Ngàleshyà 1:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Ə tsàyn se ghàyn kə ndam zɨme tè nyi kə m tè kɔʼsə Zhə̀fè endom vɛ ə ghɨə Njûsə̀ kɔʼsə, kə m tè tsə̀fsə ndɛ, mə nyi zə Fèzhə̀ mə m kyi va kosê esəynze, ə mɔ̀msə̀ tèndom tèkɨ̂m se sàʼtə zə̂ynzè.

Ngàleshyà 1:13 Referans Kwoze

Ətefɨ̂aʼ 8:3

Pîza, Sɔ̂l ə zhə̀tə̀ kyiŋə èndom nə ghɨə ndɛ ə̀ Fèzhə̀ghè mi, sè njiə kə ə ndɛ ə ndɛ, shînə̀ fɨsə̂ ə̀ ndômnè è zənə, ndə̂mə̀ ghənə ə ndɛ ə̀chaʼ.

1 Kɔlìŋ 15:9

Kûmə̀ nə m nyi wùə vɛ è tətə kwûŋsə̀ əfètəyn ə̀ghɨtomə, kûmə̀ nə mə tə tsə̀fsè ndɛ ə̀ Fèzhə̀.

Ətefɨ̂aʼ 9:26

Sɔ̂l ə ndùə ə Njèlusalɛ̀m. Kə è ndù zaʼâ fumə, è və mɔ̀msə̀ se tsɨ̀yntè yîghə̀ ghɨ ghɛ ghe pomə se Njisə̀s, pîza ghənə əkɨ̂m e fânə̀ vəyn kûmə̀ nə ghənə tè pomə va nə è nyi mə è və pomə sê Njisə̀s.

Ətefɨ̂aʼ 9:21

Nâʼà ə̀ghɨ əkɨ̂m ghɛ ə ghe tè zɨ kə Sɔ̂l ndàʼà tom ə̀ Fèzhə̀ tè nyi èkaynze. Ghənə e pfɨfə nə, “Ə̀ vɨ̂nə va wùə vɛ ə è tè zhwitə ghɨghə Njèlusalɛ̀m kûmə̀ nə ghənə tɔŋtə̂ èzə ə Njisə̀s zə? Piə è pə̀yn kepî fayn kûmə̀ eghɛ nə zɨ̂yn se kyitə̂ əghɨ pomə se kɛse ndùə fo sê ghɨ ngɨmnə nə eshyə̀ ngaŋtə ghə?”

1 Timotì 1:13

pi kə m tè nyi mə mə wàmnè ghɛ epighe sə mɨ kûmə̀ Vəyn, ə tsə̀fsə̀ Vəyn, ə fɨnə sôylə̀ Vəyn. Pîza Zhə̀fè tè nyîə kyi èkosê esəyn sê mi kûmə̀ nə m tè nyìəm kyi va kyî epomə̂zè, nyiəmə, nə̂ èghɛ nə zɨnə mə kepî va ghɛ zɛ m nə̂.

Filìpây 3:6

M tè nyîə tɨ̂mə̀ tsɛsə̀ èwiynve, endom nə m tè nyîə tsə̀fsə̀ ə̀ghɨ poməghe. Wùə vîvè tè vayn kàʼa è pi nə m kyi ndô pi zhizè ə mì ewìyn kûmə̀ nə m tè nyîə ndə̂mə̀ èlwɔ̂ŋ əghɨ̀ ə Njûsvè ekɨ̂m.

Ətefɨ̂aʼ 8:1

Ə tè nyàple è Shìtifɨ̀yn zâ, Sɔ̂l e nyi fu ə lotə̂ piə kə nâʼà vəyn nə ə zhwi vəyn. Se zhə̀tə pə̀yn fu fetuʼ, ghɨə ndɛ ə̀ Fèzhə̀ ghɛ ə ghe tè nyi Njèlusalɛ̀m ə zhə̀tə̀ se fe ngəʼ zhizè, è kwûəmə kə nyi. Ghɨə poməghe əkɨ̂m ə tə chyasə̀ ndûə epɨ̀as endaʼ ə Njòndyâvè è və Sàmalyàvè. Pîza ə̀ tè faŋ ke ə̀ghɨtomə Njisə̀sghè fu.

1 Kɔlìŋ 10:32

Ghàyn e ndamə endom kə ve vayn pə̀yn è tsôsvè sê wùə vîvè kɨ̀sə ə̀ nyi əghɨ Njûsə̀, kɨ̀sə ə ghɨ ghɛ ə̀ va əghɨ ə Njûsghè kɨ̀sə əghɨ ə poməghe.

1 Timotì 1:14

Pɛ̂pɛ ə ghâsènì tè nyîə kyi ə̀təm ə chûŋə̀ sê mi. È və tə nə̀yn kepî nə m pomə sê vəyn è kɨsè sə kɔ̂ŋə̀ ə̀ghɨ ə mɔ̀ʼɔghe kûmə̀ nə m tè nyì sə afɨa àmɔ̀ʼ ghasè Klâys Njisə̀s.