5 Pɔsêzè nyì sê ghɨ ghɛ ə kyi ngɨmnêzè; ghənə tə kyîə àfɨa kɛ Zhə̀fè tsɨ̀nè.
Ə wùə nyi ə ghàyn əfètəyn kyi ètɔfə eghaʼâzè, fɨnə zɨə kê ə̀ghɛ, è və tyə̀nə endam echûŋ zɛ ə è ndamə, sə̂ nə̂ ə̀ghɛ chûŋghè è ngɨmnêzè è kɨsè tɔf eghâʼazè.
kyi engɨmnê, ke se kyiə sengɨŋ. Lâŋ kyîke kwiynsə̂ va nâʼà èghɛ èmɔ̀ʼ əfètəyn ə̀ghɛ nə ghɨ̂yn.
E za tyə̀nə̀ nə ghàyn kyi se mâʼà endam nyələze è kɨsè ndam epofze. Ghàyn tsose ngɨŋ saynse ə ghàyn pomə tom zɛ ə Zhə̀fè nyi mə fe ə ndə̀m ə ghàyn ətəm kûmə̀ nə tom ə̀təyn nyi kàʼa è sɔza ghàyn.
Ghàyn nyi əghɨ ə Fezhə̀ghè, È və tə kɔ̀ŋ ghàyn ə chɔʼɔ ghàyn sə Vəyn əghɨ̀. Ghàyn kyi sə̂ tyə̂nə̀ èsəyn ekoze, tɔ̂ʼnə̀ è ghɨghe, njiə sèngɨŋ saynse ə chi, pɔynə̂, fɨyn kyi ə̀təm.
Ghàyn pomə se chùmtè ə setàm sɨmse, ə ghàyn zaʼle sê Mi kûmə̀ nə m nyiə ngɨmnə̂, kyi ə̀təm epɔynə. Ghàyn pəyn ə ghàyn kyi zɨ̀tèkè.
Ghàyn nə ngɨmnə̂ sengɨŋ saynse, pɔynə̂ fɨnə wəynsə̂ èwiyn, lɛ̂sə̀ sètsas saynse kûmə̀ èkɔ̂ŋ.
Ghàyn e pɨlə ngɨmnə̂ Klâys kə Pɛ̂pɛ ə ghàyn ətəm. Ghàyn e tsɨs shîŋə̀ tekɨ̂m, pfɨ̂tə̀ se fɨ̀ysə nâʼàpî ndè ezhoghɛ è pfɨf ghɛze kûmə̀ èkwaʼtè elɨmtə zɛ ə ghàyn kyi ə ghàyn ətəm. Ghàyn e nə̂ nyi è pɔynə̂, è kɨsè ngɨmnêzè.
Tsàyn sê ghənə nə kə ghənə ə wâmnə̀ ə̀ghɛ ə pighe kûmə̀ wùə vîvè, pîza nə ghənə ə ndamə è ndam ə pɔ̂ynèzè, nyi èsoynve sê ghɨghe, tsosə̂ sèngɨŋ sə ghənə̂sè əchi sê nâʼàpî ndè.
Tsɔ̂f ətəynze pɨl kyi sə̂ nyi ə ghàyn ə tendam. Kyì etsɔ̀f nə zɨ̂nə̀ mə mə ze mɨsə̂ va nyi se wùə vɛ ə è kyi zuʼse pɔynəse, zɨnə mə nyîə kɔʼnə̂ ə Zhə̀fè əshi nâʼà sə ŋaŋ.
Pîza ə gho ə wùə Fèzhə̀, tə pfɨyn famə epàmə̂ ə̀ghɛ. Ò mɔ̂msə̀ sə nyi chichi, nə̂ kə nâʼà ə̀ghɛ kə Zhə̀fè kyiŋə, kyi èkyî epomə̂zè, è kɔ̂ŋzè, e wəynsê ewìynze, è ngɨmnêzè.
chisə ə̀ghɨ ghɛ ə ghe kəmnə ghɛ zɛ ə è pìə è pɔ̂ynè, ke nə Zhə̀fè nə̀ nə̂ ə ghənə kwiyne ə pəyn se kê səmɔʼ.
Ghɛ mɔ̀ʼɔ zɛ ə ghâsènì ke nyi nə sə mɨ, Zhə̀fè ə tə tsɨ̀nè se Aplàghâm è ghâŋ fə vəynfe nə Zhi tə fo mbi ə ghənə gho. Zhə̀fè tè paʼà wàmnè chi zamə kûmə̀ nə Aplàghâm tè nyiə chumtə̀ elwɔ̂ŋ ə Vəynve. Zhə̀fè tè pi nyiəmə kûmə̀ nə Aplàghâm ə tə pomə̂ vəyn, Zhə̀fè ə njìə vəyn kə wùə chichi ə və shi.
“Pì sê ghɨ tə̀ʼ ə̀ Zayɔ̀nə̀ nə, Ghàyn fe, fɔ̀yn vâyn vɨ̀nə è pə̀ sê ghàyn è ngɨmnêzè, tsɨs etûə njàkâs, e kwuŋ ə njàkâs endomə̀vè.”