Ngàleshyà 5:15 - Ŋwàʼlè ə̀ Fèzhə̀ Mkâyn Mə̂ Fèm

¹⁵ Pîza mə ghàyn kɛse sə senyàm sə mbvɨynse sə ndômnə̂ kwɨlə sengɨŋ saynse, nə̂ ə̀ghɛ əpiə, ghàyn nji shîŋə̀kè kûmə̀ nə ghàyn nə̀ mɨ̂sə̀ sèngɨŋ saynse.

Ngàleshyà 5:15 Referans Kwoze

1 Kɔlìŋ 3:3

Ghàyn pa ndamə kə kə̂ ghɨ mbiə. Ghə̀ʼkè nyîə nyi ə ghàyn əfètəyn, ghàyn e zɔ̂ə sèngɨŋ saynse, zɨnə mə e tyə̂nə̀ nə ghàyn nyi əghɨ ə mbighe, ndamə kə kə mbi kyiŋə.

Ngàleshyà 5:26

Kə ghâsènì ə ghaŋsə wiynve, kə ghâsènì ə nə̂ʼsə̀ ə̀təm ə əghɔ nyìə ə ghasènìghe pî sə̂ ghəʼə̀ ə̀ghɔ nyìə ghasènìghe.

Njə̂m 3:14

Pîza ə nyi mə ə ghàyn ətəm nyi mə lwiyn ke kàyntè aghə̀ʼ, è muze, kə wùə sê ghàyn nə ndə̂tè səmɔʼ ə è və pfɨ̂nə̀ àngàŋtè pîə nə zhi nyîə kyi ètɔf eghaʼazè.

2 Kolìŋ 11:20

Ghàyn ə kol təmə, ə zà nə ghɨghe ə njîə ghàyn kə ekɔ̂s, zhiə ə ghàyn ewìyn, chɔŋtə̂ ghàyn, nə̂ kəpiə ə tsɛ̂ ndò ghàyn, fɨnə sôylə̀ ghàyn kə piə ghàyn nyi sepu.

2 Kolìŋ 12:20

M fânə̀ nə m pə̂, ə ghàyn ə va kə m kyiŋə nə ghàyn ə nyi, ə ghàyn pɔŋ fe mi, m mə va kə ghàyn kyiŋə nə mə nyi. M kaʼa ə m piə pə̂ ndò, ə m fe zɔ̂zè ə ghàyn əfètəyn, è ghə̀ʼà, è tɔŋ enyɔʼsəve, emuze, è wàmnè e pize, è kôghɔ̀ŋ, è ghaŋsə ewìynze, tâsə̀ ə̀ghɨ ə mɔ̀ʼɔghe.

Filìpây 3:2

Ghàyn e tɔ̂ʼnə̀ è ghɨ pi ghɨnə̀ ə ghe nyi nyiə kə sepu pîə nə ə kyi se se ənam ə wûəghè.

Ngàleshyà 5:20

ngɨmnə̂ èfɨ̂aʼsè, kwɨlə avɨ̂ŋ, pânə̀ əghɨ, nô, kyi àghə̀ʼ, zâŋsə̀ nyɔ̂ʼsə̀ ètɔŋ, kwâʼtə̀ kûmə̀ kə sengɨŋ, pə̂ è nòsèkè è chyâsèzè,

Kòlosè 2:8

Ghàyn e tɔ̂ʼnə̀ se fe nə kə wùə tə lesə̂ ghàyn se zaʼlə ghàyn è ghɛ ə akaŋghe. Ghɛ zɛ ə ghənə zaʼlə ghàyn ətəyn nyi ezaʼlê mə ze ndo pə̂yn sê pɨ̀a ə pɨa ə ghənə̂ghè, mə ze chûmtə̀ èlwɔ̂ŋ ə ghɛ mbighe. Zaʼlê nə zɛ nyi zɛ ə ze ndô pə̂ se ghɨ msɔ̀ŋghe, ə̀ vachi se Klâys.

Ŋwàʼlè ə̀ Mâk 3:25

Ə ghɨ esas ə ndɛ èmɔ̀ʼghe kyi chyâsè ewiyn kyi va kyə̀ èmɔ̀ʼ əsas ə ndɛ ətəyn pfɨ.