Matyò 24:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Ndaʼte tə nə̂ ə tə nô tîte, fɔ̂yntè e nô tîte, chɨ̀ŋ tə pə̂ ə è zə nyi, ə chike ə nəʼə̀ kə àkɨ̂m.

Matyò 24:7 Referans Kwoze

Tom èchùŋ kè kə Lûk tè nyaʼ 21:11

Chi ə nəʼə kwəmnəke tə nə̂ ə ke ə nyi, ə chɨ̀ŋ fɨyn ko ke ətelùʼ ətelùʼ. Zafte tə tyaŋate tə fɨə, chwiəse kwəmnəse e fɨə ekwùtwəyn, fâynsə̀ ghɨ.

Etyə̂yn ə paynsêzè 6:8

Mə naynə̂, ə fe àkenyàm ke lɛ̂ fɨfə ndò. Zə ə wùə vɛ ə è tè nyiŋə etûə ə̀təyn tè nyi nə Kwuze, mə ndaʼ ə ghɨ ekwuəze tè nyì kwuʼsê ke ə vəyn epàm. Ə chyàtə̀ mbi pɨ̂asvè ekwàʼ ə fo àtyaʼ sê ghənə nə ghənə zhwi pâskè amɔ̀ʼ, è fɛ eghɔ̀ŋze, è chɨ̀ŋ, è zafte, è kɨsè nyamsə mbvɨynse.

Ətefɨ̂aʼ 11:28

Zhizè e nyi ə ghənə əfètəyn, zə vəynze e nyi Àngapùs. È və ndwìə tyəmə̂, tyaʼa Sezuʼ e Ŋwaʼake ə nə̀ nə è tsayn nə, “Chɨ̀ŋ e kayntə tə ko mbi èkɨ̂m.” Zɨnə mə tè kyayn ə shɨŋ zɛ ə Klondiyùs tè nyi fɔ̀yn èghaʼâ.

Etyə̂yn ə paynsêzè 6:12

Mə naynə̂ ə fe kə Va Ndzè vɛ zhòm lɛ ə mɔ̀ʼɔke nə və ndu etufə, kè sə ashìŋə̀, chike ə nə̂ʼə̀ nâʼà sə ŋaŋ, mə ə fɨnə fe kə cho ezhwize kɛse sè fɨ̂mə̀ kə kə sendzɨs se kwuse, njɔŋ ə kɛsə sè pâŋə̀ kə mndəm,

Ipilù 12:27

Se pì nə è nə̀ fɨnə “Nə̀ʼsə̀ kwəynsə̂” mbi tyə̂nə̀ ə ndayn nə nâʼàpî akè kɛ ə fɛte, ə nə̀ nə̂ʼsə̀ ə chɔʼ, ə fɨa vɛ ə vayn kaʼa nəʼse faŋ.

Ətefɨ̂aʼ 2:19

M tə nə̂, ə̀ghɛ ə kayntəghe ekwùtwəyn, ə M tyəyn chwìəse ə chi. Ndə̂mə̀m tə sɨsə̀, ə wusve pɛ, ə ndəʼke fɨ.

Etyə̂yn ə paynsêzè 6:5

Ə̀ tè nyi kə è fɨyn zhôm lɛ ə mɔ̀ʼɔke nə ve ndu etwɔ, mə zɨə kə fɨa endamə əmɔ̀ʼɔke nə ve ndu etwɔ pî nə, “Pə fe kə!” Mə fe àkenyàm ə fɨməke ə mì əshi, mə wùə vɛ ə è nyiŋə etûə ə̀təyn kyi fɨ̂aʼ ètɨ̀l ə və gho.

Etyə̂yn ə paynsêzè 6:6

Mə zɨə èghɛ, ze kô kəpiə ə̀ nyi kyə̀ ə̀ wùə əfètə̂ èfɨa endamə vɛ è kwàʼ, è zə pìə nə, “Kɛ efɨaʼa əfetuʼve nə kwəynə kə se zhɔyn ə ngɔ̀ʼ ə̀ wît èmɔ̀ʼ kɨ̀sə se zhɔnə sengɔ̀ʼ sə palì seta. Pîza kə ò pofse kàʼ mə olìfmè, è kɨsè fûʼ ə mkàʼ mə̂ mlɨ̀kè!”