Matyò 22:8 - Ŋwàʼlè ə̀ Fèzhə̀ Mkâyn Mə̂ Fèm

⁸ È və ke tɔŋə̂ əghɨ fɨaʼa vəynghe ə pìə sê ghənə nə, ‘Zhiə malə̂zè nyi mə pɨaʼte ndəm, pîza ghɨ ghɛ ə M ndâmnè kɔʼɔ kwəynə va se zhi zəynze.

Matyò 22:8 Referans Kwoze

Etyə̂yn ə paynsêzè 3:4

Pîza ghɨ mɔ̀ʼɔ pa nyi ndò fɛ ə Sandìs sə fefɨ̂atə̀ ndɔ̀ʼɔ ghənə nuʼ ngɨŋ sə ghənə̂sè è pi. Ghənə tə maʼà sendzɨs se fɨfə̂sè ə ghasè ghə̀ ghənə ə ndamə əmɔʼ kûmə̀ nə ghənə nyîə kwəynə̂ sə̂ nyi nyiəmə.

2 Tèsàlonikà 1:5

Kol ə təm zayn nə zɨ̂nə̀ nyiə tyə̂nə̀ ə ndayn nə Zhə̀fè nyîə saʼa ə̀ghɨ chichi, nyi se nə̀yn nə ghàyn ə kwəynə̂ sə̂ nyi elùʼ efɔ̂yn ə Fezhə̀ fɛ ə ghàyn fe tsôsvè kûmə̀ vəynve.

Ətefɨ̂aʼ 13:46

Pîza Pɔ̂l yî Pànapàs ə pɨlə wàmnə̀ ndùə kə èshike fanə̀ va ghɛ zhîze. Ghənə tè piə nə, “Ghàyn ghɨ Njûsə̀, e tè tsɔ̀fə nə ghàs tsayn chi èghɛ ə Fezhə̀zè sê ghàyn sə shi. Pîza kə ghàyn kwiynse zəynze, ə tàʼa njiə sengɨŋ saynse kə əghɨ ghɛ ə ghe nyi kwəynê se kyi endam zɛ ə ze tə mîə va, e za nyi nə, ghàs nə̀ zâ ghàyn ə ghàs ndu sê ghɨ ghɛ ə̀ vachi ə̀ghɨ ə Njûsghè.

Etyə̂yn ə paynsêzè 22:14

Saŋnêzè nyì sê ghɨ ghɛ ə ghe ndə̂mə̀ lwɔ̂ŋ ə vəynve, kə ghənə ə kyi èndom se zhi ə fekàʼ fə endaməfe, è kɨsè se tsɛ̀ echô mbàyn se njiə ndù ə tɔ̂ŋ èghaʼâ.

Tom èchùŋ kè kə Lûk tè nyaʼ 21:36

Ghà tsɨs shîŋə̀ tèkɨ̂m, pfɨ̂tə̀ kə ndo, tsə̂mə̀ nə Zhə̀fè fo tyaʼa ə ghàyn tə tɔynê əfètə̂ əghɛ nə ghɨyn ə ke tə kyànə̀. Ghàyn tə tɔynə̂ mɨ̂sə̀, ə ke se tyəm elùʼ ə saʼə Va Wùə əshi.”

Tom èchùŋ kè kə Lûk tè nyaʼ 20:35

pîza ghɛ ghe kwəynə se nə nə̀yn se ə̀ nyi etuʼ nə vɛ, ezhoghɛ ghɨ zômə̀ va sə nji ezəyn pi se pomə̂ ə̀ndômnè.

Matyò 9:15

Njisə̀s ə pə̀ynsə̀ ghənə è ngàyn nə, “Ghɨ ghɛ ghe pə̂yn elùʼ ezhiə nə malə̂vè kàʼa ghə chîə zàyn ndom ə̀ wùzhɔyn e pa nyi yî ghə̀ ghənə? Ze vayn kyàyn! Tuʼve tə pə̂, ə nji tsɨ̂sè ndom ə̀ wùzhɔyn ə̂ ghənə əfètəyn. Ə̀ tə nə̂ ə nyi fumə fetuʼ kə ghənə pam choe.”

Matyò 22:7

Fɔ̀yn ə zɨə eghɛ ətəyn, ə zafsə̂ èndwɔ̂ nâʼà sə ŋaŋ ə tomə sèsokə̀ʼ sə vəynse. Kə ghənə ndû tâyn pî zɨyn, ə zhwitə̂ ə̀ghɨ ghɛ ə tè zhwi ghɨ ə fɨaʼa ghɛ ə nyɔ̀ʼɔ̀ èndaʼa ə ghənə̂zè.

Matyò 22:9

Zôyn ghàyn fɨ ndu efàf ə tendom teghaʼlə̂tè ə ndamne nâʼàpî ndè vɛ ə ghàyn fe.’