Matyò 8:6 - Ŋwàʼlè ə̀ Fèzhə̀ Mkâyn Mə̂ Fèm

⁶ “Wùə èghaʼâ, wùə èfɨ̀aʼa vɨ̂m zafə ndò mə è nyɨ̀ŋ ə ndɛ. È vayn kaʼa è kwi, zɨə ètsôs nâʼà sə ŋaŋ.”

Matyò 8:6 Referans Kwoze

Kòlosè 4:1

Pɛ̀ efɨ̀aʼà, ghàyn e fo se ghɨ fɨaʼa ghaynghe fɨa kɛ ə ke kwəynə sê fɨ̂aʼ ə ghənə̂zè. Ghàyn e pɨ̂əytə̀ kəpi nə ghàyn nyîə kyi pɛ̀ èfɨ̀aʼ ekwùtwəyn.

Matyò 4:24

Zhɔ̂ŋə Vəynve ə waŋə ndûə kə luʼ tekɨ̂m apàs endaʼ ə Silyàkè. Zɨnə nə̀ ghɨghe pə̂ è ghɨ ezafə ghəkɨ̂m sê Vəyn. Ghənə tè pə̂ èghɨ ghɛ ə tè zɨə tsôsè ə tekyì tə tezaf tekɨ̂m. Ghɨ ghɛ ə tè kyi pamə̂ tə satàyntè, è ghɛ ə tè pfɨ̂ə èpfɨ̀kè, è ghɛ pâs ə ghənə ke wìynke tè nyi mə kə kwu, Njisə̀s ə tsuʼə ghənə əkɨ̂m

Kòlosè 3:11

nə sə nɨŋ zhîzè ə va se ghɨə ghɛ ə̀ vachi ə̀ghɨ ə Njûsghè, è ghɨə Njûsə̀, sə nɨŋ e va sê ghɨ ghɛ ə nyi mə ə se nam ə ghənə̂ghè, è ghɛ ə nyi ndɔ̀ʼɔ se. Sə nɨŋ e va se wùə àtum è wùə mbvɨyn, kɨ̀sə ə̀ nyi akɔ̂s, kɨ̀sə ə̀ nyi vɛ ə è va sə akɔ̂s, pîza ə̀ nyi Klâys se ghɛ ətəynghe əkɨ̂m, nyi ə ghənə əfètəyn ə̀kɨ̂m.

Ətefɨ̂aʼ 9:33

Ə pə̀ kə è ndù zaʼâ fu, ə kotə̂ wùə fumə zɨə vəynze nyi Èneyàs, mə pâs ə wìynke ə kwu è və nyìŋə̀ faŋə ekwì sə se pìŋ sèfamə.

Filemùyn 1:16

Se zhə̀tè zôyn, è nə vachi ke tsɨ̀yntsɨ̀yn àkɔ̀s, pîza è nə nyi ànɛ̂ ve èkɔ̀ŋ ə Klâys. M nyiə kɔ̂ŋɔ̀ vəyn, pîza ò kyi sə̂ kɔ̂ŋɔ̀ vəyn tsɛ̂ kə m kɔ̂ŋɔ̀. Ò nə kɔ̀ŋɔ̀ vəyn kə akɔ̂s kɛke, è kɨsè kûmə̀ nə è nyi chùmtè ə̀ Klâys kèpî kə ghò.

1 Timotì 6:2

Kɔ̂s vɛ ə ve fɨaʼà sê ghɨ, ə nyi əghɨ poməghe kyi va sə̂ chîynə̀ ghənə. Kûmə̀ nə ghə̀ pɛ̀ efɨ̀aʼ nə ghɛ nyi kepî əghɨ ə poməghe kə ghənə. Ghənə kyi sə̂ pɨlə fɨ̂aʼà è tyaʼa kûmə̀ nə mâʼtè ətəyn ndùə sê wùə, ə nyi wùə e pomə, ghənə e kɔ̀ŋɔ̀ vəyn. Ò kyi sə̂ zaʼlə̂ fɨnə ndaʼà ə̀ghɛ nə ghɨ̂yn sê ghənə.

Ətefɨ̂aʼ 10:7

Tsì ə̀təyn ə wàmnə̀ mɨ̂sə̀ sê Kɔ̀nilùs ə ndò. Kɔ̀nilùs ə tɔŋɔ̂ ə̀ghɨ fɨaʼa ə vəynghe əpɛ̀, paʼsə̂ è sokə̀ʼ èmɔ̀ʼ è chûmtə̀ èghɛ ə Fezhə̀zè epàm mə ə̀ nyi sokə̀ʼ vɛ ə è tè tsɨ̀ŋnə Kɔ̀nilùs.

Ətefɨ̂aʼ 8:7

Filìp ə nə̀ zuʼ se pise e fɨə ə ghɨghe mwìyn pɨa chîə è kyə̀ ètɛ, tsɨ̀tsɨ̂ ə̀ghɨ̀ ghɛ ə pɨas ewìynve tè nyi mə və kwu è ghə m̀ngə̂s fɨəyn e kyîə è tsuʼ ə ghənə̂zè.

Matyò 9:2

Ndômnè yîghe ə pə̀ è kèngɛchi sê vəyn è nyɨŋ ə feghàm. Kə Njisə̀s tè fe pomə̂ zɛ əghɨ ghɛ tè kyi, È və pìə sê kèngɛchi kɛ nə, “Kyi təmə ə vayn vɨ̂m! Ə lɛ̀sè fo pi sɛse.”

Matyò 8:7

Njisə̀s ə pìə nə, “M nə̀ pə̂ tsuʼə vəyn.”