Matyò 9:2 - Ŋwàʼlè ə̀ Fèzhə̀ Mkâyn Mə̂ Fèm

² Ndômnè yîghe ə pə̀ è kèngɛchi sê vəyn è nyɨŋ ə feghàm. Kə Njisə̀s tè fe pomə̂ zɛ əghɨ ghɛ tè kyi, È və pìə sê kèngɛchi kɛ nə, “Kyi təmə ə vayn vɨ̂m! Ə lɛ̀sè fo pi sɛse.”

Matyò 9:2 Referans Kwoze

Matyò 9:22

Njisə̀s ə kə̀mnə̀ èwiyn ə fe vəyn ə pìə nə, “Kə ò fayn ə vayn vɨm. Pomə zɛze ə nə̀yn ò vê tɛ.” Kè sə ashìŋə̀, wùzhɔyn ə̀təyn ə tɛ.

Njə̂m 2:18

Pîza wùə vîvè kàʼa è pi nə, “Ò nyîə kyi èkyî epomə̂zè, m kyi èfɨaʼ.” M pîə nə ò tyəyn kyî epomə̂ zɛze sê mi zɛ ə ze kyi va fɨ̂aʼzè, m tyəyn fɨ̂aʼ zɨm zɛ ə m nə̂ tɔynə̂ ə mì ekyî epomə̂zè.

Ətefɨ̂aʼ 19:12

Ghɨ tè njiə sendzɨs se fɨaʼa sə Pɔ̂lsè è pɨ̂aŋ efɨa vɛ ə è tè zə̀sə zuʼseke ətəyn, ndùə è vəyn sê ghɨ zafə, fɨa nə vɨ̂yn e nə̂ ghɨ ətəynghe e tɛ, zuʼse epise e fɨnə fɨə ə ghənə ewìyn.

Njɔyn 21:5

Njisə̀s ə tɔŋɔ pfɨfə sê ghənə nə, “Ghàyn pâʼà ko fɨake ə soyn Sɨmse?” Ghənə ə pə̀ynsə̀ nə, “Ə pâʼà ko.”

Matyò 8:10

Kə Njisə̀s tè zɨ ghɛ zɛ ə è pì, choze ə zomə vəyn. È və pìə sê ghɨ ghɛ ə ghe tè kwiə ə vəyn epàm nə, “M piə sê ghàyn səmɔʼ nə, m pâʼà nyìəm fe wùə ə Isìlây, è kyi èkyî epomə̂ zɨ̂yn.

Matyò 4:24

Zhɔ̂ŋə Vəynve ə waŋə ndûə kə luʼ tekɨ̂m apàs endaʼ ə Silyàkè. Zɨnə nə̀ ghɨghe pə̂ è ghɨ ezafə ghəkɨ̂m sê Vəyn. Ghənə tè pə̂ èghɨ ghɛ ə tè zɨə tsôsè ə tekyì tə tezaf tekɨ̂m. Ghɨ ghɛ ə tè kyi pamə̂ tə satàyntè, è ghɛ ə tè pfɨ̂ə èpfɨ̀kè, è ghɛ pâs ə ghənə ke wìynke tè nyi mə kə kwu, Njisə̀s ə tsuʼə ghənə əkɨ̂m

Ŋwàʼlè ə̀ Pɔ̂l sê ghɨə Lûmghè 5:11

Pîza ze paʼà mì kendò zâ, ghâsènì nyîə saŋnə̂ kûmə̀ nə Zhə̀fè ə nə̀yn nə ghâsènì ə nyi ə̀ghɨ Vəynghe, tɔynə̂ se Pɛ̂pɛ Njisə̀s Klâys vɛ ə È nə̀yn nə ghâsènì ə nyi choze emɔ̀ʼ ghasènyìə ghə̀ Zhə̀fè.

Ətefɨ̂aʼ 14:9

Wùə nə vɨ̂yn e zɨtə̂ kə Pɔ̂l tè ndàʼa tom èchùŋ sê ghɨ. Pɔ̂l ə naynə̂ ndùə vəyn ə fe nə è nyîə kyi epomə̂ mə ze kàʼa ə ze nəyn ə è tɛ,

Njɔyn 16:33

M tsayn əghɛ nə ghɨ̂yn sê ghàyn nyi kə ghàyn faŋ sê Mi, ə kyi pɔ̂ynè. Mbi tə nə̂ ə ghàyn zɨ ngəʼ, pîza ghàyn kol təmə, Mə tɛ ghaʼ mbi.”

Matyò 9:6

M nə̀ tyə̀nə̀ sê ghàyn zôyn nə Vâ Wùə kyi ndô tyaʼa fâ chi se lɛ̀sè fo sepi sə ghɨ̀sè.” È və ke pì sê kèngɛchi kɛ nə, “Ndwi, njì ghâm fɛfe ə ndò kwɨlə̂.”

Matyò 8:16

Kə zhwikwɨləve tè kwəyn, ghɨghe ə pə̀ è ghɨə sê Njisə̀s, ghe tsɨ̀ə kə nyi, kyi tèpamə̂ tə satàyntè. Njisə̀s ə chûmə̀ fɨsə̂ sè zuʼse pisə təynse mə È pì ke èghɛ ə tsuʼə nâʼà ə̀ghɨ ghɛ ə tè zafə əkɨ̂m.

Njɔyn 2:25

Wùə tè va sə̂ fɨnə tsâ ndò fɨa kɛ ə wùə nyi kəynke sê vəyn kûmə̀ nə è tè se ke ndô kwâʼtè tə̂ ghɨ̀tè.

Ŋwàʼlè ə̀ Mâk 5:34

Njisə̀s ə pìə se vəyn nə, “Vayn vɨ̂m, pomə̂ zɛze ə nə̀yn ò vɛ o tɛ. Kwɨlə ke è pɔ̂ynè. Tsôs vɛ və mì.”

Ŋwàʼlè ə̀ Mâk 1:32

Ə pə̀ ashìŋə̀ ezhwikwɨləke, ghɨghe ə pə̀ è ghɨə zafə sê Njisə̀s nâʼà ə̀kɨ̂m, è ghɛ ghe tè kyi pamə̂ tə satàyntè.

Matyò 6:12

Lɛ̀se fo pi sɛ ghàs nyi mə nə̀yn, kèpi eghɨ kə ghàs lɛ̂sə̀ fo ghɨ ghɛ nə̂yn pi sê ghàs.

Matyò 9:5

Ə̀ pɔynə̂ zɨyn zə, se pì nə, ‘Mə lɛ̀sè fo pi sɛse,’ mə se pì nə, ‘Ndwi, ò kwìə?’

Matyò 14:27

Pîza kè sə ashìŋə̀ Njisə̀s ə wàmnə̀ sê ghənə ə pìə nə, “Ghàyn kyi təmə, ə̀ nyi Mi; kə ghàyn fayn.”

Ŋwàʼlè ə̀ Mâk 6:50

Ghənə tè puʼə kûmə̀ nə kə ghənə əkɨ̂m tè fe vəyn fanə̀ sə ŋaŋ. Kè sə ashìŋə̀, è ve wàmnə̀ ə pìə sê ghənə nə, “Kə ghàyn fayn. Ə̀ nyi mi. Ghàyn kyi təmə.”

Ŋwàʼlè ə̀ Mâk 10:49

Njisə̀s ə tyəmə̂ ə pìə nə, “Ghàyn tɔŋɔ pəyn vəyn sê mi.” Ghənə ə tɔŋɔ wùə èfòfə ə̀təyn ə pìə sê vəyn ashìŋə̀ nə kɛ nə, “Kə ò fayn. Ndwi pə. È tɔŋɔ ghò.”

Ətefɨ̂aʼ 23:11

Tuʼfe komtəfe ètuʼve, Pɛ̂pɛ ə tyəmə̂ ə Pɔ̂l ə ngwùŋ ə pìə nə, “Kə ò fayn! Kə ò nyi mə o wàmnè kûmə̀ Mi ə Njèlusalɛ̀m.”