Ŋwàʼlè ə̀ Mâk 12:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Wùə èmɔ̀ʼ vɛ ə è tè faŋ kə è tom tè nyi va vəyn vê kɔ̀ŋ. È və tomə kwûŋsə̀ vəyn pîə sê ngɨŋə̂ vəyn nə, ‘Ghənə nə̀ ndùə fânə̀ vayn vɨ̂m.’

Ŋwàʼlè ə̀ Mâk 12:6 Referans Kwoze

Njɔyn 1:34

Mə fe kə ghɛ nə zɨ̂nə̀ kyàyn, sè tsâ sê ghàyn nə, “Ə̀ vɨ̀nə nyi Va Fèzhə̀.”

Matyò 3:17

Kè sə ashìŋə̀, kyə̀ ə fɨ pə̀ ekwùtwəyn ə piə nə, “Ə̀ vɨ̀nə nyi Va èkɔ̀ŋ vɨ̂m, È nə̀ Mi M saŋnə̂ tsɛ̂sə̀.”

1 Njɔyn 4:9

Zhə̀fè tè tyə̀yn ekɔ̂ŋ ə vəyn sê ghâsènì kə Fe tom Va Vəyn èmɔ̀ʼ ə mbi, kə ghâsènì ə kyi èndam tɔynə̂ sê vâ vəyn nə vɨ̂yn.

Ipilù 1:6

Ə̀ tè nyi kepî kə Zhə̀fè kyiŋə se tomə Va vəyn ve ndomə̀ sə shi, ə pìə nə, “Tsì sə Fezhə̀sè nâʼà sèkɨ̂m kyi sə̂ ngɨmnə̂ vəyn.”

Njɔyn 5:23

È nəyn nyi kə ghɨghe əkɨ̂m ə ngɨmnə̂ Vayn kè eghɨ kə ə ngɨmnə Pɨ̀a. Nâʼàpî ndè vɛ ə è ngɨmnə va Vayn, vayn kàʼa è ngɨmne Pɨ̀a vɛ ə È tom Vâ ə̀təyn.

Njɔyn 3:35

Ə pɨ̀a vayn kɔ̂ŋɔ̀ vayn, è və ndə̀mə̀ ə̀ghɛ ə̀kɨ̂m ə vəyn əgho.

Njɔyn 1:49

Nàtanyèl ə pə̀ynsə̀ nə, “Tyə̀ynsè Ò nyì ke nâʼà Vâ ə̀ Fèzhə̀! Ò nyi fɔ̀yn ə̀ Isìlây!”

Njɔyn 1:18

Wùə pâʼà tyəm fe Zhə̀fè. Ə̀ nyì ke Vayn emɔ̀ʼ vɛ ə è tè nyi kepî kə Fezhə̀, mə È nyi ə Pɨ̀a etipì. Ə̀ nyì ke Vəyn vɛ ə è nyi mə è və fe Zhə̀fè. È və nə̀yn nə ə ke Fèzhə̀.

Njɔyn 1:14

Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

Tom èchùŋ kè kə Lûk tè nyaʼ 9:35

Kyə̀ ə fɨə fu əfètə̂ sèmbàʼ ə piə nə, “Ə̀ vɨ̀nə nyi Vayn vɨm vɛ ə m chɔʼ. Ghàyn zɨ sê vəyn!”

Tom èchùŋ kè kə Lûk tè nyaʼ 3:22

Zuʼse Ŋwaʼase ə tso pə̂ ə və tu, kyàʼà kə kə akwɨ̀l, kyə̀ ə fɨə ekwùtwəyn piə nə, “Ə̀ nyi ke nâʼà ghò Vayn èkɔ̀ŋ vɨ̂m, m saŋnə̂ kûmə̀ ghò sə nɨŋ.”

Ŋwàʼlè ə̀ Mâk 9:7

Kè nyi, mbàʼsè ə tso ə kɨytə̂ ghənə, kyə̀ ə fɨ ətəyn ə pìə nə, “Ə̀ vɨ̂nə nyi Vayn èkɔ̀ŋ vɨ̂mè. Ghàyn e zɨə sê vəyn.”

Ŋwàʼlè ə̀ Mâk 1:11

Kyə̀ ə fɨnə fɨə kəpî awulə, pîə nə, “Ə̀ nyi ke nâʼà ghò Vayn èkɔ̀ŋ vɨ̂mè, m saŋnə̂ sê ghò sə nɨŋ.”

Matyò 26:63

Pîza, Njisə̀s ə kɨmə̂ kə mɔŋ. Wùə èkɔʼsə nə èshyə̀ èngaŋtə kwəynə ə wàmnə̀ kwəynsə̂ se vəyn nə, “Ezə Fezhə̀ fɛ ə fe ndamə, m pîə sê ghò tsàyn səmɔʼ sê ghàs nə ò nyi vɛ ə chɔʼ ndə̂m ə, ə Vâ Fèzhə̀ ə?”

Matyò 17:5

Kə è tè pa wâmnə̀, mbàʼ sefɨfə nyaynəse ə tso ə ghənə ətu ə kɨyte ghənə, Kyə̀ ə fɨə fu ə fètə̂ sèmbàʼ pîə nə, “Ə̀ vɨ̂nə nyi Vayn vɛ M kɔ̂ŋə̀, È nə̀ M saŋnə̂. Ghàyn zɨə sê vəyn.”

Matyò 11:27

Pɨ̀a vɨ̂m və fo fɨave ekɨ̂m sê mi. Wùə vîvè fɛte keva Vayn ə tsɛ̂ kəva Zhə̀fè Pɨ̀a, wùə e fɛte ke va Pɨ̀a ə̀ tsɛ̂ kəva Vayn è ghɨ ghɛ Vayn chɔʼ se tyə̀nə paynsê ə Pɨ̀a sê ghənə.

Matyò 1:23

“Ngɔ̀yn zhîzè, mə è paʼà tyəm nyîŋə̀ yî wùndômə̀, Nə̀ tyəmə̂ èndwɔ̂ ə è piə vâyn èndômə̀, Ə tsɨ zə vəyn nə, Ìmanuwɛ̀l.” Zə nə zɨnə nyi nə, “Zhə̀fè nyì ghâsènì.”

Ŋwàʼlè ə̀ Mâk 12:5

È və fɨnə tomə vîvè, nə ə sè nyi ə̀ghɨ ə̀ ta, ghənə ə kyîə ə zhwiə. Pɛ àfùʼ ə̀təyn ə tomə kwəynsə̂ ə̀ghɨ tsɨə. Ghɨə fɨaʼa ətəynghe ə kyîə pusə yîghe ə zhwitə̂ ghəmɔ̀ʼɔ.

Ŋwàʼlè ə̀ Mâk 12:7

Pîza ghɨfɨaʼa nə ghɛ ə fe ə pì sê ngɨŋ sə ghənə̂sè nə, ‘Ə̀ vɨ̂nə nyi ke nâʼà zhîndɛ̂ ə̀ pɛ̀ àfùʼ. Ghâsènì kyi zhwi vəyn kə fɨa vəyn və nyi və ghasènìve.’

3 Njɔyn 1:1

Ə nyâʼ mi chəʼ ə ndɛ̂ Fèzhə̀, sê soyn vɨ̂m Ngayùs vɛ m kɔ̂ŋɔ̀ səmɔʼ.