Matyò 7:21 - Ŋwàʼlè ə̀ Fèzhə̀ Mkâyn Mə̂ Fèm

²¹ Ə̀ va chi nâʼà pîndè vɛ ə è tə tɔŋtə mi nə, “Pɛ̂pɛ, Pɛ̂pɛ” ə è tə njiə elùʼ efɔ̀yn ekwùtwəyn. Ə tsɛ̂ kə va ghɨ ghɛ ghɛ ə nə̂ kə pɨ̀a vɨ̂m ekwùtwəyn kyiŋə.

Matyò 7:21 Referans Kwoze

Ŋwàʼlè ə̀ Pɔ̂l sê ghɨə Lûmghè 2:13

Ə̀ vachi èzə zɛ ə wùə zɨ lâŋkè ə ze nə̂ nə wùə ə nyi chichi ə Zhə̀fè əshi, pîza sə nyi chichi ə Zhə̀fè əshi, wùə kyi sə nə̂ èghɛ zɛ ə lâŋkè kyiŋə.

Tom èchùŋ kè kə Lûk tè nyaʼ 6:46

Kûmə̀ ghè ə ghàyn tɔŋtə kə mi nə ‘Pɛ̂, Pɛ̂pɛ,’ shîŋə̀ tèkɨ̂m, nə̂ va ghɛ zɛ m piə sê ghàyn ə?

Njə̂m 1:22

Kə ghàyn lese ngɨŋ saynse sə̂ zɨtə̂ kə ndò ghɛ ə Fezhə̀zè, pîza ghàyn e nə̂ èghɛ zɛ ə tom ə̀təyn pîə.

Tom èchùŋ kè kə Lûk tè nyaʼ 11:28

Njisə̀s ə pə̀ynsə̀ nə, “Chùŋ pɨl nyi sê ghɨ ghɛ ə ghe zɨə ghɛ Fezhə̀e, nə̂ kə̂ ze piə!”

Taytùs 1:16

Ghənə kaŋkaŋa pîə nə ghənə ke ndo Zhə̀fè, pîza ndam ə ghənə̂zè e tyə̂nə̀ nə ghənə ə tə vəyn. Ndam tə ghənə̂tè nyîə kwə̂mnə̀, ghənə e tɛ ètuve, mə ghənə vayn kàʼa nəyn nâʼà èghɛ zhîze mə ə̀ nyi eghɛ echûŋzè.

Ipilù 4:6

Ghɨ ghɛ ə ghe tè zɨ tom è chùŋ nə zɨ̂yn sə shi tè paʼà nji elùʼ e zɨtə Fèzhə̀ nə vɛ kûmə̀ nə ghənə tə tə se zɨ sê Zhə̀fè, pîza ghɨ mɔʼɔ se nyi ndò zôyn se tə nji elùʼ nə vɛ.

Njɔyn 6:40

Ghɛ zɛ ə Pɨ̀a Vɨ̂m kyiŋə nyi nə nâʼà ghɨ ə̀kɨ̂m ghɛ ə ghe fe Vayn ə pomə sê vəyn kyi ndam zɛ ə ze tə mîə va. Mə M tə zômsə̀ ghənə endam ə fetuʼ fe ekwuŋsəfe.”

Etyə̂yn ə paynsêzè 3:5

Ghɨ ghɛ ə ghe nò zhi tə lafə kəpî famə endom è ndzɨs se fɨfə̂sè. M tə kəʼsə̂ va zə ə ghənə̂ghè ə ŋwàʼlè zɛ ə ghɨ ghɛ ə ghe kyi ndam zɛ ə ze tə mîə va nyi ətəyn. M tə tyəmə̂ pìə kə nâʼà ə ndayn nə m ke ndô ghənə ə Pɨ̀a vɨm və shi yî tsì sə vəynse.

1 Pità 4:2

Famə endom, ə ghàyn tə tàʼa ndamə mɨ̀sè endam zaynze fâ əchi endom vɛ ə njà sewìynse kyiŋə, ə ghàyn ə pɨlə ndamə kè kə̂ Zhə̀fè kyiŋə.

Ipilù 13:21

m tsə̂mə̀ nə Zhə̀fè fo nâʼàpî àfɨa echûŋ àke kɛ ə ghàyn nə̀ njîə se nə̀yn eghɛ zɛ ə è kɔ̀ŋə̀ ətəyn, m tsə̀mə̀ nə tɔynə̂ ə Njisə̀s Klâys, è nə̀ nə̂ tɔynə̂ ə ghâsènì ghɛ zɛ ə ze tsɔ̂fə̀ sê vəyn. Ə pomsêzè ə nyi sê Njisə̀s Klâys sə teshìŋə̀ tèkɨ̂m. Ə ze ə nyi ke zamə.

Matyò 12:50

Nâʼà pîndè vɛ ə è nə̀yn ghɛ zɛ ə pɨa vɨ̂mvè ekwùtwəyn kyiŋə, ə̀ nyi ànyì vɨ̂m ve ndômə̀ è ve zhɔyn è nyì vɨ̂mvè.”

Etyə̂yn ə paynsêzè 22:14

Saŋnêzè nyì sê ghɨ ghɛ ə ghe ndə̂mə̀ lwɔ̂ŋ ə vəynve, kə ghənə ə kyi èndom se zhi ə fekàʼ fə endaməfe, è kɨsè se tsɛ̀ echô mbàyn se njiə ndù ə tɔ̂ŋ èghaʼâ.

Njɔyn 3:5

Njisə̀s ə pə̀ynsə̀ nə, “M tsâ sê ghò səmɔʼ nə wùə vayn kàʼa è nji elùʼ efɔ̂yn ə Fezhə̀vè, ə̀ tsɛ̂ kə va mə ə pîə vəyn mmò è kɨsè Zuʼse.

Matyò 18:3

ə pìə nə, “M pîə sê ghàyn səmɔʼ nə, ə̀ tsɛ̂ kə va mə wùə ə kwiynê ndam ə vəyn sə̂ nyi ke kə vayn vɨ̂nə̀, è vayn kaʼa è tə nji elùʼ efɔ̀yn ekwùtwəynve.

Njɔyn 7:17

Ə̂ nyì pîndè èpɨaʼtêzè se nə̀yn eghɛ zɛ ə Zhə̀fè kyiŋə, ə è və ke nə ghɛ zɛ M zaʼlə ndo se Zhə̀fè mə sè Mìə, mə M wamnə̀ sə Mì atyaʼa?

Ŋwàʼlè ə̀ Pɔ̂l sê ghɨə Lûmghè 12:2

Kə ghàyn nə ndamə kə njà saynse wìynse kyiŋə, pîza ghàyn pɨl za ə Zhə̀fè fo kwàʼtè efe sê ghàyn, kə ghàyn ə kyi tsɨnè èfe. Zɨnə nə̀ nə̂ ə ghàyn ə ke, nə̂ ə̀ghɛ ghɛ ə Zhə̀fè kyiŋə. Ghàyn nyìə ke chùŋ, ke ə̀ghɛ ghɛ ə ghe nə̂ nə Zhə̀fè ə saŋnə̂, ke ghɛ ə ghe nyi chichi.

Ŋwàʼlè ə̀ Mâk 3:35

Ə̀ nə̂ nâʼàpî ndè ghɛ ghɛ ə Zhə̀fè kyiŋə, è nyi ànyì vɨ̂m, è nyì vɨ̂m.”

1 Tèsàlonikà 5:18

fo àzɔ̀ŋnè nâʼàpî eghɛ èkè zɛ ə ze kyâyn, kûmə̀ nə ə̀ zɨnə nyi eghɛ zɛ ə Zhə̀fè kyiŋə nə ghàyn ə nə̂ tɔynə̂ ə Klâys Njisə̀s.

Ɛfesùs 6:6

Ghàyn e zɨə sê ghənə kə ghɨ fɨaʼa Klâysə̀ kè nâʼà səmɔʼ, kè eghɨ kə Zhə̀fè kyiŋə. Kə ghàyn nə zɨə sê ghənə kè ashìŋə̀ kɛ ə ndə̂m shiə ə ghàyn ewìyn kûmə̀ nə ghàyn kyiŋə nə ə ke nə ghàyn fɨ̂aʼà àchûŋ.

1 Pità 2:15

Ghɛ zɛ ə Zhə̀fè kyiŋə nyi nə ghàyn ə nə̂ ə̀ghɛ əchûŋghè endom nə vɨ̂yn kə ndam zaynze nəyn kə cho ə ngô əghɨ̀ ghɛ ə tsɨ̂nə̀ wâmnə̀ kə ndô ghɛ zɛ ə ghənə keva kɨm mɔŋ.

Matyò 25:21

Pɛ̀ efɨaʼ ə̀ vəyn ə piə sê vəyn nə, ‹Ò nə̀yn àchûŋ. Ò nyi ke nâʼà wùə èfɨ̀aʼa èchùŋ, fɨyn nyi səmɔʼ. Ò vâ nyîə nyi səmɔʼ sə̂ tɔ̂ʼnə̀ èkɛ etətə̂vè, M nə̀ fo ghò èkɛ e tsɨəve nə ò tɔʼne è vəynve. Nji pə ə chyàtə̀ ə mì esaŋnê.›

1 Tèsàlonikà 4:3

Zhə̀fè kyiŋə nə ghàyn ə nyi èŋwaʼze, kyiŋə nə kə wùə se ghàyn ə nə̂ ə̀ghɛ ə nyələghe èwiyn ə vəynve,

Kòlosè 4:12

Ghàyn fi tɔŋtêzè mə ze ndo sê Èpafalàs mə ə̀ nyì kepî wùə mɔʼɔ̂ ə ghàyn anɔ̀yn, ə̀ nyi wùə èfɨ̀aʼa sê Klâys. È nyiə zâŋsə̀ tsə̂mə̀ se ghàyn shîŋə̀ tekɨ̂m, tsə̂m ə vəynze sê Zhə̀fè e nyi nə ghàyn ə tyəm ə ghàyn epomə̂ kə ghɨ ghɛ ə nyi mə ə ndəmə̂, e ke nə ghənə lote nyi ə̀ ghɨ epoməghe, kè endom se ngɨmnê se Zhə̀fè ə Fəynfe ekɔ̀ŋ.

Tom èchùŋ kè kə Lûk tè nyaʼ 13:25

Shîŋə̀kè tə kwənə, ə pɛ̀ ndɛ ndwi ə è fa cho ə ndɛve, ə ghàyn tyəm faŋ əpɨəyn ə ngɔʼtə̂, piə nə, ‘Pɛ̂pɛ, chɔʼ cho ndɛu sê ghàs,’ ə è pəynse ke sê ghàyn nə, ‘M ke va nə ghàyn ndò ghayn zə.’

Ətefɨ̂aʼ 14:22

Nâʼà pi elùʼ èkè vɛ ə ghənə tè nduə fɨə, ghənə ə nə̀ nə ghɨ poməghe tɔʼ kyî èpomə̂ ə ghənə̂zè ə fɨyn ndəm ətəm ə ghənə̂ eghɛ zɛ ə ghənə pomə. Ghənə tè zaʼlə nə, “Ghâsènì kyi se tsɛ tɔynê əfètəyn tètsòs te tsɨ̂ə kə nyi tsɔ̀fə ə se nji elùʼ efɔ̀yn ə Fezhə̀vè.”

Tom èchùŋ kè kə Lûk tè nyaʼ 18:25

E pɔynə̂ sê nyàm ə̀ kwaŋ se tɔynê apùʼ ə saʼa tsɛ̂ kə wùə èghaʼâ nji elùʼ efɔ̀yn ə Fezhə̀e.”

Ŋwàʼlè ə̀ Mâk 9:47

Shi zɛze ə nə̀ nə ò nəyn pi, o pɔ̀ʼɔ̀ fɨsə̂. E tsɔ̂fə̀ nə ò nji efɔ̂yn ə Fezhə̀vè è shize emɔ̀ʼ tsɛ̂ kə ə maʼa ghô elùʼ ewùs è shighə pɛ̀,

Matyò 19:24

M tsâ kwəynsə̂ sê ghàyn nə, e pɔynə̂ sê nyàm ə̀ kwaŋ se tɔynə apùʼ ə saʼke tsɛ̂ kə wùə èghaʼâ nji elùʼ efɔ̂yn ə Fezhə̀vè.”

Matyò 18:35

Njisə̀s ə kwùŋsə̀ nə, “Ə̀ nyì kepî zamə kə pɨ̀a vɨmvè ekwùtwəyn tə nə̂. Ezhoghɛ ə ò tàʼa lɛ̀sə fo ànɛ̂ è təm ghɛghe əkɨ̂m. Ə Zhə̀fè tə tàʼa lɛ̀sə fo gho kèpî kə fɔ̀yn vɛ tè tàʼa lɛ̀sə fo wùə èfɨ̀aʼa ə̀ vəyn.”

Njɔyn 15:23

Ə̀ pànə̀ pîndè mi, ə è və panə̀ kəpî pɨ̀a vɨ̂mvè.

Matyò 26:42

È və kɛse ndò ə ndùə sè tsə̂mə̀ pîə nə, “Pɨ̀a vɨ̂m, ə ò va se fiə tsɨ̀sè akɛ̀ ə ngəʼ kɨ̂nə̀ ə mì ətu, mə m paʼà pɨ̀aʼà kəynke, o nə̀ èghɛ zɛ ə ò kàʼa ò nəyn.”

Matyò 16:17

Njisə̀s ə pə̀ynsə̀ se vəyn nə, “Pɔsê nyì sê ghò ə Shimùyn va Njonà. Ə vachi wùə m̀sɔ̀ŋ kə è tsàyn zɨnə mə sê ghò, pîza ə nyi Pɨ̀a vɨm vɛ ə è nyi ekwùtwəyn kə è nə̀yn nə ò pi zamə.

Etyə̂yn ə paynsêzè 2:27

E nə saʼa əghɨ nə ghɨ̂ynə, mə è kyi va kosê esəyn sê ghənə; ə è nyayle ghənə kè kə ə nə̂ e nyaylə̂ sètɔ̀yn sə echaʼse. Tyaʼ kɛ ə m fi sê pɨ̀a vɨm nyì kepî àtyaʼ kɛ ə m nə̀ fo sê ghənə.

Njɔyn 14:7

Njisə̀s ə pìə se ghənə nə, zôyn kə ghàyn ke mi, ghàyn nə̀ kê kəpî pɨ̀a vɨ̂mvè, mə se zhə̀tè zôyn se ndù əshi ghàyn ə fe Vəyn, ə kê Veyn.”

Njɔyn 5:17

Njisə̀s ə pə̀ynsə̀ sê ghənə nə, “Pɨ̀a Vɨ̂m ndamə fɨaʼa kə ndò, mə M pɔŋ kyi se fɨ̀aʼà kə zamə.”

Matyò 26:39

È və kɨŋtə̂ ndûə əshi sechə, ə nyɨ̀ŋə̀ ə chi è kyaʼzè ə tsə̀mə̀ nə, “Pɨ̀a vɨm, ə e pɔynə̂ o njìə tsɨsə̀ ngəʼ zɨ̀yn sê mi! ə̀ vachi èghɛ zɛ m kɔ̂ŋɔ̀ pîza zɛ ə ò kɔ̀ŋə̀.”

Matyò 18:10

Ghàyn tɔ̀ʼnə̀ nə kə wùə lɛ wâ kûmə̀ nə è kɔʼnə̂ va. M pîə sê ghàyn səmɔʼ nə ekwùtwəyn, tsì sɛ ə se naynə ghɔyn nə ghɨ̂yn nyì yî Pɨ̀a vɨm.

Matyò 18:19

M pîə kwəynsə̂ sê ghàyn səmɔʼ nə, ə ghàyn ə pɛ̀ pomə nâʼàpî èghɛ èkè ə pfɨfə etsə̀m, ə pɨ̀a vɨ̂mvè ekwùtwəyn fo sê ghàyn.

Matyò 25:10

Ghənə ə ke ndo ndù se zhɔnə zhîzè, ə pə̀ kə ghənə ndô, ndom ə̀ wùzhɔyn ə pə̀, ngɔ̀yn sɛ sètâyn ə se tè nyi è pɨaʼtêzè ə njiə yighə̀ vəyn elùʼ e zhiə nə malə̂vè, ə kyiŋə̀ fâ echo ndɛve.