Ngàleshyà 3:29 - Ŋwàʼlè ə̀ Fèzhə̀ Mkâyn Mə̂ Fèm

²⁹ Ə ghàyn nyi əghɨ Klâysə̀, ə ghàyn ə nyi əghɔyn sê Aplàghâm, ə ghàyn tə kyî àfɨa kɛ ə Zhə̀fè tè tsɨ̀ne sê ghɔyn ə vəynghe.

Ngàleshyà 3:29 Referans Kwoze

Ɛfesùs 3:6

Ghɛ e kayntə nə zɛ ə tè mɛnə sə shi nyi nə, ghɨ ghɛ ə̀ vachi ə̀ghɨ Njûs ghɛ ə ghe pomə tom èchùŋ tə tsɨ̂yntə̀ zhiə èfɔyn ə Fezhə̀vè yî ghɨə Isìlâyghè ə fɨyn tsɨ̂yntè nyi èpɨas əfètə̂ èwiyn emɔ̀ʼ, fɨyn nyi se tə tsɨ̀yntə kyiə epɔsê zɛ ə Zhə̀fè tsɨ̂nè tɔynə̂ ə Klâys Njisə̀s.

Ngàleshyà 3:7

Piə ghàyn ə fe zôyn nə ghɔ Aplàghâmə̀ nyi əghɨ ghɛ ə ghe kyi kyî epomə̂zè sê Zhə̀fè?

Ŋwàʼlè ə̀ Pɔ̂l sê ghɨə Lûmghè 8:17

Kə ghâsènì se nyi ə̀ ghɔyn ə vəynghe, ghâsènì tə kyîə ndò pɔsê tɛ ə È ndə̀m sê ghɔ vəynghe, ə kyi kepî ghasènyìə ghə̀ Klâys fɨa vɛ ə Zhə̀fè nyi mə fə ndə̀m se Vəyn, kûmə̀ nə ə ghâsènì zɨ tsôsvè ghasènyìə ghə̀ Klâys, ə ghâsènì tə kyî kepî èpomsê ə vəynze.

Taytùs 3:7

Kûmə̀ àfùʼ Zhə̀fè ə tə nə̀yn nə ghâsènì ə nyi chichi, è kɨsè nə ghâsènì ke səmɔʼ nə ə tə kyîə èndam zɛ ə ze tə mîə va.

Etyə̂yn ə paynsêzè 21:7

Ə̀ nò zhi nâʼà pîndè, m fo fɨa vɨ̀nə sê vəyn, m mə nyi Fezhə̀ fə vəynfe, è ve nyi vayn vɨ̂m.

Ngàleshyà 4:7

E za tyə̀nə̀ nə ò fɨyn va àkɔ̂s. Ò pɨl nyi vayn sê Zhə̀fè, kûmə̀ nyî, ò kyi èfɨa vɛ ə fe fo sê ghɔ vəynghe.

Njə̂m 2:5

Ghàyn zɨte ə ghɔnyì ghɨm ghe chûŋə̀! Piə ghàyn ke ndô nə Zhə̀fè ə tə chɔʼ ghɨ ghɛ ə ghɨ ə mbighe njîə nə nyi əghɨ afɨfə, ə nə̀ nə ghənə ə kyi èkyî èpomə̂ eghaʼâzè, ə ghənə kyi luʼ efɔ̀yn vɛ ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.

2 Kolìŋ 10:7

Ghàyn nji shîŋə̀kè ə ghàyn fɛte naynê ə̀ghɛ. Ə wùə pìə nə e nyi wùə ə̀ Klâys, ə è tɔʼ kwàʼtè èghɛ zɛ ə è pìə kûmə̀ nə̀ ghàs pɔŋ nyi kepî ə̀ghɨ Klâysə̀ kə vəyn.

Ipilù 6:17

Sê ghɨ ghɛ ə ghənə tè kyi se kyî etsɨ̂nè nə zɨ̂yn, Zhə̀fè tè kyiŋə se tyə̀nə paynsê nə zhi tə kwiynə̂ va ghɛ zɛ ə zhi pɨaʼte, nyiəmə è və paʼsə̂ èkâyntè ə vəynze sê tsɨnè ətəynze.

Ngàleshyà 3:16

Ke nə Zhə̀fè tè fo etsɨ̂nè sê Aplàghâm yî ghâŋfə vəynfe mɔ̀ʼ. Ŋwàʼlè ə Fèzhə̀ pâʼà pì nə, ‘Ghàŋə̀m’ ze tyə̂ nə ghɨə se tsɨ̀, è pɨl pî nə, ‘Ghâŋfè’ ze tyə̂nə̀ nə ə̀ nyì ke wùə èmɔ̀ʼ mə tɔŋtə̂ nə Klâys.

Ipilù 11:18

pî kə Zhə̀fè tè nyi mə fə pì se vəyn nə, “Ə̀ nyi tɔynə̂ ə Azɨ̀k ə ò tə kyiə ngwàʼ ze zə ndɛ”

Ipilù 11:7

Ə̀ tè nəyn ekyî epomə̂zè nə Nuwà zɨ fɨ̀as zɛ ə Zhə̀fè tè fo kûmə̀ əghɛ ghɛ ə ghe nyi se tə kyàyn ndɔ̀ʼɔ è nyiəm fe è shize. Nyiəmə ə pofsə̂ mbi, Zhə̀fè ə njìə Nuwà sə wûə chichi kûmə̀ èkyî èpomə̂ ə vəynze.

Ipilù 1:14

E za tyə̀nə̀ nə, tsìsè nyi kə sezuʼ kə se fɨaʼà sê Zhə̀fè, tsâmtə̀ ə̀ghɨ ghɛ ə Zhə̀fè nyì se sɔzà.

Ngàleshyà 5:24

Ghɨ ghɛ ə̀ nyi əghɨ ə Klâys Njisə̀sə̀ nyi mə ghənə zhwi njà èwìyn è ghɛ ghɛ ə njà èwìyn kyiŋə nâʼà ètyaʼke.

Ngàleshyà 3:28

Nyiəmə, sə nɨŋ fɨyn va sê wùə ə Njû yî vɛ ə è va wùə Njû. Sə nɨŋ e fɨyn va sê wùə vɛ ə è va akɔ̂s yî wùə vɛ ə è nyi akɔ̂s, va sê wùə endômə̀ yî wùzhɔyn kûmə̀ nə ghàyn əkɨ̂m nyi sə àfɨa àmɔ̀ʼ kûmə̀ nə ghanə tsɨ̀yntè ghâynghə̀ Klâys Njisə̀s.

1 Kɔlìŋ 15:23

Pîza nâʼàpî ndè tə zômə̀ kə vəyn ashìŋə̀, ə Klâys sə shi, ashìŋə̀ kɛ ə è pə̀yn, ə ghɨ ghɛ ə̀ nyi ghə Və zomə.

Matyò 3:9

Kə ghàyn ə kwâʼtə̀ nə ghàyn kàʼa ə ghàyn tə pɔynsə̂ ə Fezhə̀zè kûmə̀ nə ghàyn pìə nə ghàyn nyi əghɔ ghɔnə sê Aplàghâm. M tsâ sê ghàyn nə Zhə̀fè kàʼa ə fe nəyn ə chi ghɨnə kɛse sə ghɔyn sê Aplàghâm.

Ngàleshyà 3:18

Ə̂ Zhə̀fè tè fo fo ə vəynze sê ghɨ kûmə̀ kə ə ndə̀mə̀ Lâŋà, ə è və fɨnə fo va kûmə̀ nə è və tsɨ̀nè. Pîza, fe tè fo efo nə zɛ sê Aplàghâm kûmə̀ ètsɨ̂nè zɛ ə fe tè nəyn.

Ngàleshyà 4:1

Ghɛ zɛ ə m pîə nyi nə, ə ndə̂m zhîndɛ̂ apɨəyn, mə è pa tətə̂ ndò, ə è və kyi va kyə̀ ə ndumneghe ə fètəyn, pi kə ə̀ lote kyi ke nâʼà vəyn è fɨave kɨ̂m fumə apɨəyn.

Ngàleshyà 6:16

Ə Pɔ̂ynè ə Fèzhə̀ è kosê esəynze ə nyi sê ghɨ ghɛ ə chûmtə̀ zaʼlê zɨ̂nə̀, è kɨsè se ghɨ Fezhə̀ ghəkɨ̂m.