Matyò 24:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Fɨ̀aʼtè sə akaŋse tə fɨə ə sə tsɨ̂ə kə nyi ə se kyiŋse ghɨ etsɨghe nə ghe chumte ghənə.

Matyò 24:11 Referans Kwoze

Matyò 24:24

Kûmə̀ nə ghɨə etsɨə tə fɨə pə̂ ə tsâ nə ə nyi vɛ ə chɔʼ ndə̂m è fɨ̀aʼtè sə akaŋse ə sə tyə̂nə̀ sèchwìə sekwə̂mnəse, mɔ̂mə̀ əghɛ kayntə kè se mɔ̀msè se fe nə ghənə nyiə kaʼa ə kyiŋse nâʼàpi ə̀ghɨ ghɛ Zhə̀fè se nyi mə fe ə chɔʼ se sɔzà.

Matyò 7:15

Ghàyn e tɔ̂ʼnə̀ kûmə̀ sèfɨ̀aʼtè sə akaŋse. Ghənə chwîtə̀ kə piə ghənə nyi è ngɨmnêzè kə se ndzè pîza mə ə ghənə ətəm, ghənə pofə kə se nyam sə epɨase.

Matyò 24:5

Ghɨ tə pə̂ se tsɨ̀ ə ghənə ə pîə nə, ‘Ə̀ nyi ghənə è vɛ ə chɔʼ ndə̂m.’ Ə ghənə kyiŋse tsɨ̀tsɨ̂ endom nə vɨ̂yn.

1 Timotì 4:1

Zuʼse Ŋwaʼase tyə̂nə̀ paynsə̂ nə, ə̀ tə nə̂ ə nyi ə mtuʼ me kwùŋsə̂m, ə ghɨ mɔ̀ʼɔ kwiynse ə tàʼa fɨnə pomə̂ ezaʼlê zɛ ə ze nyi səmɔʼ kûmə̀ Klâys Njisə̀s, ghənə tə pɨlə zɨə se zuʼsə akaŋse, ə ghənə ə nə̂ ə̀ghɛ ghɛ ə pamə̂ tə satàyntè fo.

Ŋwàʼlè ə̀ Mâk 13:22

Ghɛ ə kaŋkaŋə pîə nə ə nyi vɛ Zhə̀fè chɔʼ ndə̀m, è ghɛ ə kaŋkaŋə pîə nə ə nyi sèfɨ̀aʼtè, tə fɨə mtuʼ nə mɛ. Ghənə tə nə̀ ə tyəynə̀ sèchwìə, fɨnə nə̂ əghɛ ə kayntəghe. Ghənə tə nə̂ nyiə se kyìŋsə nâʼàpî ə̀ghɨ Fèzhə̀ ghɛ ə Zhə̀fè chɔʼ, ə ghənə kyi ndom ətəyn.

Etyə̂yn ə paynsêzè 19:20

Ə kyîə nyàm e kwə̀mnə zɛ̂, ə fɨnə kyîə kəpi fɨ̀aʼtè àkaŋ zɛ ə è tè tyə̀nə chwìə se və shi. Ə̀ nyi sechwìə nə sɨ̂nə̀ mə ə è tè njì se lesê əghɨ ghɛ ə tè kyi chwìə ə̀ nyàm èpamə zɛ è kɨsè ghɛ ə ghe tè ngɨmnə fɨaʼsè ə nyâm èpamə ətəynke. Ə màʼa nyàm èpamə ə̀təyn è fɨ̀aʼtè àkaŋ əfètəyn èlùʼ wusve fuə ətəyn è fɨa kyîke mə ke lɛ̂ pâŋə̀ ndò e tɔŋtə̂ nə sɔlfɔ̀.

2 Pità 2:1

Tyə̀ynsè sə akaŋse ə tə fɨ ə ghɨghe ə fètəyn kèpî kə se tə pə̂ ə sə nyi ə ghàyn ə fètəyn. Ghənə tə nyaʼtə̂ pə̂ è zaʼlêzè mə ze va səmɔʼ se pofsə teluʼ, ə ghənə tə pî pɛ̀ àpɨəyn vɛ ə tè sɔ̀zâ ghənə, ə zɨnə mə pfɨ̀ŋə̀ pəyn è pofsêzè ə ghənə ə tu.

Njût 1:4

Kûmə̀ nə ghɨ yîghe mə ghe ke va Zhə̀fè ə nyaʼtê nji ə ghâsènì ə fètəyn, ə̀ nyi ə̀ghɨ mə ghə fəʼtê tomə̀ àfùʼ ə Fezhə̀kè pîə nə fùʼ ətəynke nyîə pomə̂ nə ghɨghe ə ndamə tèndam tenyələte, Ŋwàʼlè ə̀ Fèzhə̀ se nyi mə è zə tə wàmnè nâʼà sə mɨ kûmə̀ ə̀ kyì ə ghɨ nə ghɨ̂nə̀ ə tsà nə Zhə̀fè tə saʼa pofsə̂ ghənə kûmə̀ nə ghənə ə tə pɛ̀ apɨəyn emɔ̀ʼ vɛ ə ghâsènì kyi ə̀ nyi Pɛ̂pɛ Njisə̀s Klâys.

1 Njɔyn 4:1

Ghɔ nyì ghɨm ghe kɔ̂ŋə̀, kə ghàyn ə pomə se nâʼàpî ndè vɛ ə è pìə nə zhi nyîə kyi sè Zuʼ, pîza ghàyn mom ghənə se fe nə zuʼ sɛ ə ghənə kyi ndo pə̂yn tê se Zhə̀fè ə. Kûmə̀ nə fɨ̀aʼtè sə akaŋse tsɨəse nyi ndô ə mbi.

1 Njɔyn 2:18

Ghɔyn ghɨm ghe kɔ̀ŋə̀, ə̀ zo nyi ə mtuʼ mə èkwùŋsə̂m. Ghàyn ə zɨ nə pàyn sə Klaysè tə pə̂, ghənə setsɨ̀ nyì zôyn mə ə pə̀yn. Zɨnə mə tyə̂nə̀ sê ghâsènì nə tuʼ me kwùŋsə̂ mə pə̀yn.

1 Njɔyn 2:26

M nyâʼà ə̀ghɛ ghɨ̀nə se ghàyn kûmə̀ ə̀ghɨ ghɛ ə ghe mɔ̂msə̀ se lesə̂ ghàyn.

Ətefɨ̂aʼ 20:30

Shɨ̂ŋə̀ kè tə pə̂, ə ghɨ yîghe ə ghàyn anɔ̀yn tə wamə àkaŋ se nə̀yn nə ghɨə poməghe chumte ghənə.

Matyò 24:12

Ghɛ ə piə tə nə̂ ə nyi mə ghə waŋ ke luʼ tekɨ̂m ə kɔ̂ŋ ə tsɨ̀tsɨ̂ze sê ghəmɔ̀ʼɔ kɛse sayn.