Ŋwàʼlè ə̀ Mâk 6:41 - Ŋwàʼlè ə̀ Fèzhə̀ Mkâyn Mə̂ Fèm

⁴¹ Njisə̀s ə fiə esene e pɨayn vɛ ètwɔ̂yn è mbwɔ̀ vɛ, èpɨ̀a, ə naynə̂ kɔʼsə̂ ekwùtwəyn, ə fo àzɔ̀ŋnè sê Zhə̀fè, ə pɨaʼlə̂ èpɨayn ətəyn ə fo nə chùmtè èpàm sə vəynse chyate sê ghɨ ətəynghe. È və fɨnə njîə embwɔ̀ vɛ èpɨ̀a ə chyatə̂ sê ghɨ ghe ə̀kɨ̂m.

Ŋwàʼlè ə̀ Mâk 6:41 Referans Kwoze

Matyò 14:19

Kə chùmtè èpàm sə vəynse pə̂yn è səyne epɨanə ətəynve è mbwɔ̀vè È və pìə sê ghɨ ghɛ nə ghənə tsɨsə ndu ewə̀yn. È ve njìə èsene epɨayn ətəynve etwɔ̂yn è mbwɔ̀ vɛ è pɨ̀a ə naynə̂ kɔʼsə̂ è Kwùtwəyn ə fo àzɔ̀ŋnè sê Zhə̀fè. È və pɨaʼlə̂ vəynve ə fo nə chùmtè èpàm sə vəynse chyate sê nɔ̂yn ətəynve.

Ŋwàʼlè ə̀ Mâk 7:34

ə naynə̂ kɔʼsə̂ ekwùtwəyn, ə tɨ̀mnə̀, ə ke pì sê vəyn nə, “Efatà,” mə è za pìə nə, “Ŋaʼse!”

Tom èchùŋ kè kə Lûk tè nyaʼ 24:30

Ə te nyi ashìŋə̀ ə zhiəke, è və njiə apayn ə kwaŋke ə pɔsə̂ ə chàtə̀ fo sê ghənə.

Tom èchùŋ kè kə Lûk tè nyaʼ 9:16

Njisə̀s ə fiə èsene epɨayn nə vɛ è mbwɔ̀ vɛ èpɨ̀a ə naynə̂ kɔʼsə̂ ekwùtwəyn ə fo àzɔ̀ŋnè sê Zhə̀fè ə pɨaʼlə̂ fo sê chùmtè èpàm sə vəynse nə se chyàtə̀ sê ghɨ nə ghɛ.

1 Kɔlìŋ 10:31

Nyiəmə, nâʼàpî èghɛ èkè zɛ ə ghàyn nə̀, kɨ̀sə ghàyn zhiə ndò kɨ̀sə ghàyn mɨə ndò, ghàyn e nə̂ zamə kè se pomsê ezə Fezhə̀zè.

Njɔyn 17:1

Ə pə̀ kə Njisə̀s wàmnè mɨ̂sè ghɛ nə ghɨ̂yn ə naynə̂ kɔʼsə̂ è kwùtwəyn ə tsə̀mə̀ nə, “Pɛ̂, shîŋə̀kè ə kwəyn zôyn. Fo pomsê ekayntəze sê Vayn vɛ, kə Vayn vɛ̂vè fo pomsê ekayntəze sê Ghò,

Njɔyn 11:41

Ghənə ə njìə tsɨ̀sə̀ èchi ətəynze. Njisə̀s ə naynə̂ kɔʼsə è Kwùtwəyn ə pìə nə, “M fo àzɔ̀ŋnè kɛke ə Pɛ̂ kûmə̀ nə ò ndamə zɨə ndò tsə̂m zɨmze,

Ŋwàʼlè ə̀ Mâk 14:22

Kə ghənə tè zhiə, Njisə̀s ə njìə àpayn ə kwaŋke, ə fo àzɔ̀ŋnè sê Zhə̀fè, ə pɨaʼlə̂ kəynke, ə fo kəynke sê chùmtè èpàm sə vəynse ə pìə nə, “Ghàyn ko kəynke. Ə̀ vɨ̂nə nyi ewiyn vɨmve.”

Kòlosè 3:17

Nâʼàpî èghɛ èkè, kə ghàyn wàmnə̀ ndò kɨ̀sə ghàyn nə̀ ndò, ghàyn e nə̂ ezə ə Pɛ̂pɛ Njisə̀szè. Ghàyn fo zɔ̀ŋnèkè sê Zhə̀fè Pɨ̀a ghâsènì.

Ŋwàʼlè ə̀ Pɔ̂l sê ghɨə Lûmghè 14:6

Ghɨ ghɛ ə ghe fe nə tuʼfe nyìə kɔʼnə̂ tsɛ̂ fîfe nə̂ nyiəmə kè sê ngɨmnê ə Pɛ̂pɛze. Ghɨ ghɛ ə ghe zhiə nâʼàpî àkè, ghənə nə̂ kəpi zamə se ngɨmnə̂ Fèzhə̀ kûmə̀ nə ghənə fo àzɔ̀ŋnè se Zhə̀fè kûmə̀ èfɨazhiə ətəynve. Ghɨ ghɛ ghe zhiə kəpî va fɨa vîve, nə̂ zamə se ngɨmnə Pɛ̂pɛ, fo àzɔ̀ŋnè sê Zhə̀fè.

Njɔyn 6:23

Ngwùʼ seghaʼâ sə mɔ̀ʼɔse mə se ndo ə Tìpelùs ə pə̀ ə ngwùŋ ènjwì etipì elùʼ vɛ nɔ̂ynkè tè zhi payn ə kwaŋke mə Pɛ̂pɛ fo tsoke àzɔ̀ŋnè.

Njɔyn 6:11

Njisə̀s ə fiə àpayn əkwaŋ ətəynke ə fo àzɔ̀ŋnè sê Zhə̀fè ə fo nə chùmtè èpàm sə Vəynse chyate sê ghɨ ghɛ ə tè tsɨs fumə. Njisə̀s ə nə̀ kə pî zamə è mbwɔ̀ vɛ, nâʼà ghənə əkɨ̂m ə zhiə kolə.

Matyò 26:26

Kə ghənə tè zhiə, Njisə̀s ə njìə àpayn ə kwaŋke ə fo àzɔ̀ŋnè sê Zhə̀fè ə pɨaʼlə̂ ə fo sê chùmtè èpàm sə vəynse ə pìə nə, “Ghàyn ko zhi. Ə̀ vɨ̂nə nyi ewiyn vɨmve.”

Matyò 15:36

È və njìə èsene epɨayn vɛ, èsɛ̀mbɛ, è mbwɔ̀tə̀m, ə fo àzɔ̀ŋnè sê Zhə̀fè, ə pɨaʼlə̂ fo sê chùmtè èpàm sə vəynse, ghənə pɔŋɔ chyâtə̀ ndûə se nɔ̂yn əghɨ vɛ.

Ətefɨ̂aʼ 27:35

Kə Pɔ̂l wàmnè zâ ə njiə àpayn ə kwaŋke ə fo àzɔ̀ŋnè sê Zhə̀fè kè ə ghənə əshi ə pɨaʼtə ə zhə̀tə̀ se zhi.

Ŋwàʼlè ə̀ Mâk 6:40

Ghənə ə tsɨsə̂, nɔ̂yn vîvè tè kyi əghɨ ewə̀, vîvè kyi ə̀ghɨ m̀ghɨm tâyn.

Ŋwàʼlè ə̀ Mâk 6:42

Ghənə ə zhiə kolə nâʼà ə̀kɨ̂m.

Ŋwàʼlè ə̀ Mâk 8:19

Ə tè nyi kə m pɨaʼlə̂ səyne epɨayn vɛ ètwɔ̂yn ə pfɨtə̂ ə̀ghɨ, kam setâyn, ghàyn tè komtə̂ epɨaʼle, və̂ lwinə èkwà èshɔ̀ʼ za ə?” Ghənə ə pìə nə, “Ə tè nyi ekwà njòse pɛ̀.”