Matyò 6:12 - Ŋwàʼlè ə̀ Fèzhə̀ Mkâyn Mə̂ Fèm

¹² Lɛ̀se fo pi sɛ ghàs nyi mə nə̀yn, kèpi eghɨ kə ghàs lɛ̂sə̀ fo ghɨ ghɛ nə̂yn pi sê ghàs.

Matyò 6:12 Referans Kwoze

Ɛfesùs 4:32

Ghàyn e tɔ̂ʼnə̀ fɨnə kosə̂ èsəyn sê ghɨ mɔ̀ʼɔ, lɛ̂sə̀ fo ə̀ghɨ mɔʼɔ kè kə Zhə̀fè tè lɛ̀se fo ghàyn tɔynə̂ ə Klâys.

Ŋwàʼlè ə̀ Mâk 11:25

Ə ò tyəm nâʼà pî ashìŋə̀ àkè se tsə̀m, kyi eghɛ ghâyn wùə, gho lɛ̀sə̀ fo vəyn kə Pɨa vɛo vɛ ə è nyi ekwùtwəyn pɔŋ lɛ̂sè fo sèpi sɛse.

Ɛfesùs 1:7

Klâys ə tè zhɔyn tuə ghasènìke è ndə̂m mə vəyn mɛ ə è tè sɨs kə è kwu, Zhə̀fè ə ke lɛ̀sə fo sèpi sə ghasènìse. Zɨnə mə tyə̂nə̀ àfùʼ kɛ ə fe kyi sê ghâsènì.

Kòlosè 3:13

Ghàyn e kyi ə̀təm ə kolə sê ngɨŋ saynse, lɛ̂sə̀ fo nâʼàpî ndè vɛ ə è nyi mə è və nə̀yn pofsê se ghò. Ghàyn e lɛ̂sə̀ fo sèngɨŋ saynse kè eghɨ kə Pɛ̂pɛ nyi mə è və lɛ̂sè fo ghàyn.

Tom èchùŋ kè kə Lûk tè nyaʼ 11:4

Lɛ̀se fo ghɛ ghàs ghepiə pɔ̀msə ghàs lɛ̀sə fo nâʼàpî ndè vɛ ə è nə̀yn pi sê ghàs. Kə ò nə̂ za nə mɔ̂mè pəyn sê ghàs.”

Tom èchùŋ kè kə Lûk tè nyaʼ 6:37

Kə ghàyn nə saʼa ghɨə, kə ə tə tàʼa saʼa ghàyn. Kə ghàyn nə pofsə̂ ghɨə, kə ə tə tàʼa pofse ə ghàyn. Ghàyn lɛ̂sə̀ fo ə̀ghɨ, kə ə tə lɛ̂sè fo ghàyn.

Ətefɨ̂aʼ 13:38

Ghɔnyì ghɨmə, ghàyn e ke səmɔʼ nə, ə̀ nəyn Njisə̀s tsɔ̀fə kə ə ndaʼà tom èchùŋ se ghàyn nə Zhə̀fè nyiə lɛsə̀ fo sèpi sə ghɨ̀sè.

Matyò 9:2

Ndômnè yîghe ə pə̀ è kèngɛchi sê vəyn è nyɨŋ ə feghàm. Kə Njisə̀s tè fe pomə̂ zɛ əghɨ ghɛ tè kyi, È və pìə sê kèngɛchi kɛ nə, “Kyi təmə ə vayn vɨ̂m! Ə lɛ̀sè fo pi sɛse.”

Matyò 26:28

Ə̀ mɨ̂nə̀ nyi mndəm mɨ̂m mə nyi mkâyn me fɛ̂m. Ə tə sɨsə̀ m̀ndəm mɨ̂m mɨ̂nə̀ əghɨ etsɨəghe elùʼ kə Zhə̀fè lɛse fo sèpi sə ghənə̂sè.

Tom èchùŋ kè kə Lûk tè nyaʼ 13:4

Ghàyn fɨyn kwàʼtè kèpi eghɛ zɛ ə ze tè kyàyn sê ghɨ Silùomə̀ ghɛ njòse famə. Ndɛ̂ chi zɛ ə tè pɛ, è tyàfə̀ nyi ə tə pfɨ̀ə zhwite ghənə nâʼà ə̀kɨ̂m. Ghàyn kwàʼtə̀ nə ghənə tè nə̀yn sepi se tsɛ̂ sə ghɨ ə̀kɨ̂msè ə Njèlusalɛ̀m fu mə?