Ngàleshyà 6:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ E za tyə̀nə̀ nə ə ghâsènì kyi ndomnə̀fè nâʼà pî ashìŋə̀ àkè se nə chùŋ, ghâsènì mɔmsə̀ se nə kə sê ghɨ ghəkɨ̂m, fɨnə nə̂ nâʼà setsɨ̀ sê ghɨ ghɛ ə ghâsènì ghə̀ ghənə kyi kyî epomə̂zè emɔ̀ʼ.

Ngàleshyà 6:10 Referans Kwoze

Ipilù 13:16

Kə wùə nə lɛ̂sè sə̂ nə̂ eghɛ echuŋzè sê wùə kɨ̀sə sə̂ chyàtə̀ àfɨa kɛ ə è kyi se fo wùə ə̀ mɔʼɔ. Ghɛ nə ghɨnə nyi sê Zhə̀fè kə efo, ghe nə̂ nə fe ə saŋnə̂.

1 Tèsàlonikà 5:15

Kə ghàyn nə pomə̂ nə wùə ə ghàyn ə fètəyn nə pə̂ynsè pi è pi, pîza ghàyn e zâŋsə̀ mɔ̂msə̀ sə̂ nə̂ ə̀ghɛ ə chûŋə̀ sê ngɨŋ saynse, è kɨsè se ghɨghe əkɨ̂m.

Taytùs 3:8

Ghɛ zɨnə m nyi mə mə wàmnè nyì səmɔʼ. M kyiŋə nə ò tɛ faŋ ke famə ezaʼlê, kə nâʼà ə̀ghɨ ə̀kɨ̂m ghɛ ə ghe nyi mə ə pomə sè Zhə̀fè, fo ngɨŋ sə ghənə̂sè sə̂ nə̀ chùŋ. Zaʼlê nə tɨ̂nə̀ nyi achûŋ tsâmtə̀ nâʼàpî ndè.

Matyò 25:40

Ə fɔ̀yn pəynse nə, ‹M pîə sê ghàyn səmɔʼ nə, nâʼàpî ghè vɛ ə ghàyn tè nə̀yn sê wùə èmɔ̀ʼ vɛ è chùmtə̀ mi mə è kɔʼnə̂ va, ghàyn tè nə̀yn sê Mi.›

Ipilù 6:10

Zhə̀fè nə̀ va m̀nàŋ endom vɛ ə è saʼa ətəyn. Fe vayn kàʼa fe lɛse kɔ̂ŋ zɛ ə ghàyn tyə̀yn sê ghɨ vəynghe è fɨ̂aʼ zɛ ə ghàyn nə̀ se tsàmtè ə ghənə. Ə̀ nyi nâʼà pî zôyn, ghàyn pa fɨ̂aʼà kə za.

Ɛfesùs 2:19

E za tyə̀nə̀ nə ghàyn ghɨ ghɛ ə̀ vachi ə̀ghɨ Njûsghè fɨyn va ə̀ghɨ e motə pə, ghàyn nyi əghɨ endaʼ èmɔ̀ʼɔ ghayn ghə̀ Zhə̀fè, fɨyn nyi ə̀ghɨ esas ə ndɛ Fezhə̀ghè.

Njɔyn 12:35

Njisə̀s ə pìə sê ghənə nə, “Ə ghàyn fe pa kyi epayn kè sə fendiŋə̀ fə ashìŋə̀fè nyî, ə ghànə kwîə, luʼte e pa panə, kə lɨma nə̂ ka ghàyn. Ə wùə kwìə alɨm, ə è və fe kê va nə e ndùə ghaynze ə?

Tom èchùŋ kè kə Lûk tè nyaʼ 6:35

Pîza m piə sê ghàyn nə, ghàyn kɔ̂ŋɔ̀ sèpàyn saynse, nə̂ chùŋ sê ghənə, samsə̂ èfɨa sê ghənə naʼapi ezhoghɛ ə ke va nə ghənə tə kɛsə̂ fo. Ə ghàyn nə̀ zâ, ə mâʼte vaynve tə nə̂ ə və ghaʼa kə nyi, ə ze ə fɨnə tyə̂nə̀ nə ghàyn nyi ke nâʼà əghɔə Fezhə̀ fɛ fe ngaŋte kwəyn kûmə̀ nə fe tɔ̂ʼnə̀ è ghɨ piə è ghɛ ə ghe ndamə fe kê va chùŋ.

Njɔyn 9:4

Kè kə tuʼve pa panə, ghâsènì kyi se nə̀yn efɨaʼa ə Vɛ zə È tom Mi; tuʼe chîə pə̂ ndò mə wùə vayn kàʼa è fɨyn fɨ̂aʼ.

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

Filìpây 4:10

Kə m nyi ə Pɛ̂pɛ apàs, e nə̂ mi m saŋnə̂ nâʼà sə ŋaŋ. Kûmə̀ nə ghàyn ə tyə̀yn nə ghàyn nyiə tɔ̂ʼnə̀ se mi. M ke ndò nə ghàyn nyiə kyi èkwaʼtè sə tɔ̂ʼnə̀ è shîŋə̀ tèkɨ̂m, pîza ghàyn paʼà kyi zhəm ə təynke se nə̀yn zamə.

Matyò 12:50

Nâʼà pîndè vɛ ə è nə̀yn ghɛ zɛ ə pɨa vɨ̂mvè ekwùtwəyn kyiŋə, ə̀ nyi ànyì vɨ̂m ve ndômə̀ è ve zhɔyn è nyì vɨ̂mvè.”

3 Njɔyn 1:11

Kə ò tə səyne èghɛ epi ə soyn vɨm ve èkɔ̂ŋ, ò pɨlə səynə kə ze chûŋzè. Nâʼàpî ndè vɛ ə è nə̂ ghɛ e chuŋè nyi vayn sê Zhə̀fè. Vɛ ə è nə̂ ghɛ ə pighe ke va Zhə̀fè.

Kòlosè 4:5

Ghàyn e tɔfə endom vɛ ə ghàyn ndamə ətəyn ghâynghə̀ ghɨ ghɛ ə̀ va əghɨ epoməghe, nə̂ èfɨaʼ echûŋzè nâʼàpî ətəfè zhəmə̂ fèkè fɛ ə ghàyn kyi.

Ɛfesùs 5:16

Ə wùə sê ghàyn fe ndom se nə chùŋ, è və zàŋsə̀ nə̂ kə ndò kûmə̀ nə ə̀ tsɨ̀ə kə pi zôyn.

1 Njɔyn 5:1

Naʼapi ndè vɛ ə è pomə nə Njisə̀s nyi vɛ ə Zhə̀fè chɔʼ ndə̂m nyi va Fèzhə̀. Ə̂ kɔ̀ŋɔ̀ pîndè Pɨ̀a, ə è və pɔŋɔ kɔ̂ŋɔ̀ kəpi vayn vɛ ə Pɨ̀a kyi.

Ipilù 3:6

Pîza, sê Klâys, è fɨ̂aʼà kə è təm ə vəynghe əkɨ̂m kə Va Fèzhə̀, nâʼàpî ghè ə pɨ̀a vəyn ə ndɛ nyi ke ə və gho. Ghâsènì nyi ndɛ ə̀ vəyn, ə ghâsènì kyi ndu kendò təm ə tɛghe è samsêzè, əfètə̂ èkwàʼtè elɨmtə zɛ ə ghâsènì kyi.

Ŋwàʼlè ə̀ Mâk 3:4

Njisə̀s ə ke pfɨf sê ghənə nə, “Saʼze pomə̂ ndò nə ə nəyn chùŋ etuʼ endaʼ mə̂, pî nə zə pomə̂ nə ə sɔza wùə mə ə zhwi və?” Pîza, ghənə kɨmə̂ kə mɔŋ.

Ɛfesùs 3:15

ə̀ nyi vəyn vɛ ə è zhə̀tè sas ə sendɛ ghɛ ə ghe nyi ekwùtwəyn fɨyn nyi ə chi nâʼà ə̀kɨ̂m.

Matyò 5:43

Ghàyn ə zɨ nə ə tè pì nə, “Kɔ̀ŋ soyn vɛ̂vè ə pànə̀ sèpàyn sɛse.”

Matyò 10:25

E tyə̂nə̀ nə wùə ezaʼlə kyi va sə̂ kyiŋə èkɔʼsê ze tsɨə tsɛ zə wûə vɛ è zaʼlə vəyn. Wùə vɛ è fɨ̀aʼà kyi kepî va sə̂ kyiŋə èkɔʼsê ze tsɨ̂ə tsɛ zə wûə vɛ ə è fɨ̀aʼà se vəyn. Ə tɔŋtə tu esas ə ndɛke nə Peelzepùl, ə tɔŋtə̂ ə̀ ghɨə vəynghe sas ə ndɛghe tsɨ̂ə tsɛ̂ za mə.

Ətefɨ̂aʼ 6:7

Tom ə̀ Fezhə̀ e fɨnə zham ndûə kə èshike. Ghɨə poməghe ə Njèlusalɛ̀m e tsɨ̀ə ndùə kə ndò. Ghɨ kɔʼsə nə eshyə̀ ə tsɨəghe e zɨə èzaʼlê nə zɨ̂nə̀ ə pɔŋɔ pomə̂.

Ngàleshyà 1:23

Ghənə tè zɨə ndò ghɛ kə ghɨ tè wàmnə̀ kûmə̀ mi pìə nə, “Wùə vɛ e tè tsə̀fsə ghâsènì sə shi ə kɛse sè ndaʼà tom kûmə̀ èkyî epomə̂ zɛ ə è tè kyiŋə se pofsê.”

Ɛfesùs 4:28

Ə nyi mə ə̀ chɔŋɔ pîndè, kə è fɨyn chɔŋ. È pɨl kyi sə̂ fɨ̂aʼà èghɛ è gho vəynghe, kyi àfɨa sə̂ tsâmtə̀ əghɨ mɔʼɔ ghɛ ə ghe kyi va.

1 Tèsàlonikà 5:21

Ghàyn e pɨlə kyâʼsə̀ ə̀ghɛ ə̀kɨ̂m ghɛ ə ghɨə pîə nə Zuʼse Ŋwaʼase ə tyə̀yn se ghənə se fe nə sə tyə̀yn mə se paʼà tyə̀nə. Ə ze nyi səmɔʼ, ghàyn pomə̂ sê ghənə,

1 Pità 2:5

Ghàyn pɔŋ nyi kepî kə əchi ghɛ ə ghe kyi ndamze. Ghàyn za ngɨŋ saynse kə ə nji ghàyn ə pɛ ndɛ ə̀ Fèzhə̀ ətəyn, mə ghàyn fɨaʼà kə əghɨ èkɔʼsə nə eshyə̀ ə ŋwaʼaghe, fo tèfo tɛ ə zuʼsə Fezhə̀ sè chiyntə nə ghənə ə fo mə Zhə̀fè nyîə fiə təynte kûmə̀ èghɛ zɛ ə Njisə̀s Klâys nyi mə È və nə̀yn.

1 Pità 4:17

E nyi nyiə kûmə̀ nə shîŋə̀kè ə kwəyn kə Zhə̀fè saʼ mbi, È ve nyi se zhə̀tə̀ è ghɨ vəynghe. Mə ə fe zhə̀tè se saʼ ə ghâsènì sə shi, ə ze tə pəyn ə ze ə nyi zàyn sê ghɨ ghɛ ə ghe tàʼa pomə̂ ə tom èchùŋ zɛ ə è ndò sê Zhə̀fè ə?

3 Njɔyn 1:3

Ghɔnyì yîghe tè pə̀yn tsâyn sê mi nə ò nə̀ kə nâʼà èghɛ zɛ ə ze nyi səmɔʼ, tyəm ke eghɛ zɛ ə ze nyi səmɔʼ, m saŋnə̂ nâʼà sə ŋaŋ.

3 Njɔyn 1:10

M tə pə̀ nâʼàpî ashìŋə̀ àkè ə m tsàyn sê nɔ̂yn əghɨ̀ ə poməke ghɛghə kɨ̀m ghɛ ə è nə̀ mə ghe nyi etipì. M tə tsâ ə̀ghɛ ə kwəmnə ghɛ ə è pì kûmə̀ ghâsènì è kaŋ kɛ ə è wam. È tè nə̂yn zâ ze ə tàʼa mìə kə zamə. È tə sə̂ fiə ə̀ ghɔ nyiə fɨnə tâmtə̀ əghɨ ghɛ ə kyiŋə sə̂ fiə, chûmə̀ fɨsə ghənə ə anɔ̀yn ə ghɨ ə poməke.

2 Kolìŋ 2:8

Ə̀ za nyi eghɛ zɛ ə m chyatə̂ ghàyn nə ghàyn kɛse nəyn ə è və ke nə ghàyn pa kɔ̂ŋɔ̀ kə ndò vəyn.