Matyò 23:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Ghənə kolə èpɨ̀aʼa etɨləve ə ghɨghə tsɨm ve tɛ se pɨ̀aʼà. Pîza vayn kàʼa tɔʼte ghənə nə pɨaʼa kɛ̀ ətəynke.

Matyò 23:4 Referans Kwoze

Tom èchùŋ kè kə Lûk tè nyaʼ 11:46

Njisə̀s ə piə sê ghənə nə, “Ngəʼ èghaʼâ nyi kepî sê ghàyn, ə tyə̀ynsè sə alàŋsè, kûmə̀ nə ghàyn tɔ̀ʼɔ̀ nə ghɨghe ə nə̂ əghɛ, ghe tɛ ghaʼa ghənə, nyi kə apɨàʼa, ke tɨ̂lə̀ kə nyi, kɔ̂ŋɔ̀ va se tsàmtè nâʼà səkɔs.

Ətefɨ̂aʼ 15:10

Kûmə̀ ghè ə ghàyn mɔ̀msə̀ zôyn se ndə̀m ə Fezhə̀ emɔ̀m endom nə ghàyn nə̀ nə ghɨ ghɛ ə ghe pomə se Njisə̀s pɨaʼa kyə̀ynkè, ke tsɨ̀ə kə nyî mə pɨ̀a ə ghasènìghe ghəshiə, nâʼà pî è ghâsènì ə tə fɨm se pɨàʼà kûmə̀ ghè?

Ngàleshyà 6:13

Nâʼàpî ə̀ghɨ ghɛ ə ghe se nam ə ghənə̂ghè ndə̀mə̀ pîə va lâŋkè pîza, kyiŋə kə nə ə se nam ghaynghe kə ghənə nə kwiə pfɨ̀ynə̀ fètwɔ̀ʼ, nə ghàyn ə pomə nə ə se nam ghaynghe.

Matyò 23:23

Ngəʼ èghaʼâ nyì sê ghàyn ə tyə̀ynsè sə alàŋsè è ghɨə Falàsîə! Ghàyn ghɨnə ə ghàyn kaŋkaŋa nə̂ ghɛ nyî. Ghàyn njiə m̀fɨatə̀ mê lɨ̀mtə̂ mɛ ə ndə̂mə̀ əfètəyn èfɨazhiəve, ghàyn ə fo àmɔ̀ʼ sê Zhə̀fè ə fètə̂ èfɨa èghɨm. Pîza ndə̂mə̀ va tuke se nə̀yn eghɛ zɛ lâŋkè tsà. Pîza ə zàmaʼà ə̀ghɛ əchûŋ ghɛ ə lâŋkè zaʼlə mə nyi nə wùə kyi sə̂ nyi chichi sê ghɨ mɔ̀ʼɔ, kosə̂ esəyn, nyi se pomə̂ se Zhə̀fè. Ghàyn kyi sə̂ nə̂ ə̀ghɛ nə ghɨnə̀ ə̀kɨ̂m zâ fɨsə̂ va zhîze.

Etyə̂yn ə paynsêzè 2:24

Pîza, ghàyn ghɛ ə ghàyn faŋ ə Tyàtilà ə kwiynsê nə ghàyn chùmtə̀ va zaʼlê ə vəyn ze pi nə zɛ, ə tàʼa zaʼlə əghɛ ə satàyn ghɛ ə tɔŋtə nə əghɛ ə ndətə elɔŋəghe. M tsâ se ghàyn nə m nə̀ fɨnə fo va pɨ̀aʼà ə mɔ̀ʼɔke sê ghàyn.

Ətefɨ̂aʼ 15:28

Zuʼ se ŋwaʼase ə nə̀yn nə ghàs pomə se tàʼa fo ngəʼ sê ghàyn è ghɛ ə mɔ̀ʼɔghe ə̀ tsɛ kə va ghɛ ghɛ ə ghe tsɔ̂fə̀.

Matyò 23:3

E za tyə̀nə̀ nə ghàyn kyi ke sə̂ nə nâʼàpî ghè vɛ ghənə pî nə ghàyn nəyn. Pîza, kə ghàyn tə seyne èndam əghənə̂zè kûmə̀ nə ghənə nə̂ va ghɛ ghɛ ə ghənə zaʼlə̂.

1 Njɔyn 5:3

Ə ghâsènì fɛtə kɔ̂ŋɔ̀ Zhə̀fè, ə ndə̀mə̀ elwɔ̂ŋ ə vəynve. E tɛ va se ndə̀m ə elwɔ̂ŋ ə vəynve,