Ngàleshyà 1:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ E za tyə̀nə̀ zôyn nə, m nə̂ èghɛ zɛ ə ghɨ kyiŋə mə zɛ ə Zhə̀fè kyiŋə? E za nyi nə m nə̂ nə ghɨ ghə saŋnə mə? Ə m sè kyiŋə sə̂ nə̂ nə ghɨ ghə saŋnə̂, ə mə fɨyn va wùə è fɨ̀aʼa ə̀ Klâys.

Ngàleshyà 1:10 Referans Kwoze

1 Tèsàlonikà 2:4

Ghàs pɨlə wàmnə̀ kə kə Zhə̀fè kyiŋə kûmə̀ nə è və kyàʼsè naynê ghàs ə fe nə ghàs nyi ə ghɨ ə è kàʼa è samse nə ghàs ndaʼa tom èchùŋ, nyiəmə ghàs e ndàʼà va endom vɛ əghɨ kyiŋə, pîza se nə̀yn nə Zhə̀ fɛ fe kyaʼsə̀ naynə təm ghasghe ə saŋnə̂.

Ətefɨ̂aʼ 5:29

Pità yî ghɨətom ə Njisə̀s ghəmɔ̀ʼɔ ə pə̀ynsə̀ nə, “Ghàs kyi sə̂ zɨə kə sê Zhə̀fè, ə̀ va chi sê ghɨghe.

Ɛfesùs 6:6

Ghàyn e zɨə sê ghənə kə ghɨ fɨaʼa Klâysə̀ kè nâʼà səmɔʼ, kè eghɨ kə Zhə̀fè kyiŋə. Kə ghàyn nə zɨə sê ghənə kè ashìŋə̀ kɛ ə ndə̂m shiə ə ghàyn ewìyn kûmə̀ nə ghàyn kyiŋə nə ə ke nə ghàyn fɨ̂aʼà àchûŋ.

Njə̂m 4:4

Ghàyn ghɨ ghɨ̀nə̀ ə nyi mə ə zà Zhə̀fè nyi! Ghàyn ke va nə ə ghàyn nyi sesoyn sê mbi, ə ghàyn ə nyi sèpàyn se Zhə̀fè ə? m pîə kwəynsə̂ nə ə ghàyn kyiŋə sə̂ nyi èsoynve sê mbi, ə ghàyn nəyn ngɨŋ saynse sə̂ nyi sèpàyn se Zhə̀fè.

Matyò 22:16

Ghənə ə ke tomə se chùmtè èpàm sə ghənə̂sè è ghɨə anɔ̀yn ə Ɛlɔ̀tkè sê Njisə̀s. Kə ghənə ndû tâyn ə pìə se Vəyn nə, “Tyə̀ynsè, ghàs ke ndô nə ò wàmnə̀ kə səmɔʼ, zaʼlə̂ kə èghɛ zɛ ə ze nyi səmɔʼ kûmə̀ àlâŋ ə Fèzhə̀kè se ghɨə, fɨmsə̂ va ngɨŋ zɛ̂zè kûmə̀ ə̀ghɛ ghɛ ə ghɨ kwaʼtə̀, pî ə̀ghɨ ghɛ ə ghənə nyi ghənə kûmə̀ nə ghənə vayn kaʼa kwiyne zaʼlê zɛze.

Kòlosè 3:22

Kɔ̂svè, ghàyn e zɨə sê pɛ̀ efɨ̀aʼ ghaynghe ə ghɛ ə̀kɨ̂m shîŋə̀ tekɨ̂m. Kə ghàyn nə fɨaʼa kə ashìŋə̀ kɛ ə ghənə fe ghàyn kə ghənə kaʼa tsîtə̀ ghàyn, pîza ghàyn e fɨaʼà se ghənə è təm ghaynghe əkɨ̂m kûmə̀ nə ghàyn fo èkɔʼsê sê Pɛ̂pɛ ə ghàyn efɨ̀aʼ.

Ŋwàʼlè ə̀ Pɔ̂l sê ghɨə Lûmghè 2:29

Pîza wùə vɛ ə̀ lote nyi wùə Njûs, ə̀ nyi wùə vɛ ə è nyi wùə Njûs ə vəyn əfètə̂ ə̀təm, e za tyə̀ nə ə̀ nyi wùə vɛ ə nyi mə ə se nam ə vəynghe ə vəyn ə fètəyn. Ə̀ nyi Sezuʼ sə Fezhə̀sè ə se nə̂ fɨ̂aʼ nə zɨ̂yn, ə̀ vachi nə wùə chùmtə̀ àlaŋ kɛ ə nyi mə ə nyàʼ. Ə̀ tsîtə̀ Fèzhə̀ è wùə nə vɛ mə, ə̀ vachi wùə m̀sɔ̀ŋ.

1 Njɔyn 3:9

Nâʼàpî ndè vɛ ə è nyi Va Fèzhə̀ nə̀ va pi, kûmə̀ nə ghənə nyiə kyi ètsɨsə̂ Fezhə̀zè. Ghənə e va se nə̂ pi kûmə̀ nə ghənə nyi əghɔ Fezhə̀ghè.

2 Kolìŋ 12:19

Ghàyn kwàʼtə̀ nə ghàs nyàʼà ə̀ghɛ ghɨ̀yn se tyə̀yn nə ghàs pâʼà nə̀yn pi mə? Ngâŋngaŋ! Ghàs wàmnə̀ kə ghɨ Klâysə̀ ə Zhə̀fè əshi. Ghɔnyì ghɨmghe kɔ̀ŋghè, nâʼàpî eghɛ èkè zɛ ə ghàs nə̀, ghàs nə̀ se fo ghàyn è tyaʼke.

Ŋwàʼlè ə̀ Pɔ̂l sê ghɨə Lûmghè 2:8

Pîza ghɨə mɔ̀ʼɔ kwaʼtə̀ kə se ngɨŋ sə ghənə̂sè, tə se pomə̂ nə ghɛ zɛ ə Zhə̀fè pìə nyì səmɔʼ, ghənə e nə̂ ə̀ghɛ ghɛ ə Zhə̀fè pìə nə ghe tsɔ̂fə̀ va. Zhə̀fè tə tyə̂nə̀ ènyɔ̂ʼsè etɔŋ ə vəyn sê kyì əghɨ̀ nə ghɨ̂yn, ə È pɔynse ghənə.

Ŋwàʼlè ə̀ Pɔ̂l sê ghɨə Lûmghè 1:1

Ə̀ nyaʼ mi Pɔ̂l ŋwàʼlè zɨ̀yn, ə wùə èfɨaʼa ə̀ Njisə̀s Klâys. Zhə̀fè ə chɔʼ mi nə mə nyi wùətom ə̀ Vəyn. È və tom mi ə fo mi èfɨaʼzè nə m ndaʼa tom èchùŋ.

1 Kɔlìŋ 10:33

Ghàyn e nə̂ kə kə m nə̂, m mɔmsə̀ se nə̀yn nə nâʼàpî ndè ə saŋnə̂ əghɛ ə̀kɨ̂m ghɛ m nə̂, kwaʼtə̀ va sê chùŋ zɨ̂mè, pîza kwaʼtə̀ se chùŋ ə̀ nâʼàpî ndè, kə Zhə̀fè kàʼa ə fe sɔza ghənə.

Matyò 28:14

Mə Paylɛ̀t zɨ nə ə̀ nyi eghɛ zɛ ə ze kyâyn, ə ghàs ke kèpi eghɛ zɛ kə ghàs nə̀ tsâ sê vəyn se kɨ̀ytə vəyn kə ghàyn tàʼa nji ə ngəʼ.”

Ətefɨ̂aʼ 12:20

Ɛlɔ̀t tè nyîə nyɔʼsə̀ ètɔŋ sê ghɨə endaʼ ə Tayà è Sindɔ̀n. Ə chɔʼtə̂ ə̀ghɨ ə tèndâʼà nə tɨ̂yn nə ghənə ndu fe Ɛlɔ̀t. Ghənə ə ndùə se fe Ɛlɔ̀t nə pɔ̂ynè ə nyi kûmə̀ nə fɨazhiə ə ghənəvè nâʼà èkɨ̂m tè fɨə kə endaʼ ə Ɛlɔ̀tzè. Wùə vɛ ə ghənə tè ndù fe sə shi se pɨaʼtê endam ə ghənə̂zè yîghə̀ Ɛlɔ̀t tè nyi Plastùs. Plastùs tè nyi atu se ghɨ əfɨaʼaghe ə fɔ̀yn Ɛlɔ̀t ə ndɛ.

Matyò 6:24

“Ò vayn kaʼa ô nyi àkɔ̂s sê ghɨghə pɛ̀; ò nə̀ kɔ̂ŋə̀ èmɔ̀ʼ ə ò payn və mɔʼɔ. Ò nə̀ nə̂ ə o nyi ghâyn wùə èmɔ̀ʼ ə ò tə vɛ mɔ̀ʼɔ. Ò vayn kàʼa ò nyi wùə efɨ̀aʼa sê Zhə̀fè, kɛsè nyi wùə èfɨaʼa sê kɛve.”

Filìpây 1:1

Ə̀ nyi mi Pɔ̂l è Timotì əghɨ fɨaʼa Fezhə̀ sê Njisə̀s Klâys ghɛ ə nyâʼà pə̂ ŋwàʼlè zɨ̀nə se ghàyn. Ghàs nyàʼà sê ghàyn ghɛ ə ghàyn fo ngɨŋ saynse sê Zhə̀fè ə Filìpây nâʼà ə̀kɨ̂m sè nyi ghâynghə̀ Klâys Njisə̀s. Ghàs nyàʼà kəpî sê ghàyn tuve è ghɨ ghɛ ə tsâmtə̀ se chiyntê efɨaʼ ə Fezhə̀zè nə ze ndu əshi.