Ŋwàʼlè ə̀ Mâk 8:2 - Ŋwàʼlè ə̀ Fèzhə̀ Mkâyn Mə̂ Fèm

² “Sə̂yn nyîə ko mi sê ghɨ ghɨ̀yn. Kûmə̀ nə ghənə nə̀yn tuʼm̀ m̀ta ghasè ghənə, kyi va fɨake se zhi.

Ŋwàʼlè ə̀ Mâk 8:2 Referans Kwoze

Matyò 9:36

Kə è tè fe nɔ̂yn ə ghɨ̀kè, təm ə vəynghe ə lwinə è kosê esəyn sê ghənə. Təmə vəynghe tè lwiyn èkosê esəyn kûmə̀ nə ghənə tè nyiə kyi èfɨmsê, kyi va tsâmtèzè. Ghənə tè nyi kə sendzè ə se kyi va ngyəyn.

Ipilù 5:2

Wùə èkɔʼsə nə eshyə̀ engaŋtə kwəynə nə vɨ̂yn nyi kàʼa ə è və pɔynə̂ sê ghɨ ghɛ ə ghe ke va ghɛghe nə̂ pofsə̂, kûmə̀ nə nâʼà vəyn sə və ngɨŋ nyi kepî wùə pɔŋɔ pɔylə̂.

Ipilù 4:15

Ghâsènì nyiə kyi wùə èkɔʼsə nə eshyə̀ engaŋtə kwəynə, è fɛtê ke tèndom tɛ ə ghâsènì pɔlə̂ ətəyn, kosə̂ èsəyn sê ghâsènì, mə mɔ̂m zè ə tè pə̀yn sê vəyn kè ə tendom ə tendom, kèpi kə ze pə̂ sê ghâsènì, pîza è və tàʼa nə̂ pi.

Tom èchùŋ kè kə Lûk tè nyaʼ 15:20

È və wàmnə̀ za ə ndò se kɛsə̂ kwɨlə̂ ndùə sê pɨ̀a vəyn. Pɨ̀a vəyn ə fè vəyn, è pa pə̀ nâʼà sə aghaf, səynze ə ko vəyn, è və nyɨŋə ndùə paŋnə vəyn.

Tom èchùŋ kè kə Lûk tè nyaʼ 7:13

Pɛ̂pɛ ə fe wùzhɔyn nə vɨ̂yn nyi èkomə̂ ewiyn sê vəyn nâʼà sə ŋaŋ ə piə sê vəyn nə, “Kɨme, kə ò fɨyn chi.”

Ŋwàʼlè ə̀ Mâk 9:22

Se tɨmə kə vəyn ewùs è kɨsè mmò shîŋə̀ tekɨ̂m se zhwiə vəyn. Pîza, ə ò nyi mə ò kàʼa ò nəyn ghɛze, o kosə̂ èsəyn sê ghàs, ə tsàmtə̀ ghàs.”

Ŋwàʼlè ə̀ Mâk 6:34

Kè kə è tè fɨə pə̂ ə ngwùʼ èghaʼâ, ə fɨnə fe kə ànɔ̂yn əghɨ̀ kɛ, səyn ze sè ko vəyn sê ghənə kûmə̀ kə ghənə tè nyi kə sendzè kiva ngyəyn. È və zaʼlə̂ ghənə èghɛ, ghe tsɨ̀ə kə nyi.

Ŋwàʼlè ə̀ Mâk 5:19

Pîza Njisə̀s ə kwiynsə̂ ə pìə se vəyn nə, “Kɛse kwɨlə nduə fe ghɨ ghɛghe ə tsà sê ghənə ghɛ eghaʼâ zɛ ə Pɛ̂pɛ nə̂yn sê ghò, ə tsà kə è kose səyn sê ghò.”

Ŋwàʼlè ə̀ Mâk 1:41

Sə̂ynzə ko Njisə̀s nâʼà sə ŋaŋ sê wùə ətəyn, e və nɛ̀sə̀ àgho ə ndə̀mə̀ ə vəyn ewìyn ə pìə nə, “M kɔ̂ŋɔ̀ ndò, zo”

Matyò 20:34

Njisə̀s ə kosə̂ èsəyn sê ghənə ə ndə̀mə̀ ə̀gho əvəynghe ə ghənə əshi. Kè sə ashìŋə̀, ghənə zhə̀tə̀ se fe teluʼ ə ndò sè chûmtə̀ ndùə vəyn.

Matyò 14:14

Njisə̀s ə fɨə ə ngwùʼ èghaʼâ ə pə̀ kə è fɨyn fe nɔ̂yn ə ghɨ̀ kɛ, təm ə vəynghe ə lwinə è kosê esəyn sê ghənə È və tsuʼə tèzaf tə ghənə̂tè.

Ipilù 2:17

Ə̀ za nyi eghɛ zɛ ə ze tè nəyn è və kɛsə̂ sè nyi kepî kə ə ghɔnyìə vəyn ghe ətendom tèkɨ̂m, kə è fɛte ke sə̂ fɨ̂aʼà kə wùə èkɔʼsə nə̂ èshyə̀ engaŋtə kwəynə, fɨnə kosə̂ esəyn sê ghɨ, fɨ̂aʼà sê Zhə̀fè se nə̀yn nə fe lɛse fo sepi sə ghɨ̀sè.

Ŋwàʼlè ə̀ Mâk 6:32

Ghənə ə njiə ə ngwùʼ èghaʼâ ə ghənə anɔ̀yn ə ndò sè ndûə elùʼ, wùə e va fu.

Ŋwàʼlè ə̀ Mâk 8:3

Ə m pî nə ghənə ndo kwɨlə̂ sə chɨŋ, ə yîghe fɨ ə pɔylê pfɨ endom, kûmə̀ nə yiə ndo ətelùʼ te tyâtè.”