Ŋwàʼlè ə̀ Mâk 13:33 - Ŋwàʼlè ə̀ Fèzhə̀ Mkâyn Mə̂ Fèm

³³ Ghàyn e tɔ̂ʼnə̀, fɨnə pfɨ̂tə̀, kûmə̀ nə ghàyn ke va nə shîŋə̀ ətəynke tə pə̂ zəynzə.

Ŋwàʼlè ə̀ Mâk 13:33 Referans Kwoze

Ɛfesùs 6:18

Ghàyn piə nə̂ ə̀ghɛ nə ghɨynə̀, ghàyn e tsə̂mə̀ sê Zhə̀fè kè shîŋə̀ tekɨ̂m, pfɨfə nâʼàpî ghè ke eghɨ kə Zuʼsə vəynse chisə ghàyn. Ghàyn piə tsə̂mə̀ ndò ghàyn e tsə̂mə̀ sê ghɨə Fezhə̀ nâʼà ə̀kɨ̂m. Ghàyn e tɔ̂ʼnə̀, kə wùə tə lɛ̂sè ètsə̂m.

Tom èchùŋ kè kə Lûk tè nyaʼ 12:40

Nâʼà ghàyn kyi sə̂ tsɨs naʼapi ashìŋə̀ àkè, lɨmtə̂ kepî zâ kûmə̀ nə Va Wùə tə kɛsə̂ pə̂ ashìŋə̀ kɛ ghàyn kwàʼtə̀ va nə è kàʼa è pə̀yn ətəyn.”

Etyə̂yn ə paynsêzè 16:15

Pɛ̂pɛ pi nə, “Ghàyn zɨte! M nə̀ pə̂ kə wùə èchɔŋɔ. Saŋnêzè nyì sê wùə vɛ ə è tsɨs, pfɨ̂tə̀ è ndzɨse ə vəyn ewìyn, kə è tə tàʼa fɨ è sas ezomze ə ghɨghə shi, kə è və ghomə̂.”

1 Pità 5:8

Ghàyn e tsɨs pfɨ̂tə̀, nyi etsɨ̂ŋnèzè, kûmə̀ nə pàyn zâynzè, mə za nyi ndə̂plè nyiə tàyntə̀ ka kə kə pìkəm, pɨa, kyiŋə wùə se zɨ̀.

1 Pità 4:7

Ghɛghe əkɨ̂m fa mbi zo paʼsə̀ pə̀ se mì, zamə ghàyn e fɛtə̂ kyîə sèngɨŋ saynse, nyi èpfɨ̂tə̀zè kə ghàyn kàʼa tsə̂mə̀.

Matyò 25:13

Njisə̀s ə kwùŋsə̀ ngàyn nə zɨnə nə, “Ghàyn e pfɨ̂tə̀, kûmə̀ nə ghàyn keva tuʼfe è kɨsè shîŋə̀ kɛ ə Vâ wùə tə kɛsə pə̂ ətəyn.”

Etyə̂yn ə paynsêzè 3:2

Zə̀mə ə ò ə tɔ̂ʼnə̀ è pomə̂ e tətə̂ zɛ ə ò kyi, ə̀ va za ə ò mi mɨ̂sè kûmə̀ nə mə fe nə fɨ̂aʼ tɛte paʼà kɔʼ kwəyn ə Zhə̀ fɨmfə shi.

1 Kɔlìŋ 16:13

Ghàyn e pfɨ̂tə̀. Ghàyn fɛte kyî èpomə̂ zaynze. Kə ghàyn ə fânə̀, ghàyn e tɛ.

Ŋwàʼlè ə̀ Mâk 13:23

E nyi nə ghàyn ə tɔ̂ʼnə̀. M tsâ ndə̂mə̀ ə̀ghɛ nə ghɨ̂yn sê ghàyn, tsɔ̀fə kə shîŋə̀ ətəynke kwəyn.

Ipilù 12:15

Ghàyn tɔʼne, kə wùə nə kwiynse àfùʼ kɛ ə Zhə̀fè tyə̀nə̀ sê vəyn. Ghàyn e fɨnə tɔ̂ʼnə̀, kə wùə tsɛ̂ fɨ ə ghàyn əfètəyn, ə è və nyi kə awə̂yn ə njwiəke ə ke ndəmə kɔʼɔ, ke ə pə̀yn è tsôstè tsɨəte è lɨf ə kəynke.

Ŋwàʼlè ə̀ Pɔ̂l sê ghɨə Lûmghè 13:14

Pîza ghàyn e pɨl kyi ètsɨsə̂ ə Pɛ̂pɛ Njisə̀s Klâyszè. Kə ghàyn ndəm tuke əghɛ ghɛ ə njà ewìyn kyiŋə, kə ghàyn tə nəyn kə wiyn vɛ ə ve chiyntə ghàyn nə ghàyn nəyn pi kyiŋə.

Kòlosè 4:2

Ghàyn e tsə̂mə̀ shîŋə̀ tekɨ̂m, fɛte ke èghɛ zɛ ə ghàyn tsə̀mə̀ sê zəynze ezhoghɛ ə ghàyn tsə̀mə̀, fo àzɔ̀ŋnè sê Zhə̀fè.