Ŋwàʼlè ə̀ Mâk 12:24 - Ŋwàʼlè ə̀ Fèzhə̀ Mkâyn Mə̂ Fèm

²⁴ Njisə̀s ə pìə sê ghənə nə, “Ghàyn ə wàmnè pofsê! Ghàyn zɨə kê va ghɛ zɛ ə Ŋwàʼlè ə̀ Fèzhə̀ pìə, fɨyn tɔʼ kê va tyaʼa Fezhə̀kè.

Ŋwàʼlè ə̀ Mâk 12:24 Referans Kwoze

Njɔyn 20:9

Pi kə ghənə tè nyi ndɔ̀ʼɔ nyiəm kê èghɛ zɛ ə tè nyàʼ ə ŋwàʼlè ə̀ Fèzhə̀ nə Njisə̀s tə zômə̀.)

Matyò 22:29

Njisə̀s ə ke pì sê ghənə nə, “Ghàyn ə pì pofsê kûmə̀ nə ghàyn zɨə kê va ghɛ zɛ ə Ŋwàʼlè ə̀ Fèzhə̀ pìə, fɨnə zɨə kê va nə tyaʼa Fezhə̀kè nyì zaynzə.

Ɛfesùs 1:19

tsə̂mə̀ kəpi nə ghàyn fe kê àtyaʼa kayntə kɛ ə Zhə̀fè kyi, ə nyi kəyn kɛ ə ke tsàmtə̀ ghâsènì ghɨ poməghe. Ə̀ nyi kepî àtyaʼ kɛ ə è nji

Filìpây 3:21

È tyaʼ ə Vəyn kɛ ə ke naynə ghɛghe əkɨ̂m, è tə kwiynə̂ àchaʼ ewìyn ə ghâsènì kɨ̂nə̀, ewiyn vɛ ə ve kyi va tyaʼke, kə ghâsènì tə kyi kàyntè èwìyn kè kə È tè kyi ashìŋə̀ kɛ ə Zhə̀fè tè zòmse Vəyn.

Ŋwàʼlè ə̀ Pɔ̂l sê ghɨə Lûmghè 15:4

Naʼapi èghɛ èkè zɛ ə tè nyaʼ ə Ŋwàʼlè Fèzhə̀ sə mɨ tè nyì se zaʼlə ghâsènì. Ze tè nyi kə ghâsènì ə kyi èkwaʼtè zɛ ə ze ndô pə̂ ewàmnè ə Fezhə̀zè, nə̂ nə ghâsènì ə kyi èkol ətəmze, fɨnə fo ghâsènì è temghe.

Ətefɨ̂aʼ 17:11

Ghɨ ghɛ ə ghe tè nyi fu tè nyi əghɨ, kɔ̂ŋɔ̀ se zɨtə eghɛ tsɛ̂ ə̀ghɨ ə Tèsàlonikà. Ghənə tè kɔ̂ŋɔ̀ nâʼà àchûŋ se zɨtə tom èchùŋ ə faŋa sè tɔŋɔ ə̀ghɛ ə Ŋwàʼlè ə̀ Fèzhə̀ kè tûʼmè m̀kɨ̂m kyiŋə se fe nə ghɛ ghɛ ə Pɔ̂l tè ndàʼa tè nyì səmɔʼ ə.

Ŋwàʼlè ə̀ Mâk 10:27

Njisə̀s ə naynə̂ ghənə nyi ə ke pi nə, “Ghɛ nə zɨ̂nə̀ tɛ ghaʼə kə ə̀ghɨ, pîza tɛ ghaʼa va Zhə̀fè kûmə̀ nə ghɛ ghəkɨ̂m pɔynə̂ kə nyî sê Zhə̀fè.”

Njɔyn 5:39

Ghàyn fɛtə̂ zaʼlə̂ Ŋwàʼlè ə̀ Fèzhə̀ kûmə̀ nə ghàyn kwàʼtə̀ nə ə fètə̂ ə̀təyn ghàyn nə̀ fe endam zɛ ə ze mîə va. Ŋwàʼlè ə̀ Fèzhə̀ nə zɨ̂yn è wàmnə̀ kəpî kûmə̀ Mi.

Tom èchùŋ kè kə Lûk tè nyaʼ 1:37

E za tyə̀nə̀ nə ghɛe vâyn kàʼa ze ghaʼ Zhə̀fè.”

Ŋwàʼlè ə̀ Mâk 12:23

Ə̀ tə pə̂ əfetuʼ fe zoməfe, ə wùzhɔyn nə vɛ ə nyi zhwîə ndè? Kə ghənə za èsɛ̀mbɛ tè nyi mə njì vəyn sə zhwi ə.”

Ŋwàʼlè ə̀ Mâk 12:25

Ə̀ tə pə̂ ashìŋə̀ kɛ ghɨə zômə̀, ə fɨnə malə̂ va. Ghɨ tə nə̂ ə nyi kə setsì ekwùtwəyn, malə̂ va.