Ŋwàʼlè ə̀ Mâk 5:29 - Ŋwàʼlè ə̀ Fèzhə̀ Mkâyn Mə̂ Fèm

²⁹ Kə è kòm pə̂yn ke ndzɨsə Njisə̀s sè nyî, shîŋə̀ ətəynke ə mìə, è və zɨə kê kə nâʼà sə və ngɨŋ nə zhi ə tɛ.

Ŋwàʼlè ə̀ Mâk 5:29 Referans Kwoze

Ŋwàʼlè ə̀ Mâk 5:34

Njisə̀s ə pìə se vəyn nə, “Vayn vɨ̂m, pomə̂ zɛze ə nə̀yn ò vɛ o tɛ. Kwɨlə ke è pɔ̂ynè. Tsôs vɛ və mì.”

Ŋwàʼlè ə̀ Mâk 3:10

È tè nyi mə è və kàynè tsuʼ ghɨ ghe tsɨ̂ə kə nyî, kûmə̀ zamə nâʼàpî ndè vɛ ə è tè zafə, e kyiŋə kə èndom se pə kûmə̀ vəyn kə zhi tɛ.

Tom èchùŋ kè kə Lûk tè nyaʼ 7:21

Ghənə piə pə̂ ndò, Njisə̀s e tsuʼə ə̀ghɨ ashìŋə̀ nə kɛ, ghe tsɨ̀ə kə nyi ə tekyì tə tezafte tîte ə ghənə tè zafə è təynte fɨnə chûmə̀ fɨsə sèzuʼ se pise, fɨnə nə̂ nə fòf etsɨəve ə kɛsə̂ fe tèluʼ.

Matyò 9:20

Ke ghənə tè ndûə, wùzhɔyn vîvè mə è və tə fe ndûŋtè shîŋə̀ vəynke sə sepìŋ njòse pɛ̀ ə pə̀ ə Njisə̀s epàm, ə kòmə̀ ècho esɔ̀ŋ ə sendzɨs ə vəynze.

Ŋwàʼlè ə̀ Mâk 5:28

kûmə̀ kə è tè kwâʼtə̀ sə və ngɨŋ nə, ə zhi kôm ke ndzɨs sə vəynse, ə zhi tɛ.