Matyò 8:12 - Ŋwàʼlè ə̀ Fèzhə̀ Mkâyn Mə̂ Fèm

¹² Pîza, ə ghɨ ghɛ ghe kyi sə̂ nyi ə elùʼ efɔ̀yn ə Fezhə̀vè, ə pɨl chum fɨsê ghənə elùʼ alɨm. Elùʼ vɛ ə ghənə nə chîə kwɨlə ə̀sɔŋ ə ghənə̂ ghè.”

Matyò 8:12 Referans Kwoze

Matyò 25:30

Sê wùə èfɨaʼa vɨnə è nyi afɨa sə ndô nyî, ghàyn laŋ fɨse vəyn əpɨəyn ə fètə̂ àlɨm, fumə ə è və chîə kwɨlə ə̀sɔŋ.›”

Tom èchùŋ kè kə Lûk tè nyaʼ 13:28

Ghàyn tə fe Aplàghâm è Azɨ̀k è Njàkɔ̂p è fɨ̀aʼtè seghaʼâsè sekɨ̂m elùʼ efɔ̀yn ə Fezhə̀e ə ghàyn ə nuŋnə̂ chîə, mə ə fà za ghàyn əpɨəyn.

Matyò 21:43

Njisə̀s ə kwəynsə̂ nə, “Ə tə fiə tsɨsə̀ eluʼ vayn sê ghàyn ghɛ ə ghàyn saʼa fɔ̂yn ə Fezhə̀vè ə fo sê ghɨ ghɛ ə ghe nyi chichi.”

Matyò 13:50

ə màʼa ndzɨsê ghənə elùʼ ewùs, elùʼ vɛ ə ghənə tə nə̂ chîə kwɨlə ə̀sɔŋ ə ghənə̂ghè.”

Matyò 13:42

Ə màʼà ndzɨsə̂ ghənə elùʼ ewùs, elùʼ vɛ ghənə nə chîə, kwulə ə̀sɔŋ ə ghənə̂ghè.

Matyò 24:51

Ə pɛ̀ èfɨ̀aʼ ə̀təyn tsɨfse vəyn nâʼà sə ŋaŋ. Ə è tsɨfse vəyn eghɨ kèpî kə è tsɨfsè ghɨə ə kaŋkaŋə nə. Fumə ə è və chîə kwɨlə ə̀sɔŋ.”

Njût 1:13

Ghənə nyi kə awàwà epaməke, ghɛ ghənə̂ ghe ghoməghe e chwîtə̀ kə apfɨpfɨ. Ghənə nyi kə mlî mɛ ə m̀ tsɨ̀nə̀ ghanə ka kə ndô, mə Zhə̀fè ə ndə̀m luʼve sê mêmè, ə̀ nyi eluʼ fɨ̂mə̀ tsɛ̂ tèluʼ tekɨ̂m.

2 Pità 2:17

Tyə̀ynsè sə akaŋ nə sɨ̂nə̀ tè nyi kə tɔŋ m̀mò ezhoghɛ è zom, nyi ke kə sembàʼ ə fof ə tɛke tsɛ̂ pɨ̂aʼà ndô è səynse, Zhə̀fè nyi mə fe ə ndə̀m luʼve sê ghənə ve fɨ̂mə̀ tsɛ̂ luʼte fɨmə tekɨ̂m.

2 Pità 2:4

Zhə̀fè tè paʼà faŋ se fo ngəʼ sê tsì sɛ ə se tè nəyn pi, pîza ə màʼà tsosə̂ ghənə elùʼ ewùs, elùʼ vɛ ə nyi mə ə fà ghənə alɨm, nə ə ndəm ghənə se zaʼâ kə tuʼ ə saʼve kwəyn.

Ŋwàʼlè ə̀ Pɔ̂l sê ghɨə Lûmghè 9:4

Ghɨ ghɨm nə ghɨ̂yn nyi əghɨə Isìlây ghɛ ə Zhə̀fè tè njì sə Vəyn ə ghɔyn se tyə̀ynə paynsê epomsê ə Vəyn sê ghənə. Ə zhiə mkâyn yî ghənə ə fɨnə fo alàŋ ə Vəynke sê ghənə. È və tə chwìtè se ghənə kə ghənə kyi sə̂ ngɨmnə̂ Vəyn, ə̀ nyi se ghənə ə È tè pi nə zhi tə nə̂ èghɛ se ghənə, mə È tə nə̂.

Ətefɨ̂aʼ 3:25

Ghɛ zɛ ə Zhə̀fè tè pi tɔynə̂ ə se fɨ̀aʼtè tè nyì sê ghàyn, ghàyn e kyi kepî èghɛ əfètə̂ m̀kàyn mɛ ə Zhə̀fè tè zhi yî pɨ̀a ghayn ghəshiə. Zhə̀fè tè pi sê Aplàghâm nə, ‹M tə pɔsə̂ ə̀ghɨ ə̀kɨ̂m fa mbi tɔynə̂ əghò etɔ̀ŋ ə ndɛve.›

Matyò 13:38

Fûʼ ətəynke e nyi mbi, ngwàʼ èchùŋ zɛ e nyi əghɨ ghɛ ə ghe nyi etyə̀ èfɔ̀yn ə Fezhə̀vè, yîyn epike e nyi ə̀ghɨ ghɛ ə ghe nyi ə̂ ndə̂plè etyə̀.

Etyə̂yn ə paynsêzè 22:15

Pîza ghɨ ghɛ ə ghe nyi əpɨəyn ə tɔ̂ŋ èghaʼâ nyi ghɛ ə nyi mə ə nə̀yn ghɛ ə kwəmnəghe kə; ghɛ ə nə̂ ghɛ ə pfɨyntəghe, è ghɛ ə nə̂ ghɛ ə nyələghe, è ghɛ ə ghe zhwiə ghɨghe, ghɛ ə ghe ngɨmnə fɨ̂aʼsèvè, è ghɛ ə wamə kwaŋve, nə̂ ə̀ghɛ akaŋghe.