Matyò 21:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Nɔ̂yn ə ghɨ̀ kɛ ə pə̀ynsə̀ kə nə, “Ə̀ nyi Njisə̀s ə fɨ̀aʼtè vɛ è ndò ə tə̀ʼ ə Nazalɛ̀t apàs endaʼ ə Ngalìlîkè.”

Matyò 21:11 Referans Kwoze

Njɔyn 6:14

Kə ghɨ ghɛ ə tè nyì fu tè fe ghɛ ekaynə zɛ ə Njisə̀s tè nəyn, ghɨ ətəynghe ə pìə nə, “Səmɔʼ ə̀ vɨ̀nə nyì ke nâʼà Fɨ̀aʼtè vɛ ə tè tsɨ̀ne nə è tə pə̀ ə mbi”

Njɔyn 7:40

Ghɨ yîghe əfètəyn ànɔ̀yn ə zɨə ə̀ghɛ ghɛ ə Njisə̀s pì ə pìə nə, “Wùə vɨ̂nə lote nyi ke nâʼà Fɨ̀aʼtè vɛ ə È nə̀ pə̂.”

Tom èchùŋ kè kə Lûk tè nyaʼ 7:16

Fâynzè ə ko nâʼà ghɨ əkɨ̂m fu. Ghənə e tsîtə̀ Fèzhə̀ piə nə, “Fɨ̀aʼtè èghaʼâ ə pə̀yn ə ghâsènì əfètəyn. Zhə̀fè ə pə̀yn se nayne ə ghɨ və!”

Ətefɨ̂aʼ 7:37

Mosîs nə vɨ̂yn tè nyi wùə vɛ ə è tè pì sê ghɨə Isìlâyghè nə, ‹Zhə̀fè tə tomə fɨ̀aʼtè sê ghàyn kə mi mə è ndò kepî sê ghɨ ghaynghe.›

Njɔyn 9:17

Ə môtə̀ kə nyi, ghənə ə kɛsə̂ pfɨfə sê wùə vɛ ə Njisə̀s fè tsuʼ za nə, “Ò pi nə È fe tsuʼ ghô ə gho efòf, nâʼà ghò ò kwâʼtə̀ nə ghe kûmə̀ və?” Wùə ə̀təyn ə pə̀ynsə̀ kə nə, “È nyi fɨ̀aʼtè.”

Matyò 2:23

È və ndùə sè ndamə ə tɔ̂ŋ zhîzè e tɔŋtə̂ nə Nazalɛ̀t. Ghɛ zɛ ə Zhə̀fè tè pi tɔynə̂ ə sèfɨ̀aʼtè nə: “Ə tə kê vəyn kə wùə ə Nazalɛ̀t ə pə̀ səmɔʼ.”

Njɔyn 4:19

Kə wùzhɔyn ə̀təyn zɨ zâ, ə pìə sê Njisə̀s nə, “Mə fe nə ò nyi Fɨ̀aʼtè.

Njɔyn 1:21

Ghənə ə fɨnə pfɨfə kwəynsə̂ sê vəyn nə, “Ò se nyi nâʼà ndè? Ə̀ nyì gho Èlanjà mə?” Njɔyn ə pə̀ynsə̀ sê ghənə nə, “Ngaŋ.” Ghənə ə fɨnə pfɨfə sê vəyn nə, “Ò nyi Fɨ̀aʼtè zɛ ə ghàs lɨmtə mə?” Njɔyn ə pìə nə, “Ngaŋ.”

Ŋwàʼlè ə̀ Mâk 6:15

Ghɨ nə ghɛ ə pìə za, yîghe pîə nə, ə nyi fɨ̀aʼtè Èlanjà kə è kɛse pə̀yn. Yîghe tè piə nə ə̀ nyi fɨ̀aʼtè zhîzè ə è tè nyi etuʼ əshi.

Tom èchùŋ kè kə Lûk tè nyaʼ 24:19

È və pfɨfə nə, “Ə nyi əghɛ ə kɛ?” Ghənə pə̀ynsə̀ nə, “Ə nyi ghɛ ə ghe kyàyn sê Njisə̀s və Nazalɛ̀t. E vâ nyi fɨ̀aʼtè, pìə əghɛ ə kayntə, nə̂ ghə mɔʼɔ. Zhə̀fè ə pomə̂ vəyn, ghɨghə pɔŋɔ pomə.

Njɔyn 1:25

Ghənə ə pfɨfə kwəynsə̂ sê Njɔyn nə, “Ə ò se va vɛ ə chɔʼ ndə̂m, va Èlanjà, va fɨ̀aʼtè, ò sè fo m̀mo mə ghè mə?”

Tom èchùŋ kè kə Lûk tè nyaʼ 13:33

Njisə̀s ə fɨnə piə sê ghɨə nə, “Naʼapi kə ze nyi nyi, m kyi sə̂ ndùə kə ekwî zɨmze əshi ndàyn è kɨ̂sè eyisəʼə, se zaʼâ kə m ndù tayn ə Njèlusalɛ̀m kûmə̀ nə fɨ̀aʼtè èghaʼâ kyi se kwuə kə ə Njèlusalɛ̀m.

Tom èchùŋ kè kə Lûk tè nyaʼ 7:39

Wùə Falàsî nə vɛ ə è ndàm Njisə̀s ə fe eghɛ nə zɨ̂yn sè piə kə sê ngɨŋ ə̂ vəyn nə, “Ə wùə vɨ̀nə fè nyi ke nâʼà fɨ̀aʼtè èghaʼâ, mə è və kê kyiə wùzhɔyn vɛ ə è kə̀mnə̀ vəyn nyi, nə è nyi nyî, nyi ke nâʼà wùə əghɛ piə.”

Matyò 21:10

Kə Njisə̀s tè nji ə Njèlusalɛ̀m, tɔf ə ghɨ̀ zə fɨ nâʼà èkɨ̂m. Ghɨghe pfɨfə nə, ə̀ vɨ̀nə nyi nde?

Matyò 21:26

mə ə ghâsènì pì nə, ‘Ə tè fo əghɨ tyaʼa sê vəyn,’ ghɨ kaʼa ghe mɔm ghɛ sê ghâsènì kûmə̀ nə ghənə əkɨ̂m tè ke ndô nə Njɔyn tè nyi fɨ̀aʼtè èghaʼâ.”

Matyò 21:46

Ghənə e kyiŋə èndom se kyîə vəyn pîza fânə̀ ànɔ̂yn kɛ ə ke tè nyì fu, kûmə̀ nə ghɨ anɔ̀yn ə təynghe tè fe Njisə̀s kə fɨ̀aʼtè.