Ŋwàʼlè ə̀ Mâk 15:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ Paylɛ̀t ə pfɨfə nə “Kûmə̀ ghè? È pofse ghe?” Ghənə ə kɛsə̂ pɨa pîə kə sə ŋaŋ nə, “Paynte vəyn awâmnè!”

Ŋwàʼlè ə̀ Mâk 15:14 Referans Kwoze

Tom èchùŋ kè kə Lûk tè nyaʼ 23:41

ò fɨyn ke kəpi nə ghâsènì kwuə səmɔʼ kûmə̀ əghɛ ə piə kə ə ghâsènì nəyn pîza wùə nə vɨ̂nə kwuə kə səndô.”

1 Pità 1:19

Pîza Fe tè zhɔyn ghàyn è ndə̂m mə̂ Klâysə̀m, ə̀ nyi m̀ndəm kyi àtyaʼ. Klâys tè nyì ke kə vâ ndzè, kyi va ndi nâʼà səkɔs.

Ipilù 7:26

Ə̀ nyì ke Njisə̀s wùə kɔʼsə nə èshyə̀ èngaŋtə kwəynə vɛ ə è kwuəynə se tsàmtə ghâsènì. È nyiə nyi èŋwaʼze, kyi va tsasze, zo, ndɔ̀ʼɔ è tyəm nəyn pi mə Zhə̀fè ə fɨse vəyn əfètəyn ə̀ ghɨ̀ ə pighe ə njì kɔʼɔ è vəyn ekwùtwəyn.

Ətefɨ̂aʼ 19:34

Pîza ə pə̀ kə ghənə fe ke nə è vachi wùə Njûs, ghənə əkɨ̂m e pɨa pîə kə èghɛ èmɔ̀ʼ se zaʼâ sechwìə sèpɛ̀ nə, “Atemìs vɛ ə ghâsènì kɔʼsə ə Ɛfesùs nyîə ngaŋtə tsɛ̂ nâʼà m̀zhə̀ m̀kɨ̂m!”

Njɔyn 19:6

Kə ghɨkɔʼsə nə eshyə̀ ə ngaŋtə è ghɨə fɨaʼa Ndɛ Ètsə̀mə fe Vəyn, ghənə ə puʼlə̂ ndûə kə m̀pɔ̂ŋ nə, “Paynte Vəyn ə awâmnè! Paynte Vəyn ə awâmnè!” Paylɛ̀t ə pìə sê ghənə nə, “Ghàyn nji Vəyn ə ghàyn ndu payntê. M pâʼà fe ghɛ zɛ ə è pofse.”

Njɔyn 18:38

Paylɛ̀t ə pfɨfə sê vəyn nə, “Səmɔʼ nyi nə ghe?” Kə Paylɛ̀t pfɨf zâ, ə kɛsə̂ fɨə ndûə ə pɨəyn ə pìə sê ghɨ Njûs ghɛ nə, “M pâʼà fe ghɛ zhîze ə wùə vɨ̀nə nə̀yn pofse.

Tom èchùŋ kè kə Lûk tè nyaʼ 23:47

Tuə sesokə̀ʼke ə fe ghɛghe ə ghe kyàyn ə tsìtə̀ Fèzhə̀ piə nə, “Səmɔʼ, wùə vɨ̂nə a kyi va pi!”

Tom èchùŋ kè kə Lûk tè nyaʼ 23:21

Pîza ghənə ə pɨaytə̂ ndùə kə əsi, piə kə nə, “Ə payntə̂ və awâmnè, ə paynte və awâmnè!”

Tom èchùŋ kè kə Lûk tè nyaʼ 23:4

Paylɛ̀t ə ke pì se ghɨkɔʼsə nə eshyə̀ ndɛ ètsə̀mə è nɔ̂yn ə ghɨ vɛ ə ve tè nyi fu nə, “M fe va nâʼà eghɛ epi zhize ə wùə vɨ̂nə nəyn.”

Matyò 27:54

Tuə sesokə̀ʼ kɛ ə ke tè tsɨ̀ŋnə Njisə̀s yî sokə̀ʼ sə mɔ̀ʼɔse ə fe zâ kə chike nəʼə̀ è ghɛ kayntə mɔ̀ʼɔ ghɛ ə ghe kyâyn, fâynzè ə ko ghənə, ghənə ə pìə nə, “Səmɔʼ, wùə vɨ̀nə tè nyì ke nâʼà Vâ Fèzhə̀!”

Matyò 27:19

Kə Paylɛ̀t tè tsɨs ə fekyə̀ fɛ ə è tè saʼa ghɨghə ətəyn, zhwîə vəyn ə tomə tom sê vəyn ə pìə nə, “Kə ò nəyn nâʼà èghɛ zhîze sê wùə vî ə è tàʼa pofsê eghɛ za, kûmə̀ nə tsə̀m va kyiə mi ndâyn etuʼve kûmə̀ vəyn, ə fɨmsə̂ mi nâʼà sə ŋaŋ.”

Matyò 27:4

Kə è ndù ə pìə nə, “Mə nə̀yn pi se pəʼlə wùə ndɔ̀ʼɔ è nəyn pofsê nə ə zhwi vəyn.” Ghənə ə pə̀ynsə̀ nə, “saʼ zasze ə təyn nyi ghe?” Ə̀ ke ke ghò.

Ŋwàʼlè ə̀ Mâk 15:13

Ghənə ə pɨa pîə nə, “Paynte vəyn ə awâmnè!”

Ŋwàʼlè ə̀ Mâk 15:15

Paylɛ̀t tè kɔ̀ŋə se nə̀yn nə nɔ̂yn əghɨ̀ ətəynke ə saŋnə̂. È və fɨsə̂ Pàlapàs ə ndɛ ə̀chaʼ. È və fo àtyaʼ nə sokə̀ʼse pus Njisə̀s, ə ndu payntê awâmnè.

Ətefɨ̂aʼ 13:28

Naʼapi kə ghɨ nə ghɨyn tè tyə̀nə̀ va ghɛ zɛ ə Njisə̀s pofse se kwu, ghənə tə chyate Paylɛ̀t nə è nəyn kə ə zhwi Njisə̀s.