Ŋwàʼlè ə̀ Mâk 4:38 - Ŋwàʼlè ə̀ Fèzhə̀ Mkâyn Mə̂ Fèm

³⁸ Ə nyi mə Njisə̀s tè nyɨ̀ŋ epàm ə ngwùʼ èghaʼâ pɨəynə̂ è tuə vəynke atɛa kwìkè. Ghənə ə zə̀mə̀ vəyn ə pfɨfə sê vəyn nə, “Tyə̀ynsè, piə e za nyi nə ghàs kwutə̂ ndùə nyi, ò fe va?”

Ŋwàʼlè ə̀ Mâk 4:38 Referans Kwoze

1 Pità 5:7

Ghàyn nji pəyn àfɨm kaynke nâʼà àkɨ̂m ə fo sê vəyn kûmə̀ nə è ke ndô ghɛ zaynze.

Ipilù 4:15

Ghâsènì nyiə kyi wùə èkɔʼsə nə eshyə̀ engaŋtə kwəynə, è fɛtê ke tèndom tɛ ə ghâsènì pɔlə̂ ətəyn, kosə̂ èsəyn sê ghâsènì, mə mɔ̂m zè ə tè pə̀yn sê vəyn kè ə tendom ə tendom, kèpi kə ze pə̂ sê ghâsènì, pîza è və tàʼa nə̂ pi.

Matyò 8:25

Chùmtè èpàm sə vəynse ə ndùə ə səʼə̀ zə̂mə̀ vəyn ə pìə nə, “Tsàmte ghàs ə Pɛ̂pɛ”, “Ghàs nyì ke se kwu!”

Tom èchùŋ kè kə Lûk tè nyaʼ 8:24

Ghənə ndùə sə̂ʼə̀ zə̂mə̀ vəyn, piə nə, “Pɛ̀ apɨəyn, Pɛ̀ apɨəyn, zə̀mə, ghàs nə kwutə̂!” È və zə̀mə̀ ə kàyntə̀ əghɛ sê fofa è tsò, ke ə tənə̂, luʼte ə kɨmə̂ kə nyiə mɔŋ.

Ipilù 2:17

Ə̀ za nyi eghɛ zɛ ə ze tè nəyn è və kɛsə̂ sè nyi kepî kə ə ghɔnyìə vəyn ghe ətendom tèkɨ̂m, kə è fɛte ke sə̂ fɨ̂aʼà kə wùə èkɔʼsə nə̂ èshyə̀ engaŋtə kwəynə, fɨnə kosə̂ esəyn sê ghɨ, fɨ̂aʼà sê Zhə̀fè se nə̀yn nə fe lɛse fo sepi sə ghɨ̀sè.

Njɔyn 4:6

Ə̀ tè nyi mə ə tɨm pûʼà fumə elùʼ sə̂ tuə m̀mo ətəyn. Puʼ mmò ətəynke tè nyì kə Njàkɔ̂pkè. Njisə̀s tè nyi mə È və kwì ə pɔ, ə tsotsɨsə̂ fumə etipì apùʼ mmò nə kɛ. Ə̀ tè nyi mə zhwize ə kɔʼ lo, ə tɛ ə̀ chwì.

Matyò 22:16

Ghənə ə ke tomə se chùmtè èpàm sə ghənə̂sè è ghɨə anɔ̀yn ə Ɛlɔ̀tkè sê Njisə̀s. Kə ghənə ndû tâyn ə pìə se Vəyn nə, “Tyə̀ynsè, ghàs ke ndô nə ò wàmnə̀ kə səmɔʼ, zaʼlə̂ kə èghɛ zɛ ə ze nyi səmɔʼ kûmə̀ àlâŋ ə Fèzhə̀kè se ghɨə, fɨmsə̂ va ngɨŋ zɛ̂zè kûmə̀ ə̀ghɛ ghɛ ə ghɨ kwaʼtə̀, pî ə̀ghɨ ghɛ ə ghənə nyi ghənə kûmə̀ nə ghənə vayn kaʼa kwiyne zaʼlê zɛze.

Ŋwàʼlè ə̀ Mâk 4:37

Ghənə ə pìə tyàŋà ndò, fof kyîke ə zhə̀tə̀ se tsɛ̀ tɛ kə nyi, mômə zhə̀tə̀ se njiə ngwùʼ èghaʼâ kyiŋə se sàŋsə zɨ̂yn.

Ŋwàʼlè ə̀ Mâk 4:39

È və zə̀mə̀ ə kàyntə̀ ə̀ghɛ sê fofa ətəynke ə pìə sê tsò nə, “Pɔse tyəm ke za!” Kè sə ashìŋə̀ fof kɛ ə pɔ, luʼte ə kɨmə̂ kə mɔŋ.