Matyò 7:12 - Ŋwàʼlè ə̀ Fèzhə̀ Mkâyn Mə̂ Fèm

¹² Nə̀yn sê wùə mɔ̀ʼɔ kè eghɨ kə ò kyiŋə nə è nəyn sê ghò, ə̀ zɨnə nyi eghɛ zɛ làŋ ə Mosîskè tyə̀nə è zaʼlê ə fɨ̀aʼtè èghaʼâzè. E nyi nə ghàyn ə nə̂ naʼapi ghè sê ghɨ kè kə ghàyn kɔ̀ŋə̀ nə ə nə nə̂ sê ghàyn. Ə̀ zɨnə nyi eghɛ zɛ lâŋ ə Fezhə̀kè è kə Fɨaʼtèkè lotə zaʼlə.

Matyò 7:12 Referans Kwoze

Tom èchùŋ kè kə Lûk tè nyaʼ 6:31

Ghàyn nə̂ kə əghɛ ghɛ sê ghɨə kè kə ghàyn kɔ̀ŋɔ̀ nə ə nə nə̂ sê ghàyn.

1 Timotì 1:5

M pìə èghɛ nə zɨ̂yn sê ghò kûmə̀ nə m kyiŋə nə ghɨə pomə ə kyi èkɔ̂ŋ zɛ ə ze fɨ ə təm ə zoghe, mə təm ə ghənə̂ghè saʼa va ghənə fɨyn kyi èkyî èpomə zɛ ə ze nyi səmɔʼ.

Matyò 5:17

Kə ghàyn ə kwaʼtə nə m pə̂ mbi se kəʼsê Alâŋ ə Mosîskè è zaʼlê ə se fɨ̀aʼtè. M pâʼà pə̀yn se kəʼsə̂ təynte, pîza se pɨlə nə̀yn nə zaʼlê ə ghənə̂zè pəyn səmɔʼ.

Njə̂m 2:8

Ə ghàyn lotə ndə̂mə̀ saʼ ə efɔ̂yn ə Fezhə̀zè kə ze nyi ə Ŋwàʼlè ə̀ Fèzhə̀ nə, “Kɔ̀ŋ ghɨə mɔ̀ʼɔghe kè eghɨ kə ghàyn kɔ̂ŋɔ̀ ngɨŋ saynse,” ə̂ nyi mə ghàyn nə̀ kə nâʼà èghɛ echûŋzè.