Matyò 26:41 - Ŋwàʼlè ə̀ Fèzhə̀ Mkâyn Mə̂ Fèm

⁴¹ Ghàyn e kyaʼà, tsə̂mə̀ kə mɔ̂mè pəyn sê ghàyn. M ke nə ə̀ nyi ə ghàyn ekwâʼtè, ghàyn kɔ̀ŋɔ̀ ndò se nə̀yn kə m pî, pîza njà èwìyn e pɔylə̂.”

Matyò 26:41 Referans Kwoze

Tom èchùŋ kè kə Lûk tè nyaʼ 22:46

È və piə se ghənə nə, “Piə e za nyi nə ghàyn pɨənə kə ndò ə? Ghàyn ndwi ə gha tsə̂mə̀ kə̂ mômzè pəyn se ghàyn.”

Ŋwàʼlè ə̀ Mâk 14:38

Ghàyn e kyaʼà, tsə̂mə̀, kə ndɔ̀ʼɔ ghàyn pfɨ əfètə̂yn emɔ̀m. Təmə nyîə kɔ̂ŋə̀ se nə̀yn, pîza njà sə ewìynse e pɔylə̂.”

Ɛfesùs 6:18

Ghàyn piə nə̂ ə̀ghɛ nə ghɨynə̀, ghàyn e tsə̂mə̀ sê Zhə̀fè kè shîŋə̀ tekɨ̂m, pfɨfə nâʼàpî ghè ke eghɨ kə Zuʼsə vəynse chisə ghàyn. Ghàyn piə tsə̂mə̀ ndò ghàyn e tsə̂mə̀ sê ghɨə Fezhə̀ nâʼà ə̀kɨ̂m. Ghàyn e tɔ̂ʼnə̀, kə wùə tə lɛ̂sè ètsə̂m.

Matyò 6:13

Kə ò zâ nə ghàs pfɨə nji emɔ̀m pîza kɨ̀ŋte ghàs sê satàyn.

Tom èchùŋ kè kə Lûk tè nyaʼ 21:36

Ghà tsɨs shîŋə̀ tèkɨ̂m, pfɨ̂tə̀ kə ndo, tsə̂mə̀ nə Zhə̀fè fo tyaʼa ə ghàyn tə tɔynê əfètə̂ əghɛ nə ghɨyn ə ke tə kyànə̀. Ghàyn tə tɔynə̂ mɨ̂sə̀, ə ke se tyəm elùʼ ə saʼə Va Wùə əshi.”

Etyə̂yn ə paynsêzè 16:15

Pɛ̂pɛ pi nə, “Ghàyn zɨte! M nə̀ pə̂ kə wùə èchɔŋɔ. Saŋnêzè nyì sê wùə vɛ ə è tsɨs, pfɨ̂tə̀ è ndzɨse ə vəyn ewìyn, kə è tə tàʼa fɨ è sas ezomze ə ghɨghə shi, kə è və ghomə̂.”

1 Kɔlìŋ 16:13

Ghàyn e pfɨ̂tə̀. Ghàyn fɛte kyî èpomə̂ zaynze. Kə ghàyn ə fânə̀, ghàyn e tɛ.

1 Pità 5:8

Ghàyn e tsɨs pfɨ̂tə̀, nyi etsɨ̂ŋnèzè, kûmə̀ nə pàyn zâynzè, mə za nyi ndə̂plè nyiə tàyntə̀ ka kə kə pìkəm, pɨa, kyiŋə wùə se zɨ̀.

1 Kɔlìŋ 10:13

Nâʼàpi èmɔ̂m èkè zɛ ə ghàyn nyi mə fe, nyi ekyì zɛ ə ze pə̂ sê nâʼà pî wùə m̀sɔ̀ŋ èkè. Pîza Zhə̀fè nə̀ èghɛ zɛ ə fe tsɨ̂nè, mə è vayn kaʼa ə è za nə ò tsɛ tɔynê emɔ̀m mə ze kaʼa ə ze nəyn ə ò pfɨ ə pi; ə shîŋə̀ kɛ ə mɔ̂mè pə̀yn se ghò, ə è fo ghô tyaʼa nə ò kol təmghe ə ò tsɛ tɔynê ətəyn.

2 Pità 2:9

Zɨnə mə tyə̂nə̀ nə Pɛ̂pɛ nyîə ke èndom vɛ ə è kàʼa è sɔse ghɨ vəynghe əfètə̂ tèmɔ̀m tə ghənə̂tè, è ndom vɛ ə è kàʼa ə è kyi ndəm ə̀ghɨ ə pighe se zaʼâ etuʼ ə saʼve kə pɔynse ghənə,

Matyò 24:42

Ghàyn epfɨ̂tə̀, kûmə̀ nə ghàyn ke va tuʼ vɛ ə Pɛ̂pɛ vâyn tə pə̀ ətəyn.

Etyə̂yn ə paynsêzè 3:10

Kûmə̀ nə o zɨ lâŋ kɨmke mə ke nyi nə ò kol təmə ə fètə̂ ètsòs, M tə sɔzâ kəpi ghò ashìŋə̀ kɛ kə tsôsè pə̀yn ə mbi ekɨ̂m se mɔ̀m əghɨ ghɛ ə ghe ndamə ə chi.

1 Pità 4:7

Ghɛghe əkɨ̂m fa mbi zo paʼsə̀ pə̀ se mì, zamə ghàyn e fɛtə̂ kyîə sèngɨŋ saynse, nyi èpfɨ̂tə̀zè kə ghàyn kàʼa tsə̂mə̀.

Tom èchùŋ kè kə Lûk tè nyaʼ 22:40

Ghənə kɔʼɔ zaʼâ fumə, è və piə sê ghənə nə, “Ghàyn tsəm kə̂ ghàyn nji emɔ̀m.”

Ngàleshyà 5:24

Ghɨ ghɛ ə̀ nyi əghɨ ə Klâys Njisə̀sə̀ nyi mə ghənə zhwi njà èwìyn è ghɛ ghɛ ə njà èwìyn kyiŋə nâʼà ètyaʼke.

1 Kɔlìŋ 9:27

Ngaŋ, M fo ngəʼ sê wiyn vɨmve kə̂ ve ə nyi àkɔs se mi, ə̀ va zâ ə m ndaʼa tom èchùŋ sê ghɨə mɔ̀ʼɔghe, ə tə nəyn ə nyi a kwùŋse, ə Zhə̀fè pi nə m kwəynə̂ va se səynê ènyɨŋ ətəynze.

Matyò 25:13

Njisə̀s ə kwùŋsə̀ ngàyn nə zɨnə nə, “Ghàyn e pfɨ̂tə̀, kûmə̀ nə ghàyn keva tuʼfe è kɨsè shîŋə̀ kɛ ə Vâ wùə tə kɛsə pə̂ ətəyn.”

Matyò 26:38

È və pìə sê ghənə nə, “Ngəʼ nyîə nyi ə mì ətəm mə è kàʼa e zhwi mi, ghayn faŋ fâyn ə kyaʼ pɨ̂əyn ghâsènì.”

Ŋwàʼlè ə̀ Pɔ̂l sê ghɨə Lûmghè 8:3

Ghɛ zɛ lâŋkè tè vayn kàʼa ə ke nəyn, kûmə̀ nə wiyn ə wûə m̀sɔ̀ŋve tè kiva tyaʼke se njiə tsɨ̀sè ə pi. Nyiəmə Zhə̀fè ə tə nə̀yn ghɛze mə lâŋkè tè vayn kàʼa ə ke nəyn. È və tə tom Vâ vəyn ewìyn ə wûə m̀sɔ̀ŋ vɛ ə ve nə̂ pi nə È mɨse tyaʼa ghɛ pike. Kə Zhə̀fè tè nəyn nyiəmə, È və mɨ̀sə̀ àtyaʼ əghɛ ə pighe ə wùə m̀sɔ̀ŋ ewìyn.

Tom èchùŋ kè kə Lûk tè nyaʼ 11:4

Lɛ̀se fo ghɛ ghàs ghepiə pɔ̀msə ghàs lɛ̀sə fo nâʼàpî ndè vɛ ə è nə̀yn pi sê ghàs. Kə ò nə̂ za nə mɔ̂mè pəyn sê ghàs.”

Tom èchùŋ kè kə Lûk tè nyaʼ 8:13

Zɛ ə è tàyntè enwɔyn nyi kə ghɨ ghɛ ə zɨ ghɛ ətəyn, ə zàŋsə̀ pomə kə ndò èsaŋnêzè, pîza e pâʼà tɔ̀ʼ nji ə ghənə ətəm. Ghənə ə pomə̂ kə sə fendiŋə̀ fə ashìŋə̀fè nyi, mɔ̂mzè ə pə̀, ghənə pfɨ̀ə kə ndò.