Ŋwàʼlè ə̀ Mâk 6:8 - Ŋwàʼlè ə̀ Fèzhə̀ Mkâyn Mə̂ Fèm

^8-9 È və pìə kəpî sê ghənə nə ə piə ndûə ndò, kə wùə nə̂ nji àfɨa ə̀ tsɛ kə va mbàŋ è pfɨ sə ghòlse, nə kə wùə nə̂ nji àfɨa ə zhike, kə wùə nə nji shəyn, kə wùə nə ndəm èkɛ ə vəyn ə shəyn, kə wùə nə nji sèndzɨs sepɛ̀.

Ŋwàʼlè ə̀ Mâk 6:8 Referans Kwoze

Tom èchùŋ kè kə Lûk tè nyaʼ 9:3

Ə kɛsə pîə sê ghənə nə, “Ə̂ ghàyn piə ndùə ndò, kə wùə nə̂ nji nâʼà afɨa kyia, kə wùə nə̂ nji mbàŋ kə ə nyi pi shəyn ə̀ àwaf, kə wùə nə nji àfɨa ezhiəke kə ə nyì pî èkɛ, kə wùə nə nji sèndzɨs sepɛ̀.

Tom èchùŋ kè kə Lûk tè nyaʼ 10:4

Kə ghàyn nji kɛve pi shəyn àwaf. Kə ghàyn nji kwəynse sepfɨ sə ghòl shise. Kə ghàyn nji shîŋə̀kè se tɔŋtə wùə endom.

Tom èchùŋ kè kə Lûk tè nyaʼ 22:35

Njisə̀s ə fɨnə pfɨfə sê ghənə nə, Ə te nyi etuʼ vɛ ə m tom ghàyn, shəynfe kɛ fe va, pfɨsə ghol se va, ghàyn tè laʼ ndo fɨa kə?” Ghənə pə̀ynsə̀ nə, “ghàs te paʼ laʼ fɨa.”