Matyò 26:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Se zhə̀tè fumə ashìŋə̀ se ndù əshi, Njondàs e kyiŋə àzhəm echûŋkè se fo tsɛ̀sè ə Njisə̀s sê ghənə.

Matyò 26:16 Referans Kwoze

Ŋwàʼlè ə̀ Mâk 14:11

Ghənə tè nyi èsaŋnə̂zè se zɨ eghɛ zɛ ə Njondàs tè pi ə tsɨ̀nə̀ se fo vəyn èkɛve. Njondàs ə ke zhə̀tè sə̂ kyiŋə tèndom se pəʼlê ə Njisə̀s sê ghənə.

Tom èchùŋ kè kə Lûk tè nyaʼ 22:6

È və pomə, ə̀ zhə̀tə sè kyiŋə endom se pəʼlè vəyn sê ghənə ashìŋə̀ kə ghɨə ndò ə və ngùŋ.

Matyò 26:15

ə pfɨfə sê ghənə nə, “Ghàyn nə̀ fo ghè sê mi ezhoghɛ m fo Njisə̀s ə ghàyn ə gho?” Ghənə taŋtə̂ fo èkɛ ə silvàvè sê vəyn, m̀ghɨm ta.

Matyò 26:17

Ə fetuʼ fə shife mtuʼ mɛ ə tè zhiə payn ə kwaŋ kɛ ə tè nyi mə ə paʼà ndə̀m fèsə̀ʼ ətəyn, chùmtè èpàm sə Njisə̀sè ə pə̀ se Vəyn ə pfɨfə nə, “Ò kyiŋə nə ghàs ndu fɛte ghayn fɨazhiə ezaʼa tsɛve sê ghò ə?”

Ətefɨ̂aʼ 24:25

Kə Pɔ̂l tè wàmnə̀ kûmə̀ èndam ə chichize, è ndom vɛ ə wùə kàʼa è və chisə̂ ngɨŋə̂ vəyn ətəyn, è saʼ zɛ ə ze nyi se tə pə̀yn, fâynzè ə ko Felès, è və pìə nə, “Zə kwəyn za! Ò kàʼa ò ndo zôyn. M nə̀ tɔŋɔ̂ kwəynsə̂ ghò ashìŋə̀ kɛ m kyi zhəmke.

1 Kɔlìŋ 16:12

Sê ànyìə ghâsènì Àpolòs, mə chatê vəyn nâʼà sə ŋaŋ kə teshìŋə̀ teshìŋə̀ nə, yî ghɔnyiə mɔʼɔ pəyn môtè ghàyn pîza è nyîəmə̀ kɔ̂ŋɔ̀ va se pə̀yn zôyn. Pi zɨ̂yn ə è tə kyiə zhəmke, ə è pəyn.