Matyò 3:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ M fo m̀mo sê ghàyn è môm mə tsòm se tyə̀yn nə ghàyn ə kwiynê ə ghànə sepi. Pîza vɛ ə è pə̀ ə mì epàm nə̀ fo m̀mo sê ghàyn è Zuʼse Ŋwaʼase è wusve. È tsɛ̂ ndò mi. M kwənə pî va se pɨ̀aʼà sepfɨ sə vəynse.

Matyò 3:11 Referans Kwoze

Tom èchùŋ kè kə Lûk tè nyaʼ 3:16

Njɔyn ə piə kə sê ghənə əkɨ̂m nə, “M fo m̀mo sê ghàyn kè nâʼà è mômə tsòm, pîza wùə pə̂ ndò ə mi epàm tsɛ̂ mi, m kwənə pi va se zhə̂nə̀ se kwɨ̀l sə sepfɨ sə ghòl sə vəynse, è tə nə̀ ə è və fo m̀mo sê ghàyn è Zuʼse Ŋwaʼase è kɨ̂sè èwuse.

Ətefɨ̂aʼ 1:5

Njɔyn tè fo mmo sê ghɨ è môm mə̂ tsòm pîza zôyn e sè nyi mə ə̀ faŋ ke m̀tuʼ m shyàʼ nyi kə ə tə fo m̀mo sê ghàyn è Zuʼ se Ŋwaʼase.”

Taytùs 3:5

ə sɔ̀zâ ghâsènì, ə̀ va chi kûmə̀ èghɛ echûŋ zhize kə ghâsènì tè nəyn, pîza ə̀ tè nyì ke kûmə̀ èkosê esəyn ə Vəynze. È və tə shù tsɨsè pisə ghasènìse, ə nə̀ nə tɔynə̂ ə Sezuʼ se Ŋwaʼase, ə ghâsènì kyi ndam efeze kə ghɨ ghɛ ə piə pə̂yn ke ndô ghənə.

1 Kɔlìŋ 12:13

Kèpi famə endom, ghâsènì əkɨ̂m, kɨ̀sə əghɨ ə Njûsə̀, kɨ̀sə əghɨ ghɛ ə va əghɨ Njûsghè, kɨ̀sə ekɔ̂s, kɨ̀sə ghɛ ə va ekɔ̂s, Zuʼ sɨ̂nə̀ semɔ̀ʼ ə tə fo ghâsènì môm kə ghâsènì ə nyi èwiyn emɔ̀ʼ, Zhə̀fè ə ndə̀mə̀ Sèzuʼ nə sɨ̂nə̀ semɔ̀ʼ ə ghâsènì əkɨ̂m ətəm.

Matyò 3:6

Ə pə̀ kə ghənə tsɛ̂ fɨ̀aʼtè tə ghənə̂tè, è və fo m̀mo sê ghənə ə tsô Njondàyn.

Ətefɨ̂aʼ 19:4

Pɔ̂l ə pìə nə, “Fo ə Njɔyn zə mmòze tè nyì sê ghɨ ghɛ ə ghe tè kwiyne ə ghənə ə sepi, è və tsà se ghɨə Isìlâyghè nə ghənə pomə sê vɛ ə è pə̀ ə vəyn pàm, mə za nyi Njisə̀s.”

Tom èchùŋ kè kə Lûk tè nyaʼ 1:17

È tə pə̂ ə Pɛ̂pɛ əshi è tyaʼa Fezhə̀kè kèpi eghɨ kə Èlanjà, se nə̀yn nə pɨ̀a ə ghɔyn ghe pɨaʼte tsɨsə̂e è ghɔ ghənə, se fɨnə nə̀yn nə ghɨ ghɛ ə ghe tɛ è tuve kɛse pɔyne ə tɔfə kə ghɨə chichiə. È tə nə̂ əghɛ nə ghɨ̂nə̀ ə e tsamte ke əghɨə Pɛ̂pɛ ghɛ ə pɨaʼtə̂ se fe vəyn.”

Njɔyn 1:30

Ə̀ nyi vəyn vɛ m tè wàmnə̀ sê ghàyn kûmə̀ vəyn kə m tè pi nə, ‘Wùə nyiə pə̂ ə mì epàm, pîza È nyiə tsɨə tsɛ̂ mi, kûmə̀ nə è tè kàyne nyi ndò tsɔ̀fə kə piə mi.’

Ŋwàʼlè ə̀ Mâk 1:4

Njɔyn tè fɨ endaʼ ashishize fo m̀mo sê ghɨ ndàʼà tom ə̀ Fèzhə̀ pîə nə “ghàyn kwiyne təm ghaynghe ə fi môm kə Zhə̀fè lɛse fo sèpi saynse.

Ɛfesùs 3:8

M nyi ke nâʼà wùə vɛ ə è tətə kwûŋsə̀ əfètə̂ əghɨə Fezhə̀, pîza mə fə tɔ̀ʼnə̀ è mi nyi ə nə̀ nə mə wâmnə̀ sê ghɨ ghɛ ə̀ vachi ə̀ghɨ ə Njûsghè, ndâʼà èghaʼ ekayntə zɛ ə ghɨ ghɛ ə ghe pomə sê Klâys kyi,

1 Pità 5:5

Kwuŋte, ghàyn tsose ngɨŋ saynse əchi sə zɨə se chəʼse. Ghàyn maʼ ngɨmnêzè kə sendzɨs sefɨaʼase sə̂ fɨ̂aʼà sê ngɨŋ saynse kûmə̀ ŋwàʼlè ə̀ Fèzhə̀ nyi mə è zə pì nə, “Zhə̀fè pânə̀ əghɨ ghɛ ə ghe ghaŋsə wiynve, pîza è fo àfùʼ sê ghɨ ghɛ ə ghe ngɨmnə ngɨŋsə ghənə̂sè.”

Njɔyn 1:15

Njɔyn ə tə wàmnè kûmə̀ vəyn. È tè chì fɨ̂ pə̂yn nə, “Ə̀ vɨ̂nə nyi vɛ ə m tè wàmnə kûmə̀ vəyn kə m tè pìə nə, ‹Wùə pə̀ ndò ə mi epàm, pîza tsɨ̂ə tsɛ̂ mi kûmə̀ nə È tè nyì chi ndò tsɔ̀fə kə ə piə mi.›”

Tom èchùŋ kè kə Lûk tè nyaʼ 3:3

Njɔyn ə fɨə ndùə ə Njondàyn kwiə ka kə endaʼ ətəynze ekɨ̂m, ndaʼà tom ə̀ Fèzhə̀ nə zɛ, piə nə ghɨ kwiyne təmə ə ghənə, ə fi môm kə Zhə̀fè lɛse fo sèpi sə ghənə̂sè.

Ətefɨ̂aʼ 8:36

Ghənə e sè kwîə ndûə ə ndùə zaʼâ elùʼ vîve, ə fe m̀mo, wùə nə vɛ ə pìə sê Filìp nə, “Fe kə mômə. Ò vayn kàʼa ò fo mi èmôm zôyn kûmə̀ ghè?”

Ətefɨ̂aʼ 8:38

Wùə ətəyn ə pìə nə tyəmse chaʼfe. Filìp yî wùə təyn ə tso pə̂ ə njiə ə tsô. Filìp ə fo m̀mo sê vəyn.