Ŋwàʼlè ə̀ Mâk 3:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Njisə̀s ə ndò ə ndùə yî chùmtè èpàm sə vəynse ə enjwì ə Ngalìlîvè. Ghɨghe ə ndùə ə Njisə̀s epàm, tsɨ̂ə kə nyî mə ə ndo apàs endaʼa Ngalìlîkè ə fɨnə ndô ə Njòndyâ,

Ŋwàʼlè ə̀ Mâk 3:7 Referans Kwoze

Tom èchùŋ kè kə Lûk tè nyaʼ 6:17

Njisə̀s ə kɛsə̂ tso ə pfɨ̀yn nə zɛ yî ghənə ə tyəmə elùʼ epa paʼsə̂ è nɔ̂yn ə sechùmtè epàm sə vəyn shise, se tsɨə kə nyi. Nɔ̂yn ə ghɨ̀kè e nyi kepî fu ghaʼa kə nyi mə ghe fɨ pə̀yn ke tâŋ tekɨ̂m ə Njòndyâ, è Njèlusalɛ̀m, ghɨə mɔ̀ʼɔ̂ ghe e nyi kepî fu mə ghe fɨ pə̀yn ə Tayà è Sindɔ̀n ətelùʼ mə te nyi paʼse ə etipì ə tso èghaʼâ.

Matyò 4:25

Zɨnə tè nə̂yn nɔ̂yn e tsɨəve ə fɨə ə Ngalìlî, ə fɨə epɨ̀as ə Setɔ̂ŋvè eghɨm, ə fɨə ə Njèlusalɛ̀m, ə fɨə ə Njòndyâ è pâs endaʼ kɛ ə ke tè nyi engyinə̂ tsô Njondàyn ə chùmtə̀ Vəyn.

Matyò 12:15

Kə Njisə̀s tè zɨ nə ə pɨaʼtə̂ se zhwiə vəyn, È və ndò fumə elùʼ. Kə È tè ndò fumə elùʼ nɔ̂yn ə ghɨ̀kè e chûmtə̀ vəyn. È və tsuʼə ə̀ghɨ zafə ghəkɨ̂m

Tom èchùŋ kè kə Lûk tè nyaʼ 23:5

Ghənə e sè kayntə̂ kə əghɛ piə nə, “Zaʼlə ə vəynze pə̂ eno zə əfètəyn endaʼ ə ghɨə Njûszè ke ekɨ̂m, È tè zhə̀te ə Ngalìlî, sè nyi zôyn mə è və pə̀yn fayn.

Tom èchùŋ kè kə Lûk tè nyaʼ 6:12

Njisə̀s ə kwɨlə̂ ə kɔʼɔ ə pfɨ̀yn tuʼfîfe ə pɨənə tsə̂mə̀ kə sê Zhə̀fè nyiə, tuʼve ə zo.

Ŋwàʼlè ə̀ Mâk 1:39

È və wàmnə̀ zâ ə kwìə kə tèluʼ tekɨ̂m ə Ngalìlî, kwîə njiə ə sendɛ sə atsɨ̀ynte sə ghənə̂sè, ndàʼà tom ə Fèzhə̀, fɨnə chûmə̀ fɨsə̂ sèzuʼ se pise ə ghɨghe mwìyn.

Matyò 10:23

Ə tsɨ̂fsə̂ ghàyn ə tɔ̂ŋ èmɔ̀ʼ, gha tə ndûə ə tə zə mɔ̀ʼɔze. M piə sê ghàyn səmɔʼ nə ghàyn tə nə̂ mɨ̂sə̀ va fɨ̂aʼ zaynze ə setɔ̂ŋ sə Isìlâytè tekɨ̂m ndɔ̀ʼɔ Va Wùə kɛse pəyn.

Ətefɨ̂aʼ 17:14

Kè sə ashìŋə̀ ghɨə poməghe ə tomə Pɔ̂l yî ghɨə mɔ̀ʼɔ nə ghənə tso ndu èndomve ə etipìə tsô èghaʼâ, pîza Silàs yî Timotì ə faŋa kə ə Pelyà.

Ətefɨ̂aʼ 17:10

Tuʼve ə chîə, ghɨə poməghe ə njìə Pɔ̂l yî Silàs ə tomə nə ghənə tə ndu endaʼ ə Pelyàzè kûmə̀ ngəʼ nə zɨ̂yn. Ghənə ə ndùə fɨə fu ə ndùə njiə ə ndɛ̂ atsɨ̀ynte ə̀ ghɨ Njûsə̀.

Njɔyn 7:52

Ghənə ə pìə se vəyn nə, “Ò ndò kepî ə Ngalìlî ə̀? Fɛte zaʼle Ŋwàʼlè ə̀ Fèzhə̀ ə ò fe nə fɨ̀aʼtè pâʼà tyəmə̂ fɨ ə Ngalìlî.”

Njɔyn 7:41

Yîghe pîə nə, “È nyi vɛ ə chɔʼ ndə̂m.” Pîza Yîghe pîə nə, “Vɛ ə chɔʼ ndə̂m vayn kaʼa è pəyn ə Ngalìlî!

Matyò 12:16

ə fo fɨ̀as sê ghənə nə kə wùə nə tsayn èghɛ sê wùə kûmə̀ èkyì ə wûə vɛ Zhi nyi və̂ynvè.

Ŋwàʼlè ə̀ Mâk 1:45

Pîza è və fɨə sè kotə̂ pîndè tsâ kə ndò ghɛ ətəyn, saʼghe ə̀təyn ə waŋə kə luʼte tekɨ̂m, zə nə̀ Njisə̀s e fɨmə sə̂ njiə əfètə̂ tɔ̂ŋ ə ndayn, e ve sè kwîə ndùə kə epɨ̀as ə sembvɨ̂nə̀vè pîza ghɨghe ə pa fɨə kə luʼ tekɨ̂m ndûə fe vəyn fu.

Ŋwàʼlè ə̀ Mâk 3:20

Njisə̀s ə nə̀ kwɨlə̂, ghɨghe ə fɨnə pə̀ ə zûŋtə̀ ə vəyn ə ngwùŋ tsɨ̂ə kə nyî, shîŋə̀ ke sè va kə yî chùmtè èpàm sə vəynse zhi fɨake.

Ŋwàʼlè ə̀ Mâk 4:1

Njisə̀s ə nə̀ fɨnə zhə̀tə̀ se zaʼlê əghɨ etipì enjwì ə Ngalìlîvè, nɔ̂yn ə ghɨ̀kè ə pə̀, ə kyìŋə̀ ka vəyn, è və fe zâ ə njiə tsɨsə̂ ə ngwùʼ èghaʼâ əfètə̂ tsò, ghɨghe ə tyəmə̂ ka ə etipìə tsô.