Matyò 9:6 - Ŋwàʼlè ə̀ Fèzhə̀ Mkâyn Mə̂ Fèm

⁶ M nə̀ tyə̀nə̀ sê ghàyn zôyn nə Vâ Wùə kyi ndô tyaʼa fâ chi se lɛ̀sè fo sepi sə ghɨ̀sè.” È və ke pì sê kèngɛchi kɛ nə, “Ndwi, njì ghâm fɛfe ə ndò kwɨlə̂.”

Matyò 9:6 Referans Kwoze

Matyò 9:5

Ə̀ pɔynə̂ zɨyn zə, se pì nə, ‘Mə lɛ̀sè fo pi sɛse,’ mə se pì nə, ‘Ndwi, ò kwìə?’

2 Kolìŋ 2:10

Shîŋə̀ kɛ ə ghàyn lɛ̀sè fo ghɨə ətə̂ èghɛ zɛ ə ghənə nyi mə ə nə̀yn, mə lɛ̀sə̀ fo kəpî ghənə. Ghɛ zɛ m lɛsè fo, ezhoghɛ ghɛ zhîze fə nyi kə m lɛse fo, ə zə nyi ke kûmə̀ ghàyn ə Klâys ə shi.

Kòlosè 3:13

Ghàyn e kyi ə̀təm ə kolə sê ngɨŋ saynse, lɛ̂sə̀ fo nâʼàpî ndè vɛ ə è nyi mə è və nə̀yn pofsê se ghò. Ghàyn e lɛ̂sə̀ fo sèngɨŋ saynse kè eghɨ kə Pɛ̂pɛ nyi mə è və lɛ̂sè fo ghàyn.

Ɛfesùs 4:32

Ghàyn e tɔ̂ʼnə̀ fɨnə kosə̂ èsəyn sê ghɨ mɔ̀ʼɔ, lɛ̂sə̀ fo ə̀ghɨ mɔʼɔ kè kə Zhə̀fè tè lɛ̀se fo ghàyn tɔynə̂ ə Klâys.

2 Kolìŋ 5:20

Ə̀ za nyi endom vɛ, ə ghàs njìə luʼ ə Klaysvè, kəpiə Zhə̀fè tɔŋə ghàyn nə ghàyn kɛse pəyn sê vəyn tɔynə̂ ə ghàs. Ghàs chyatə̂ ghàyn ə Klâys ezə nə ghàyn kɛse pəyn sê Zhə̀fè.

Ətefɨ̂aʼ 9:34

Pità ə pìə sê vəyn nə, “Èneyàs, Njisə̀s Klâys nə̀ tsuʼə gho zôyn. Ndwi ə fɛtə̂ èkwî vɛve.” Èneyàs ə ndwìə kə sə ashìŋə̀.

Ətefɨ̂aʼ 5:31

Zhə̀fè ə njìə kɔʼsə̂ Vəyn ə Vəyn ekɔyntwɔ ə nə̀ Vəyn nə È və nyi Wùə èchisə fɨyn nyi Sɔ̀zà, kə È nəyn ə ghɨə Isìlâyghè ə kyi èndom se kwiynê ətəm ə ghɛ piə ghənə, kə Zhə̀fè lɛse fo sèpi sə ghənə̂sè.

Njɔyn 17:2

kè kə Ò nyi mə O fo tyaʼa sê Vəyn e tùə ghɨ ə̀kɨ̂m kə È nəyn, ə ghɨ ghɛ ə O fo sê Vəyn kyi ndam zɛ ə ze tə mîə va.

Njɔyn 10:28

M fo ghənə èndam zɛ ə ze tə mîə va, mə ndzè sə təynse tə kwuə va. Mə wùə vayn kaʼa è kyi fi səynse ə Mì əgho.

Tom èchùŋ kè kə Lûk tè nyaʼ 5:21

Tyə̀ynsè sə alàŋsè è ghɨə Falàsîə e sè pfɨfə se ngɨŋ sə ghənə̂sè nə, “Ə̀ vɨ̂nə nyi nde ə è sòylə̀ Zhə̀fè nyi ə? Ə̀ nyi kaʼa ə lɛse fo ndè pi sə wùəsè, ə tsɛ̂ kəva Zhə̀fè ə?”

Ŋwàʼlè ə̀ Mâk 2:10

M nə tyə̀nə̀ sê ghàyn zôyn nə Va wùə kyi ndô tyaʼa fa ə chi se lɛ̀sè fo sepi sə ghɨ̀sè.”

Ŋwàʼlè ə̀ Mâk 2:7

“Kûmə̀ ghè ə wùə vɨ̀nə wàmnə̀ endom vɨ̂yn ə? È sôylə̀ kə nâʼà ndò Zhə̀fè nyî! Ə̀ nyiə kàʼa ə lɛse fo ndè pi ə̀wùə, ə tsɛ̂ kə va Zhə̀fè ə?”

Matyò 8:20

Njisə̀s ə pə̀ynsə̀ nə, “Sɔ̀ŋɔ̀m nyîə kyi èpûʼ ə ghənə̂vè, nɨ̂ŋmè e kyi sendɛ, pîza Vâ Wùə e kyi va luʼu se nyɨ̀ŋsè atu ə vəynke ətəyn se zɨ̀tè.”

Matyò 4:24

Zhɔ̂ŋə Vəynve ə waŋə ndûə kə luʼ tekɨ̂m apàs endaʼ ə Silyàkè. Zɨnə nə̀ ghɨghe pə̂ è ghɨ ezafə ghəkɨ̂m sê Vəyn. Ghənə tè pə̂ èghɨ ghɛ ə tè zɨə tsôsè ə tekyì tə tezaf tekɨ̂m. Ghɨ ghɛ ə tè kyi pamə̂ tə satàyntè, è ghɛ ə tè pfɨ̂ə èpfɨ̀kè, è ghɛ pâs ə ghənə ke wìynke tè nyi mə kə kwu, Njisə̀s ə tsuʼə ghənə əkɨ̂m

Matyò 9:2

Ndômnè yîghe ə pə̀ è kèngɛchi sê vəyn è nyɨŋ ə feghàm. Kə Njisə̀s tè fe pomə̂ zɛ əghɨ ghɛ tè kyi, È və pìə sê kèngɛchi kɛ nə, “Kyi təmə ə vayn vɨ̂m! Ə lɛ̀sè fo pi sɛse.”

Matyò 9:7

Kèngɛchi ətəynke ə ndwìə ə kɛsə̂ kwɨlə̂.

Njɔyn 5:8

Njisə̀s ə pîə sê vəyn nə, “Ndwi, ə njìə fèghâm fɛfe ə kwìə.”

Njɔyn 5:27

È və fo kepî Vayn ètyaʼke nə È və saʼa ə̀ghɨ kûmə̀ nə Vâ ə̀təyn nyi Vɛ ə tɔŋtə nə Va Wùə.