Ŋwàʼlè ə̀ Mâk 1:26

Zuʼsə ətəyn sə nə̂ʼsə̀ wùə ətəyn nâʼà sə ŋaŋ, e və fɨnə pɨa nâʼà è kyə̀ e tɛ tsɔ̀fə se fɨ ə vəyn ewìyn.

Tom èchùŋ kè kə Lûk tè nyaʼ 4:35

Njisə̀s ə kàyntə̀ əghɛ sê zuʼ se pi nə sɛ ə piə nə, “Kɨm mɔŋ ə tsɛ̀ fɨə ə wùə vɨ̀nə ewiyn!” Pamə̂ ə satàyn ətəynze ə tɨmə wùə ə̀təyn ə chi kə ghɨghe əshi ə fɨə ə vəyn ewiyn ndɔ̀ʼɔ se ndəmse vəyn.

1 Pità 5:8

Ghàyn e tsɨs pfɨ̂tə̀, nyi etsɨ̂ŋnèzè, kûmə̀ nə pàyn zâynzè, mə za nyi ndə̂plè nyiə tàyntə̀ ka kə kə pìkəm, pɨa, kyiŋə wùə se zɨ̀.

Njɔyn 8:44

Ghàyn nyi əghɔ pɨ̀a vâynvè, ndə̂plè, kɔ̂ŋɔ̀ kə sə chûmtə̀ tè kwaʼtè tə vəynte. È tè zhwiə əghɨ kè ə zhə̀te, wàmnə̀ va ghɛze səmɔʼ kûmə̀ nə è kyi va səmɔʼ. Shîŋə̀ kɛ ə è wamə kaŋke, è lotə̂ wamnə̀ kə èwâmnè ə vəynze, kûmə̀ nə è nyi wùə àkaŋ, nyi pɨ̀a sê kwaŋve.

Tom èchùŋ kè kə Lûk tè nyaʼ 9:42

È və pi fɨə se ndù è vəyn, pamə̂ ə satàyn zɛ ə màʼà va ətəyn ə chi, è ve sè shiŋə. Pîza Njisə̀s ə kàyntə̀ ə̀ghɛ sê zuʼ se pi nə sɛ, se ə fɨə, va ətəyn ə tɛ. È və kɛse fo vəyn sê pɨ̀a vəyn.

Tom èchùŋ kè kə Lûk tè nyaʼ 8:29

È tè pìə za kûmə̀ nə Njisə̀s tè se kâyntə̀ nə zuʼ se pi sə ətəyn fɨ ə vəyn ewiyn. Zuʼ nə sɛ tè fo ngəʼ sê vəyn kə teshiŋ ə teshìŋə̀. Se piə se fo ngəʼ sê vəyn naʼapi ashìŋə̀ àkè, ə kyiə kolə ekɔyn ə vəynze è fɨəyn ə vəynze è chaʼse ə ndə̀mə̀ vəyn elùʼ. Ə ndə̀mə̀ za, è və təyntə̂ kə ndò chaʼ sə təynse, pamə̂ ə satàyn ə təynze ə njìə ndûə è vəyn ə endaʼ ashəshəe.

Ŋwàʼlè ə̀ Mâk 9:26

Zuʼse pise ətəynse ə fo kyə̀, ə nə̂ʼsə̀ vâyn nə vɛ nâʼà sə ŋaŋ ə fɨə. Vâ ə̀təyn e sè kyaʼà kə kə̂ akwu ə wûəkè, nɔ̂ynkè ə zhə̀tə̀ sè pîə nə, “È və kwu”

Ŋwàʼlè ə̀ Mâk 9:18

Se kyîə pî vəyn ashìŋə̀ àkè, tɨmə kə vəyn ə chi, è ve nâyntə̀ tɛ kə nyiə kwas, pfɨpfɨke e fɨə ə vəyn echo, è ve kwɨlə ə̀sɔŋ. Mə fê pə̀yn chyate chùmtè èpàm sɛse nə ghənə chum fɨse sezuʼ nə sɨ̂nə̀, ghənə e fɨmə se chùm.”

Ŋwàʼlè ə̀ Mâk 9:19

Njisə̀s ə pìə sê ghənə nə, “Ə̀ fɨnə nyi feghâŋ fèkè ə fe làʼà pomə̂zè nyiə ə? M nə̀ kolə zaʼâ zàyn təmə ghâsènì ə? Pə̀yn è va ətəyn sê mi.”

Ŋwàʼlè ə̀ Mâk 9:21

Njisə̀s ə pfɨfə sê pɨ̀a vayn nə vɨ̂yn nə, “Zaf nə zɨ̂nə ndam tayn zàyn ə vəyn ewiyn ə?” È və pìə nə, “Kè se zhə̀tè ə pə̀yn kə̂ è tè nyi sə vâyn pɔ.

Tom èchùŋ kè kə Lûk tè nyaʼ 9:39

Zuʼse pise faŋa va se ko vəyn nə è shɨŋ pɨa è chie ə è pfɨə ə chi, pfɨpfɨke e fɨə ə vəyn echo. Ke nə̂ ke nə̂ za, fo ngəʼ sê vəyn, zâ kə vəyn mə è və pɔ nâʼà sə ŋaŋ.