Ngàleshyà 1:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Se pì səmɔʼ, ‘tom èchùŋ zhîzè kɛse va,’ pîza m pîə zɨnə̀ kûmə̀ nə ghɨ yîghe nyiə nyi ə ghe mômsə̀ se sàʼtè atu kaynke se kwiynê ə tom ə̀ Klâys ə ghàyn ətəm.

Ngàleshyà 1:7 Referans Kwoze

Ətefɨ̂aʼ 15:24

Ghàs ə zɨ nə ghɨə mɔ̀ʼɔ ə ghàs əfètəyn ə pə̀yn wàmnè ghɛze, ghe fo ètsôs ə ghàyn ətəm nâʼà sə ŋaŋ. Ghənə tè wamne zamə, mə ə̀ paʼà fo ghàs ètyaʼke sê ghənə.

Ngàleshyà 5:10

M ke ndô səmɔʼ tɔynə̂ ə Pɛ̂pɛ nə, ghâsènì tsɨ̂ynte nyi sə eghɛ èmɔ̀ʼ, nə ghàyn chùmtə̀ va zaʼlê ə mɔ̀ʼɔ zhîze. Zhə̀fè nə̀ fo ètsôs sê wùə vɛ ə è fɨmsə̂ ghàyn, kɨ̀sə ə̀ nyì pîndè.

2 Kolìŋ 11:13

Ghɨ nə ghɨnə wamə ndò nə ghənə nyi ə ghɨ tomə, ghənə nyi ə ghɨətom akaŋ ghɛ ə ghe wamə kaŋke kûmə̀ èfɨaʼ ə ghənə̂zè, pîə nə ghənə nyi əghɨtom ə Klâysghè.

Ngàleshyà 5:12

M tsə̂mə̀ nə ghɨ ghɛ ə ghe fɨmsə̂ ghàyn, nə kə ghənə mbɔʼte se ke ə̀nam ə ghənə̂ghè, nə ghənə laynse kayn sèngɨŋ sə ghənə̂sè!

2 Kolìŋ 2:17

Ghàs va kə tsɨ̀tsɨ̂ ə̀ ghəmɔ̀ʼɔ ghɛ ə ghe nji ghɛ Fezhə̀ sə afɨa ezhɔynke, pəʼlə̂ sə ekɛ. Ə̀ tom Fèzhə̀ ghàs nə ə nə̂ èfɨ̂aʼ nə zɨ̂nə̀, ghàse ndàʼà kə nâʼà səmɔʼ ə Zhə̀fè əshi kə əghɨ efɨaʼa ə Klâysghè.

Etyə̂yn ə paynsêzè 20:3

Tsì ə̀təyn ə màʼà tsosə̂ ndlangɔ̀yn ə̀təyn fu epə ə fɛtə̂ fâ ə ndə̀mə̀ chwìə fumə se nə̀yn nə ghɨ ke nə wùə kyi va se chɔʼ, ə zà nə è faŋ fu ə è zə fɨyn kyi va ndom se kɛsə lesê əghɨ ə tendaʼàghè se zaʼâ kə pìŋ nə sɨ̂nə̀ kam mi. Epàm ətəyn, tsì ə̀təyn kyi se chɔʼɔ za zə̂ynzè sə fendiŋə̀ fə ashìŋə̀fè.

2 Njɔyn 1:10

Ə̀ pə̀yn pîndè sê ghàyn zaʼlə̂ va zaʼlê nə zɨ̂yn, kə ghàyn fi vəyn ə gha ə sendɛ, kə ghàyn tɔŋte pî ghənə kə tɔŋtə ghɨ ə epoməghe.

1 Njɔyn 4:1

Ghɔ nyì ghɨm ghe kɔ̂ŋə̀, kə ghàyn ə pomə se nâʼàpî ndè vɛ ə è pìə nə zhi nyîə kyi sè Zuʼ, pîza ghàyn mom ghənə se fe nə zuʼ sɛ ə ghənə kyi ndo pə̂yn tê se Zhə̀fè ə. Kûmə̀ nə fɨ̀aʼtè sə akaŋse tsɨəse nyi ndô ə mbi.

Etyə̂yn ə paynsêzè 19:20

Ə kyîə nyàm e kwə̀mnə zɛ̂, ə fɨnə kyîə kəpi fɨ̀aʼtè àkaŋ zɛ ə è tè tyə̀nə chwìə se və shi. Ə̀ nyi sechwìə nə sɨ̂nə̀ mə ə è tè njì se lesê əghɨ ghɛ ə tè kyi chwìə ə̀ nyàm èpamə zɛ è kɨsè ghɛ ə ghe tè ngɨmnə fɨaʼsè ə nyâm èpamə ətəynke. Ə màʼa nyàm èpamə ə̀təyn è fɨ̀aʼtè àkaŋ əfètəyn èlùʼ wusve fuə ətəyn è fɨa kyîke mə ke lɛ̂ pâŋə̀ ndò e tɔŋtə̂ nə sɔlfɔ̀.

Etyə̂yn ə paynsêzè 13:14

Tɔynə̂ ə sechwìə sekayntə sɛ ə tè za nə è zə nə̂ ə nyàm èpamə ə̀shi zɛ əshi, è zə lesə̂ ə̀ghɨ ə̀kɨ̂m ghɛ ə tè ndamə əchi. Nyàm èpamə ə̀təyn ə tsà se ghənə nə ghənə fɛte fɨ̂aʼsèkè sə̂ kɔʼsə̂ nyàm èpamə ə̀shi zɛ ətəyn ə tè ndəmse è fɛ̂ eghɔ̀ŋze pîza è pa ndamə zâ.

Etyə̂yn ə paynsêzè 12:9

Ə màʼà fɨsə̂ nyàm èghaʼâ zɛ ə tè tɔŋtə nə ndlangɔ̀yn ə chi. Ə̀ tè nyi mbam ètuʼ əshi zɛ ə tè tɔŋtə nə ndə̂plè, fɨnə tɔŋtə̂ kəpî Satàyn. Ə̀ tè nyi zə̂yn zɛ ə è tè lɛsə ghɨ mbiə əkɨ̂m. Ə màʼa tsosə̂ zə̂ynzè ə chi yî tsì sə zə̂ynsè kè sekɨ̂m.

Etyə̂yn ə paynsêzè 2:20

Pîza ə̀ zɨnə nyi eghɛ zɛ ə m ghamə̀ ghò sətəyn. O zà Njesepèl wùzhɔyn vɨ̂yn ə è tsà nə zhi nyi fɨ̀aʼtè nyi, tɔynə̂ ə vəyn ezaʼlê, è lesə̂ ə̀ghɨ ghɨmghe fɨaʼa nə ghənə ə nə̂ ə̀ghɛ ə nyələghe kɛsə̂ zhiə èfɨazhiə vɛ ə nyi mə ə fo sə efo sê fɨ̂aʼsèvè.

Etyə̂yn ə paynsêzè 2:6

Ghɛ echûŋ zɛ ə o nə̀yn nyi nə o pànə̀ èghɛ zɛ ə Nikòlatàynsè nə̀, m pɔŋɔ pânə̀.

Etyə̂yn ə paynsêzè 2:2

M nyiə ke èfɨaʼ zɛ ə ò nyi mə o nə̀yn. M nyiə ke kə ò fɨ̂aʼà è tyaʼa è kol ə təmze. M nyîə ke nə ò zà va ghɨ ətəm e piə mɔŋ. M nyiə ke kepî nə o mɔ̀m ghɨ ghɛ ə ghənə pîə nə ghənə nyi əghɨtom ə Njisə̀sghè pîza vachi, ò vɛ ə ò fe kê nə ghənə nyi əghɨ akaŋghe.

Njût 1:4

Kûmə̀ nə ghɨ yîghe mə ghe ke va Zhə̀fè ə nyaʼtê nji ə ghâsènì ə fètəyn, ə̀ nyi ə̀ghɨ mə ghə fəʼtê tomə̀ àfùʼ ə Fezhə̀kè pîə nə fùʼ ətəynke nyîə pomə̂ nə ghɨghe ə ndamə tèndam tenyələte, Ŋwàʼlè ə̀ Fèzhə̀ se nyi mə è zə tə wàmnè nâʼà sə mɨ kûmə̀ ə̀ kyì ə ghɨ nə ghɨ̂nə̀ ə tsà nə Zhə̀fè tə saʼa pofsə̂ ghənə kûmə̀ nə ghənə ə tə pɛ̀ apɨəyn emɔ̀ʼ vɛ ə ghâsènì kyi ə̀ nyi Pɛ̂pɛ Njisə̀s Klâys.

2 Njɔyn 1:7

Ghɨə akaŋ ghə fɨ kwîə tsɛ̂ ə mbi, tsɨ̀ə kə nyi, pomə̂ va nə Njisə̀s Klâys ə tə pə̀ ə chi ewiyn ə wûəvè. Nâʼàpî ndè əfètə̂ ə̀ ghɨ nə ghɨyn nyi pàyn ə Klâys, lesə̂ əghɨ.

1 Njɔyn 2:26

M nyâʼà ə̀ghɛ ghɨ̀nə se ghàyn kûmə̀ ə̀ghɨ ghɛ ə ghe mɔ̂msə̀ se lesə̂ ghàyn.

2 Timotì 2:18

Ghənə ə zà ndom ə səmɔʼve, nə̂ nə kyî epomə̂ əghɨ̀ ə pomə yîghe ə nyi mə zə sàʼtè tɔynə̂ eghɛ zɛ ə ghənə pîə nə, Zhə̀fè nyi mə fə kàynè zômsè ghâsènì.

Ngàleshyà 6:17

Se mɨ̂sè, m pìə nə, kə wùə vîvè nə fɨyn fo ètsôs sê mi kûmə̀ nə ndwɔ vɨ̀nə ə mì ewìyn tyə̂nə̀ nə m nyi wùə èfɨaʼa ə̀ Njisə̀s.

Ngàleshyà 4:17

Ghənə ghɛ ə ghe mɔ̂msə̀ se kwiynê ə tom èchùŋ, tɨ̂mə̀ kə nyî kûmə̀ ghàyn, pîza ghɛ zɛ ə ghənə pɨaʼtə ə ghənə ətəm e nyi ke pi. Ghɛ zɛ ə ghənə kyiŋə nyi nə ghàyn za mi, kə ghàyn ə tɨ̂mə̀ se ghənə.

Ngàleshyà 2:4

Ghɛ ese nə nam nə zɨnə mə tè fɨ mə ə̀ ndwìse əghɨ ə pomə akaŋ yîghe fu, kə ə pə̀yn nji ə ghàs əfètəyn se fe kə ghàs va ekɔ̂s ə Klâys Njisə̀s, se nə̀yn nə ghàs ə nyi èkɔ̂s.

2 Kolìŋ 4:2

Ghàs ə zàmaʼà ghɛ ə ndətə è ghɛ ə ghoməghe; ghàs nə̀ va ghɛ mə ghàs lesə̂ ə̀ghɨ, pî sə̂ kwiynə̂ tom ə̀ Fezhə̀. Ghàs pɨlə ndàʼà səmɔʼ ə ndayn, momsə̀ se ndamə ə Zhə̀fè əshi endom kə nâʼàpî ndè vɛ ə è fe ghàs, ə təm ə vəynghe ə saŋnə̂.

Ətefɨ̂aʼ 20:30

Shɨ̂ŋə̀ kè tə pə̂, ə ghɨ yîghe ə ghàyn anɔ̀yn tə wamə àkaŋ se nə̀yn nə ghɨə poməghe chumte ghənə.

Ətefɨ̂aʼ 13:10

ə piə sê vəyn nə, “Ə ghô vâ ndə̂plè vɨ̀yn! Ò nyi pàyn sê nâʼà pi èghɛ èkè zɛ ə ze nyi achûŋ. Ò nyi mə o lwiyn è kyì tə tepi tekɨ̂m. Mɔ̂msə̀ kə shîŋə̀ tekɨ̂m se kɨ̀mnè ə səmɔʼ ə̀ Pɛ̂ nə ə nyi àkaŋ.

Matyò 24:24

Kûmə̀ nə ghɨə etsɨə tə fɨə pə̂ ə tsâ nə ə nyi vɛ ə chɔʼ ndə̂m è fɨ̀aʼtè sə akaŋse ə sə tyə̂nə̀ sèchwìə sekwə̂mnəse, mɔ̂mə̀ əghɛ kayntə kè se mɔ̀msè se fe nə ghənə nyiə kaʼa ə kyiŋse nâʼàpi ə̀ghɨ ghɛ Zhə̀fè se nyi mə fe ə chɔʼ se sɔzà.

Ngàleshyà 1:6

M nyi è kaynze nə ghànə kàynè fɨl tsɨ̀m sê wùə vɛ ə è tè tɔŋɔ ghàyn tɔynə̂ ə Klâys afùʼ, sè pomə̂ se tom ə̀ ndò.