Matyò 26:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Ghàyn nə kyi tsɛ ke ndò ghɨ afɨf ghə ghàyn əfètəyn, pîza m va se faŋ ghâsènì sə teshɨ̀ŋə̀ tèkɨ̂m.

Matyò 26:11 Referans Kwoze

Ŋwàʼlè ə̀ Mâk 14:7

Ghàyn nə ndam kyi ke ndò ghɨə afɨfə ə ghàyn əfètəyn, mə ghàyn kɔ̀ŋ nâʼà pî ashìŋə̀ àkè, ə ghàyn tsamte ghənə. Pîza, m mə va ə ghànə fètəyn shîŋə̀ tekɨ̂m.

Njɔyn 12:8

Ghàyn nə ndam kyi ke ndò ghɨ afɨfə ə ghàyn əfètəyn, pîza m nə zâŋsè va ghâsènì.”

Njɔyn 16:28

M tè ndò sê Pɨ̀a Vɨ̂m ə pə̀ ə mbi, zôyn M zâ mbi kɛsə̂ ndûə se Pɨ̀a Vɨm.”

Njɔyn 16:5

Pîza zôyn, M kɛsə ndûə se vɛ ə è tom Mi, pîza wùə se ghàyn e pfɨfə va sê Mi nə, ‘Ò ndûə ghayn zə?’

Njɔyn 14:19

Ə môtə̀ kə nyi, ə mbi ə fɨnə fe va Mi, pîza ə ghànə fe Mi. Kûmə̀ kə m tə ndamə, ghàyn tə pɔŋɔ ndamə ndò.

Njɔyn 13:33

Ghɔnyì ghɨmə, M fɨyn va sə̂ nyi ghâsènì sə aghaf. Ghàyn nə̀ kyiŋə mi mɔŋ, pîza M tsâ sê ghàyn zôyn, kè eghɨ kə m se nyi mə mə tsàyn sê ghɨ atyaʼa Njûsə̀, ə̀ nyì kepî za kə M tsâ sê ghàyn nə ghàyn vayn kaʼa ndu elùʼ vɛ ə M ndûə ətəyn

Ətefɨ̂aʼ 3:21

È kyi ke se faŋ ekwùtwəyn se zaʼâ kə shîŋə̀kè kwəyn, ə nâʼà pi ghè pəyn sə fe, mə za nyi ashìŋə̀ kɛ ə Zhə̀fè tè wàmne etuʼ əshi tɔynə̂ ə fɨ̀aʼtè sə Vəynse echo.

Njɔyn 17:11

M nə̀ fɨnə faŋə va ə mbi pîza ghənə pa nyi ə mbi, M pə se ghò zôyn. Pɨ̀a vɨ̂mve èŋwaʼa tɔ̀ʼne è ghənə è tyaʼ Kɛke zəke, ezə zɛ ə ò tè fo sê Mi, kə ghənə nyi sə eghɛ èmɔ̀ʼ kè kə ghâsè ghò nyì sə eghɛ èmɔ̀ʼ.

Matyò 28:20

Ghàyn zaʼle kepî ghənə nə ghənə chûmtə̀ nâʼà ə̀ghɛ ə̀kɨ̂m ghɛ m pî nə ghâyn ə nə̂. Ghàyn e ke nə m nə nyi ghasè nyì shîŋə̀ tekɨ̂m, se zaʼâ kə mbi tə mi.”

Matyò 18:20

Kûmə̀ nə ə ghɨ tsɨsə nâʼàpî ghayn se zaʼâ ə̀ pɛ̀ kɨ̀sə əta ə Mì ezə, M mə nyi ə ghənə fètəyn.”

1 Njɔyn 3:17

Ə wùə nyi wùə eghaʼâ, ə fe ànyìə vəyn è làʼà, kyi va təmə chûŋə̀ se tsàmtə vəyn, è kàʼa è pi zayn nə è nyi ə̀ kɔŋə̀ Fèzhə̀ ə?

Ngàleshyà 2:10

Ghɛ zɛ ə ghənə tè pi nə ghàs ə nə̂ tè nyi nə ghàs ə kwaʼtə̀ ə̀ghɨ afɨfə ə ghàs ə fètəyn, ə̀ nyi èghɛ zɛ ə m kɔ̂ŋɔ̀ nâʼà sə ŋaŋ sə̂ nə̂.

Matyò 26:10

Njisə̀s ə kê èghɛ zɛ ə ghənə kwâʼtə̀ ə pìə sê ghənə nə, “Ghàyn fo ngəʼ ə ghè sê wùzhɔyn vɨ̂yn ə? Ə̀ nyi eghɛ echûŋzè kə è nə̀yn sê Mi.