Ŋwàʼlè ə̀ Mâk 14:54 - Ŋwàʼlè ə̀ Fèzhə̀ Mkâyn Mə̂ Fèm

⁵⁴ Kə tè nduə è Njisə̀s, Pità e chûmtə̂ ndûə Vəyn sə aghaf, ə ndùə njiə ə wùə èkɔʼsə nə̂ èshyə̀ èngaŋtə kwəynə apɨəyn. È və tsɨsə̂ fu yî ghə̀ ghɨ tsɨŋnə ndɛ ètsə̀məghe, zɨtə̂ èwus.

Ŋwàʼlè ə̀ Mâk 14:54 Referans Kwoze

Njɔyn 18:18

Fofa tè nyîə nyi, ghɨə fɨaʼa wûə èkɔʼsə nə̂ èshyə̀ è ngaŋtəghe è ghɨə fɨaʼa ndɛ ə̀ Fèzhə̀ghè ə fɛtə̂ èwus ə tyəmə̂ kyîŋə̀ nga etipì ətəyn sè zɨtə̂. Pità ə ke njiə nduə tyəmê yî ghə̀ ghənə, zɨtə̂ kəpî.

Matyò 26:3

Ghɨ kɔʼsə nə eshyə̀ engaŋtə è chəʼse ə kwəynə̂ ə Kayfàs, ə wùə kɔʼsə nə̂ èshyə̀ èngaŋtə kwəynə.

Njɔyn 18:25

Pità tè pa tyəm ke fumə zɨtə̂ èwus, ghɨə mɔ̀ʼɔghe ə pfɨfə sê vəyn nə, “Piə ò nyì kepî chùmtè èpàm ə wùə vɨnə vəmɔ̀ʼɔ?” Pità ə kwiynsə̂ ə pìə nə, “Nyâ mi! m vachi chùmtè èpàm ə̀ Vəyn.”

Tom èchùŋ kè kə Lûk tè nyaʼ 22:44

È və kwàʼtə ngəʼ èghaʼâ zɛ è nə̀ nə̂ ə è və nyi ətəyn, e kwûəmə tsɛsə̀, è və fɨnə tɔ̀ʼɔ̀ tsə̂mə̀, zuʼseke ə fɨə ə ə vəyn ewìyn, kyaʼà kə mndəm, tàyntə̀ ə chi.

Ŋwàʼlè ə̀ Mâk 14:38

Ghàyn e kyaʼà, tsə̂mə̀, kə ndɔ̀ʼɔ ghàyn pfɨ əfètə̂yn emɔ̀m. Təmə nyîə kɔ̂ŋə̀ se nə̀yn, pîza njà sə ewìynse e pɔylə̂.”

Matyò 26:58

Kə tè njiə ndô ndûə è Njisə̀s, Pità tè chûmtə̂ ndûə Vəyn sə aghaf, se zaʼâ kə ndu fɨ ə Kayfàs etipìə àpɨəyn. Kə ghənə ndû fɨ fumə, Pità ə njiə fumə apɨəyn. Ə tsɨsə̂ fu yî ghə̀ ghɨ tsɨ̂ŋnə ndɛ ètsə̀məghe, se fe kə saʼà Njisə̀s nə̀ mîə.

Ŋwàʼlè ə̀ Mâk 14:66

Pità tè pa nyi ke ezhɔyn esaʼa nə saʼve. Vâyn èzhɔyn vîvè mə è fɨaʼà sê wùə èkɔʼsə nə èshyə̀ è ngɛsə ngaŋtə kwəynə, ə pə̀ fu.

Tom èchùŋ kè kə Lûk tè nyaʼ 22:54

Kə e wàmnè za, ə ko vəyn se ndùə è vəyn apɨəyn ə wûə èkɔʼsə nə èshyə̀ èngaŋtə kwəynə, Pità e chumtə̀ ndùə nâʼà sa aghaf.