Matyò 8:2 - Ŋwàʼlè ə̀ Fèzhə̀ Mkâyn Mə̂ Fèm

² Wùə mə è tè zafə è kwùskè ə pə̀ se Vəyn, ə tɨmə ə̀ngwuʼ ə və shi ə pìə nə, “Wùə èghaʼâ, ə ò kɔ̀ŋɔ̀ ə ò nəyn nə mə zo.”

Matyò 8:2 Referans Kwoze

Matyò 18:26

Wùə ə̀təyn ə tɨmə ə̀ndzɨs ə fɔ̀yn ə̀təyn əshi sè chyatə̂ vəyn pîə nə, ‘Kol təmə kè sə fendiŋə̀ nyi, ə m nə̂ ndaʼ mɨ̂sè àndàŋ kɛ m kyi sê ghò nâʼà àkɨ̂m.’

Matyò 15:25

Pîza wùzhɔyn ə̀təyn ə pə̀ tɨmə ə̀ndzɨs ə̂ vəyn əshi, pîə nə, “Pɛ̂pɛ, tsàmte mi.”

1 Kɔlìŋ 14:25

kûmə̀ nə tom ə Fezhə̀ ə nə̀yn ghɨghe ə kê ə̀ghɛ ghɛ ə ghənə tè nyi mə ə ndə̀tè ə ghənə ə fèteyn ə̀təm. Nyiəmə, ghənə tə tɨmə ə̀ ndzɨs ə ngɨmnə̂ Fèzhə̀ pîə nə, “Zhə̀fè nyîə ndɨŋ nyi ə ghàyn ə fètəyn.”

Ətefɨ̂aʼ 10:25

Kè kə Pità tè kyiŋə se nji ə ndɛ, Kɔ̀nilùs ə ndùə kwəynə̂ è vəyn ə ngwuʼtə̂ ə vəyn əshi se fo vəyn è kɔʼsê ə vəynze.

Njɔyn 9:38

Wùə ə̀təyn ə ke pì nə, “Mə pomə ə Pɛ̂!” È və tɨmə ə ndzɨs ə Njisə̀s əshi sè pɔmsə̂ Vəyn.

Matyò 28:17

Kə ghənə fe vəyn, ə ngɨmnə̂ vəyn, pî kə yîghe tè mɛnə vəyn nə lote nyi tɛ̂ və.

Tom èchùŋ kè kə Lûk tè nyaʼ 4:27

E nyi kepî eghɨ kə e tè nyi etuʼ ə fɨ̀aʼtè Èlishàe, ghɨə tè zafə ə Isìlây è kwùsà tsɨ̂ə kə nyi, pi za Zhə̀fè ə tàʼa tsuʼ ə nâʼà wùə èmɔ̀ʼ, ə tsɛ̂ kəva Namàn, ə nyi wùə àtum mə è ndò pə̀yn ə Silyà.”

Matyò 26:6

Njisə̀s tè nyi ə Petanì ə Shimùyn ə ndɛ, ə wùə mə è və fe tsôsvè, è zafə akwùszè,

Matyò 20:20

Epàm ətəyn, zhwìə Zepɛndì ə ke pə̀yn sê Njisə̀s è ghɔ vəyn ghendômə̀ ghəpɛ̀, ə pə̀ ə tɨmə ə̀ndzɨs ə vəyn əshi ə chyatə̂ vəyn nə, È nəyn zhi èghɛ echûŋzè.

Matyò 14:33

Chùmtè epàm sɛ ə se tè nyi ə ngwùʼ èghaʼâ e sè ngɨmnə̂ Njisə̀s piə nə, “Ò nyì ke nâʼà Va Fèzhə̀ səmɔʼ.”

Matyò 13:58

Kə ghənə tè tàʼa pomə Njisə̀s, È və tàʼa nə̀yn əghɛ əkayntəghe fumə.

Matyò 9:18

Kə Njisə̀s tè pìə zɨnə mə, wùə èchisə ə̀ ghɨ Njûs viu ə pə̀ tɨmə ə̀ndzɨs ə və shi è ngɨmnê zekɨ̂m ə pìə nə, “Vayn vɨ̂m vê zhɔyn kwûʼ kwu kê zôyn; pîza pə pase gho kɛke ə vəyn ewìyn ə è kɛse ndwî.”

Etyə̂yn ə paynsêzè 19:10

Mə tɨmə ə̀ngwuʼ ə və shi se ngɨmnə vəyn, pîza è zə pìə sê mi nə, “Kə ò mɔm! M fɨaʼà sê Zhə̀fè kèpi kə gho è ghɔnɛghè, è ghɨ ghəkɨ̂m ghɛ ə ghe fɛte kyi səmɔʼ zɛ ə Njisə̀s tè tyə̀yn paynsê. Ngɨmne Zhə̀fè! Kûmə̀ nə ghɛ zɛ ə Njisə̀s tyə̀ynə̀ paynsə̂ nyi zəynze ə ze nə̂ nə fɨ̀aʼtèsè ə nə̂ èfɨaʼ ə ghənə̂zè.”

Matyò 28:9

Kè nyi, Njisə̀s ə kwənə̂ yî ghənə ə pìə nə, “Pɔ̂ynè nyì sê ghàyn.” Ghənə ə pə̀ sê vəyn ə kyiə ə̀ghol əvəynghe sè ngɨmnə̂ vəyn.

Matyò 10:8

Ghàyn tsuʼ ghɨə zafə, ə zòmsə̀ ghɛ ə nyi mə kwu, ə tsuʼ ghɨ ghɛ ə ghe kyi kwùsà, ə chûmə̀ fɨsə̂ tèpamə̂ tə satàyntè. Mə fo ghàyn è tyaʼa nə ghàyn nəyn ghɛ ghɨ̀nə̀ ə̀kɨ̂m pîza kyiŋə va ndâʼ zhîze sê ghàyn. Ghàyn pɔŋ nəyn ə̀ghɛ nə ghɨ̂yn mə ghàyn pfɨfə va ndaʼè sê ghɨə.

Matyò 4:9

Ndə̂plè ə pìə nə, “M nə̀ fo èfɨa vɨ̂yn sê ghò èkɨ̂m ezhoghɛ ò tɨm ngwuʼə ə ngɨmnə̂ mi.”

Matyò 2:11

Ghənə ə njiə ndûə ə ndɛ. Kə ghənə nji, ə fe vayn yî nyìə vəyn Mèli. Ghənə ə tɨmə ə̀ndzɨs ə və shi ə ngɨmnə̂ vəyn. Ghənə zhə̀nə̀ sèshəyn sə ghənə̂sè ə fo èmâʼte, ə ngôlè, è ngwɨl mê lɨ̀mtə̂ mê chùŋə̀m e tɔŋtə̂ nə flaŋkyiŋsèyn, è mâyl, sê vəyn.

Matyò 8:1

Kə Njisə̀s tè kɛse tso pəyn ə pfɨ̀yn, nɔ̂yn ə ghɨ̀kè e chûmtə̀ vəyn.

Matyò 8:25

Chùmtè èpàm sə vəynse ə ndùə ə səʼə̀ zə̂mə̀ vəyn ə pìə nə, “Tsàmte ghàs ə Pɛ̂pɛ”, “Ghàs nyì ke se kwu!”

Ətefɨ̂aʼ 10:14

Pîza Pità ə pìə nə, “M vayn kàʼa m mɔm ə Pɛ̂pɛ, kûmə̀ nə m pâʼà tyəm zhi fɨake, saʼ endaʼ zasze e pamə kɨ̀sə kɛ ə ke zo va ə Zhə̀fè shi.”