Matyò 24:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Ghɨ tsɨə tə pfɨ̂ə ə ghənə epomə̂ fumə ashìŋə̀, ghɨə tə pəʼlə̂ ə̀ghɔ nyìə ə kɛsə̂ pânə̀ sèngɨŋ.

Matyò 24:10 Referans Kwoze

Tom èchùŋ kè kə Lûk tè nyaʼ 21:16

Nâʼà pɨ̀a ghanə è nyi ghanə è ghɔnyì ghanə è ghɨə endaʼ ghanə è soyn saynse tə fo ghàyn, nə ə nə̀yn ghɛ nə ghɨ̂nə̀ sê ghàyn, ə zhwite ghàyn ghəmɔ̀ʼɔ.

Ŋwàʼlè ə̀ Mâk 13:12

Ghɨə tə njîə fo ə̀ ghɔnyìə ghənə̂ghè nə zhwi, ə pɨ̀a ə ghɔnə nji fo ə̀ghɔyn nə ə zhwi. Ghɔynə tə kə̀mnə̀ ə nô ghə̀ pɨ̀a yî ghə̀ nyì, ə fo nə zhwi.

Matyò 11:6

E nyi tayn zàyn saŋnêzè sê wùə vɛ è mɛnə va Mìə!”

Ŋwàʼlè ə̀ Mâk 4:17

Ghənə zɨə, pîza è zə tàʼa kyî ə teghaŋ ə ghənə ətəm, ghənə ə pomə̂ kə sə fendîŋə̀ fə ashìŋə̀fè. Ə ngəʼ pə̂yn kɨ̀sə etsôs, ghənə ə zàŋsə̀ tə zâ.

2 Timotì 4:16

Ə̀ tè nyi kə m tyəm elùʼ ə saʼ se wàmnè se tyə̀yn nə m paʼà nə̀yn pofsê, ghɨghe əkɨ̂m ə tə zâ mi. Tsə̂m zɨmze nyi nə Zhə̀fè wəyn mâʼà èghɛ nə zɨnə ə ghənə tè nəyn nyi.

Matyò 13:21

Pîza tom nə zɛ ə pâʼà lotə njiə tyə̂m ə ghənə ətəm. Ghənə ə pomə̂ zə̂ynzè kè sə fendiŋə̀ fe tətə̂fè pîza Shɨ̂ŋə̀ kɛ ə tsôsvè kɨ̀sə etsə̂fsè pə̀yn kûmə̀ tom ə̀təyn, ghənə ə kɛsə̂ ndûə epàm.

Matyò 10:21

Ghɨə tə njiə fo ə̀ ghɔnyìə ghənə̂ghè nə zhwi, ə pɨ̀a ə ghɔnə nji fo ə̀ghɔyn nə ə zhwi. Ghɔynə tə kə̀mnə̀ ə nô ghə̀ pɨ̀a yî ghə̀ nyì, ə fo nə zhwi.

2 Timotì 4:10

Kûmə̀ nə Ndemàs nyîə kɔ̂ŋə̀ èfɨa ə mbi ə̀ zôynvè, ə tə za mi, ə ndùə ə Tèsàlonikà. Kɨ̀lisèns ə ndù ə Ngàleshyà, Taytùs ve ndù ə Ndàlàmatyà.

2 Timotì 1:15

Ò ke ndô nə nâʼà ghɨ ə pomə ghɛ ə ghe nyi apàs endaʼ ə Esiyàkè pâʼsə kə è Fìnjelùs è Èmònjenàs əkɨ̂m ə tə za mi.

Matyò 13:57

Ghənə ə ke zhə̀tè se pàyn ə Njisə̀s. Njisə̀s ə pìə sê ghənə nə, “Ə ndamə ngɨmnə̂ fɨ̀aʼtè ə̀ Fèzhə̀ naʼàpî ghayn ə̀ tsɛ̂ kə va ə vəyn ə tɔ̂ŋ è sas ə ndɛ ə ghənə̂zè.”

Matyò 24:11

Fɨ̀aʼtè sə akaŋse tə fɨə ə sə tsɨ̂ə kə nyi ə se kyiŋse ghɨ etsɨghe nə ghe chumte ghənə.