Matyò 8:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Kə zhwikwɨləve tè kwəyn, ghɨghe ə pə̀ è ghɨə sê Njisə̀s, ghe tsɨ̀ə kə nyi, kyi tèpamə̂ tə satàyntè. Njisə̀s ə chûmə̀ fɨsə̂ sè zuʼse pisə təynse mə È pì ke èghɛ ə tsuʼə nâʼà ə̀ghɨ ghɛ ə tè zafə əkɨ̂m.

Matyò 8:16 Referans Kwoze

Tom èchùŋ kè kə Lûk tè nyaʼ 4:40

Choe zhwie tè piə e sâŋà ndò, naʼapi ndè vɛ è tè kyi wùə èzafə, kɨ̀sə ə tè nyi naʼapi èkyî ezaf èkè, è njiə pə̀ kə è vəyn sê Njisə̀s. È ve ndə̀mə̀ əgho ə ghənə ətu, ghənə etɛ kə ndò, ə tɛ kə əkɨ̂m.

Matyò 14:14

Njisə̀s ə fɨə ə ngwùʼ èghaʼâ ə pə̀ kə è fɨyn fe nɔ̂yn ə ghɨ̀ kɛ, təm ə vəynghe ə lwinə è kosê esəyn sê ghənə È və tsuʼə tèzaf tə ghənə̂tè.

Ətefɨ̂aʼ 5:15

Ghɨghe ə fe ə̀ghɛ ə kayntə nə ghɛ ə ghɨətomə Njisə̀sghè tè nə, ze ə nə̀ ghənə e sè pɨaʼà ə̀ghɨ zafə mkwì è ghàmə̀m, fɨə ndə̂mə̀ kə ə tetitepì tendomte. Ghənə tè nə za è kwâʼtèzè nə Pità nə̂ piə è tsɛ̀ ndò, ə nyɨ̂ŋsè ə vəynke kom ghɨ ətəynghe.

Ŋwàʼlè ə̀ Mâk 5:8

È tè pîə zâ kə̂ Njisə̀s pì se zuʼse pisə təynse nə, “Fɨ ə wùə vɨ̂nə ewìyn ə zuʼse pi sɨ̂nə̀!”

Matyò 12:22

Ghɨ əmɔ̀ʼɔghe ə ke pə̀yn è wùə sê Njisə̀s mə è və fòf vayn kàʼa è wamne kûmə̀ nə è tè nyiə kyi èpamə̂ ə satàynzè. Njisə̀s ə tsuʼə wùə ətəyn è və zhə̀tə̀ fe, fɨnə wâmnə̀.

Ŋwàʼlè ə̀ Mâk 2:3

Kè nyî ghɨ yîghe əkyàʼ ə pɨaʼà pə̂ è wùə mə pâs ewìynke ə kwu sê vəyn.

Matyò 9:2

Ndômnè yîghe ə pə̀ è kèngɛchi sê vəyn è nyɨŋ ə feghàm. Kə Njisə̀s tè fe pomə̂ zɛ əghɨ ghɛ tè kyi, È və pìə sê kèngɛchi kɛ nə, “Kyi təmə ə vayn vɨ̂m! Ə lɛ̀sè fo pi sɛse.”

Ŋwàʼlè ə̀ Mâk 9:25

Ə pə̀ kə Njisə̀s fe kə ghɨə se nyɨŋə pə̀ se tsɨ̀, è və kàyntə̀ ə̀ghɛ sê zuʼse pi nə sɛ ə pìə nə, “Tsɛ fɨ. Ə̀ pi mi sê ghò ə zuʼse pi sɨ̂nə̀, sê ghò vɨ̂nə ò nə̂ nə kə vayn vɨ̂yn ə wâmnə̀, fɨnə nə̂ nə kə è və zɨə ə̀ghɛ. Ə ò fɨ za kə ò tə fɨyn nji.”

Matyò 8:33

Ghɨ ghɛ ə ghe tè naynə Kwùnduŋ ə təynve ə tə ndô, ə ndùə ə tɔ̂ŋ ə tsâ se ghɨghe nâʼàpî èghɛ èkè zɛ ə ze kyâyn, pàʼsə̂ è zɛ ə ze kyâyn sê ndômnè ghɛ ə fə kyi pamə̂ tə satàyntè.

Matyò 8:15

È və kyîə àgho ə vəynke, wiyn ekase ətəynve ə zà vəyn. È və ndwìə ə fiə ndzɨsə̂ Njisə̀s kə wùə èmòtə pə.

Tom èchùŋ kè kə Lûk tè nyaʼ 4:41

Pamə̂ tə satàyntè e fɨə ə tsɨ̀tsɨ̂ ewìyn, pɨa piə nə, “Ò nyi Vâ Fèzhə̀!” Pîza è və kàyntə̀ nə kə̂ ghənə fɨyn pi eghɛ kûmə̀ nə ghənə tè ke ndo nə è nyi wùə vɛ ə Zhə̀fè chɔʼ ndə̂m.

Tom èchùŋ kè kə Lûk tè nyaʼ 13:12

Njisə̀s ə fe pə̀ vəyn nyi ə tɔŋɔ vəyn, è və fɨə pə̀. Njisə̀s ə nɛ̀sə̀ àgho ə kûmə̀ vəyn ə piə nə, “Wùzhɔyn, ò tɛ mbɛ̀.” Kè sə ashìŋə̀, è və ndwìə tyəmə ə kwiə ndùə kə chichi sè tsîtə̀ ndûə Fèzhə̀.