Matyò 6:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Ə ghàyn piə tsə̂mə̀, kə ghàyn ə tsə̂mə̀ kə ghɨ ghɛ ə kaŋkaŋə nə̂. Ghənə kɔ̂ŋə̀ sə̂ ndwìə tsə̀mə̀ ə sendɛ sə atsɨ̀yntese tsəməse è kɨsè echo fàfə̀, kə nâʼà pîndè fe ghənə. M tsâ sê ghàyn səmɔʼ nə kyì əghɨ̀ ghɨ̂yn ə kàynè kyî maʼte ə ghənə̂zè ekɨ̂m.

Matyò 6:5 Referans Kwoze

Matyò 6:2

“E za nyi nə ə ò fo fɨake sê wùə vɛ ə è kyiŋə, kə ò ghaŋsə̂ èwiyn, kèpî kə ghɨ e kaŋkaŋə nəghe ə sendɛ sə Fezhə̀sè è cho tefàfghè nə̀ nə ghɨ ghə fe ghənə. M tsâ sê ghàyn səmɔʼ nə ghɨ nə ghɨ̂yn ə kyi mɨ̂sè mâʼte ə ghənəè.

Tom èchùŋ kè kə Lûk tè nyaʼ 18:13

Wùə vɛ ə è tè tənə tâksè za ə piə è tsə̀mə̀ ndò ə tyəmə kə sə aghaf ə tàʼa kɔ̀ŋ naʼapi se naynə̂ kɔʼsə̂ ekwùtwəyn pîza ə ndəmə àgho ə vəyn angàŋtè se maʼlə̀ ewiyn piə nə, ‘Zhə̀fè, kose səyn sê mi, m nyi wùə əghɛ piə!’

Ŋwàʼlè ə̀ Mâk 11:25

Ə ò tyəm nâʼà pî ashìŋə̀ àkè se tsə̀m, kyi eghɛ ghâyn wùə, gho lɛ̀sə̀ fo vəyn kə Pɨa vɛo vɛ ə è nyi ekwùtwəyn pɔŋ lɛ̂sè fo sèpi sɛse.

Tom èchùŋ kè kə Lûk tè nyaʼ 20:47

Ghənə e kyiə fiə èfɨa ə zhwiə kwuve, kaŋa tsə̂mə̀ tètsə̂m te tyâtè se tyə̀yn ewiyn. Zhə̀fè tə tsə̀fsə̀ ghənə nâʼà sə ŋaŋ.”

Njə̂m 4:6

Pîza fùʼ kɛ ə Zhə̀fè fo nyîə tɛ tsɛ̂ kè kə nyâʼ ə Ŋwàʼlè ə̀ Fèzhə̀ nə, “Zhə̀fè nyiə njîə tsosə̂ ə̀ghɨ ghɛ ə ghe ghaŋsə wiynve, pîza fo àfùʼ ə vəynke sê ghɨ ghɛ ə ghe njîə tsosə pə̂ ngɨŋsə ghənə̂sè əchi.”

Tom èchùŋ kè kə Lûk tè nyaʼ 18:1

Njisə̀s ə fɨnə mɛ̂ kəpî ngàyn zhizè sê chùmtè epàm sə vəynse se zaʼlê ə ghənə nə ghənə kyi sə̂ tsə̂mə̀ kə shîŋə̀ tekɨ̂m, pɔ va.

Ɛfesùs 6:18

Ghàyn piə nə̂ ə̀ghɛ nə ghɨynə̀, ghàyn e tsə̂mə̀ sê Zhə̀fè kè shîŋə̀ tekɨ̂m, pfɨfə nâʼàpî ghè ke eghɨ kə Zuʼsə vəynse chisə ghàyn. Ghàyn piə tsə̂mə̀ ndò ghàyn e tsə̂mə̀ sê ghɨə Fezhə̀ nâʼà ə̀kɨ̂m. Ghàyn e tɔ̂ʼnə̀, kə wùə tə lɛ̂sè ètsə̂m.

Tom èchùŋ kè kə Lûk tè nyaʼ 11:43

Ngəʼ èghaʼâ nyi sê ghàyn, ghɨə Falàsîə, kûmə̀ nə ghàyn kɔ̀ŋɔ̀ sə̂ ndùə ə sendɛ sə atsɨ̀yntese, kɔʼɔ tsɨsə̂ kə əshi, fɨnə fɨə ndùə afàf, kɔ̂ŋɔ̀ nə ghɨghe ə nyɨŋə pə̀ tɔŋtə̂ ghàyn.

Matyò 21:22

Ə ghàyn kyi pomə̂zè, ə ghàyn kyi nâʼàpî àkè kɛ ə ghàyn pfɨf e tsə̀m.”

1 Tèsàlonikà 5:17

tsə̂mə̀ sê Zhə̀fè shîŋə̀ tekɨ̂m,

Njɔyn 16:24

Se zaʼâ zôyn, ghàyn pâʼà pfɨf fɨa kyîke ə Mì ezə. Ghàyn pfɨf, kə ə fo sê ghàyn, kə saŋnê zaynze ə nyi mə zə lwiyn kwəyn.”

Ŋwàʼlè ə̀ Mâk 12:38

Kə Njisə̀s zaʼlə ghənə, ə pìə nə, “Ghàyn e tɔ̂ʼnə̀ è tyə̀ynsè sə alàŋsè. Ghənə kɔ̀ŋɔ̀ sə̂ kwîə tsɛ̂ mə màʼ sàŋsè, se ghaʼlə̂ kə nyi, fɨə ndûə ə te lùʼ tepəʼləte, ghɨghe pə̂ tɔŋtə̂ ghənə è ngɨmnêzè,

Matyò 9:38

Ghàyn tsə̂m nə pɛ̀ àfùʼ tom ghɨə əkwiəghe.”

Matyò 23:13

Njisə̀s ə pìə sê tyə̀ynsè sə alàŋsè è ghɨə Falàsîə nə, “Ghàyn ghɨnə ə ghàyn kaŋkaŋa nə̂ nyî, ngəʼ èghaʼâ nyi sê ghàyn! Ghàyn fìnə̀ èchondɛ elùʼ efɔ̀yn ekwùtwəynve nə kə ghɨə nji. Mə ghàyn è ngɨŋ saynse vayn kaʼa nji, za va nə ghɨ mɔ̀ʼɔ ghɛ ə kyiŋə se nji nə nji.

Matyò 23:6

Ghənə kɔ̂ŋə̀ sə tsɨsə̂ ə telùʼ te ngaŋtəte elùʼ azhi è kɨsè sə tsɨs mkyə̀ mê ghaʼlə̂m ə sendɛ sə atsɨ̀yntese.

Matyò 6:16

“Ə̂ ghàyn pamə choze, kə ghàyn ə kosə̂ kyâʼà kə ghɨə kaŋkaŋə nə̂. Ghənə piə pamə ècho, e kosə̂ kyâʼà kə ghɨ fe nə ghənə pamə ècho. M pîə se ghàyn səmɔʼ nə ghənə kàynè kyî mâʼtè ə ghənə̂zè.

Matyò 6:1

Ghàyn e tɔ̂ʼnə̀! Sə̂ nə̂ va ghɛ Fezhə̀ ghaynghe chûŋə̀ kè nə ghɨ fe. Ə ghàyn nə̀ ghɛ nə ghɨ ghə fe, ə ghàyn tə tàʼa kyiə emâʼte sê Pɨ̀a vâynvè ekwùtwəyn.

Matyò 23:5

Ghənə nə̂ ə̀ghɛ kè se tyə̀yn ewiyn. Ghənə kolə̂ m̀puʼlə̂ mə m̀ ghaʼa ndò ə ghənə echo àtu è kɨsè ə ghənə tekɔyn mə nyàʼ ndiŋə̀ mə̂ ŋwàʼlə̀ Fèzhə̀m ətəyn. Ghənə nə̂ kəpî èpɨ̂aŋ ə sendzɨs vɛ ə kə̂ etuə sèsàŋ nə və tyaflə̀ tsɛsə̀

Tom èchùŋ kè kə Lûk tè nyaʼ 6:24

Pîza ngəʼ èghaʼâ nyi sê ghàyn ghɨ èghaʼâ kûmə̀ nə chùŋ zâyn se nyi ke ə ghàyn əgho.