Matyò 20:1 - Ŋwàʼlè ə̀ Fèzhə̀ Mkâyn Mə̂ Fèm

¹ Njisə̀s ə mɛ̀ ngàyn nə, “Fɔ̂yn ə Fezhə̀vè nyì kepî kə pɛ̀ àfùʼ vîvè ə è tè pɨs fɨ se ndùə kyiŋə əghɨ nə ghe səʼ fɨaʼ ə və afùʼ etwɔmke.

Matyò 20:1 Referans Kwoze

Matyò 13:47

Njisə̀s ə mɛ̀ kwəynsə̂ ngàyn ə̀mɔ̀ʼɔ̂ nə, “Fɔ̂yn ekwùtwəyn fɨyn nyi kepî kə fèlàm ezhoghɛ wùə màʼ ə tsô ə ko tèkyì tə embwɔ̀tè ətəyn kè tekɨ̂m.

Matyò 13:24

Njisə̀s ə mɛ̀ ngàyn ə̀mɔ̀ʼɔ̂ nə, “Fɔ̂yn ə Fezhə̀e nyì kepî kə wùə vɛ ə è zho ngwàʼ èchùŋ ə və afùʼ,

Ipilù 13:21

m tsə̂mə̀ nə Zhə̀fè fo nâʼàpî àfɨa echûŋ àke kɛ ə ghàyn nə̀ njîə se nə̀yn eghɛ zɛ ə è kɔ̀ŋə̀ ətəyn, m tsə̀mə̀ nə tɔynə̂ ə Njisə̀s Klâys, è nə̀ nə̂ tɔynə̂ ə ghâsènì ghɛ zɛ ə ze tsɔ̂fə̀ sê vəyn. Ə pomsêzè ə nyi sê Njisə̀s Klâys sə teshìŋə̀ tèkɨ̂m. Ə ze ə nyi ke zamə.

1 Kɔlìŋ 15:58

E za nyì ə soyn sɨmse chûŋsè nə, ghàyn fɛte tyəm ə nyi è pɨaʼtêzè. Ghàyn e zâŋsè nyi ke shîŋə̀ tekɨ̂m ə Pɛ̂pɛ efɨ̀aʼ kə ghàyn se ke nə ghɛ zhîze va ə ghàyn nə̀ ə Pɛ̂pɛ efɨ̀aʼ mə ze nyi sə ndô.

Njɔyn 15:1

Njisə̀s ə tè pì nə, “M nyi kàyntə̀ fèkàʼ fə etwɔmfe, Pɨ̀a vɨmve nyi pɛ̀ àfùʼ.

Matyò 25:1

Njisə̀s ə fɨnə mɛ̀ ngàyn zhîzè nə, “Shîŋə̀ kɛ ə Vâ wùə tə pə̂, fɔ̂yn ə ekwùtwəyn tə nə̂ ə və nyi kə sengɔ̀yn sèghɨm ə se tè nji lâmsə ghənə̂sè ə fɨə ndûə zâ ndomə̀ wùzhɔyn.

Matyò 22:2

“Ə kaʼa ə səyne fɔ̂yn ə ekwùtwəyn è fèmɛngâyn fə fɔ̀yn vîvè ə è tè pɨaʼte zhi ə malə̂zè sê va vəyn ve ndômə̀.

Matyò 13:33

Njisə̀s ə fɨnə mɛ̀ ngàyn zhîzè sê ghənə ə pìə nə, “Fɔ̂yn ə Fezhə̀e nyi kepî kə fèsə̀ʼ ə wùzhɔyn njî, è və fɨ̀aʼsə̀ m̀pfɨ̂ŋ mə kwaŋə̀m kàŋə̀mè m̀ta è və fiyəsə ətəyn m̀ mə kɔʼɔ tsɨ̂ə kə nyî.”

Matyò 13:31

Njisə̀s ə mɛ̀ kwəynsə̂ ngàyn ə̀mɔ̀ʼɔ̂ sê nɔ̂yn kɛ nə, “Fɔ̂yn ə Fezhə̀e nyi kepî kə feshîlə̀ fə ngwàʼ ə̀ fèkàʼ fîfe ə tɔŋtə nə mostà kə wùə njìə è və zho ə və afùʼ.

Matyò 25:14

Njisə̀s ə fɨnə mɛ̀ ngàyn zhizè ə pìə nə, “Fumə ashìŋə̀ fɔ̂yn ekwùtwəyn tə nə̂ ə və nyi kepî kə wùə vîvè ə è tè kyiŋə se ndù ekwî ə tɔŋɔ̂ ə̀ghɨ fɨaʼa ə vəynghe ə ndə̀mə̀ nə ghənə naynə̂ èfɨa vəynve.

Ŋwàʼlè ə̀ Mâk 13:34

E nyi kə wùə ə è ndùə kwîzè. È və zà ə̀ghɛ ə̀kɨ̂m əghɨ fɨaʼa vəynghe əgho. È və tsà èghɛ zɛ kə nâʼàpî ndè ə nə̂, ə pìə sê wùə vɛ ə è tsɨ̀ŋnə̀ echondɛ nə è və tɔ̂ʼnə̀.

Matyò 3:2

“Ghàyn kəmne ə ghànə sepi, kûmə̀ nə fɔ̂nə Fezhə̀ və paʼsê.”

Matyò 23:37

Njisə̀s ə fɨnə wàmnə̀ ə pìə nə, “Wêy!, ghàyn ghɨə Njèlusalɛ̀mə̀, ghàyn zhwitə̂ sèfɨ̀aʼtè, ghàyn tɨmnə̂ zhwiə ə̀ghɨ ghɛ ə Zhə̀fè tom sê ghàyn è chiə! Mə mɔ̀msè səteshiŋə̀ ə teshìŋə̀ se zùŋtə ghàyn nyiə kə nyìə mbvɨ nə̂ è zɨtə̂ ə̀ghɔyn ə vəynghe etyə̀ tèghɛ̀, pîza ghàyn ghɛ tə ke ndô!

Matyò 21:28

Njisə̀s ə fɨnə pfɨfə sê ghɨ eshyə̀ engaŋtə è chəʼse ndaʼse nə, ghàyn fe zàyn ngàyn zɨ̀nə? Wùə tè nyi kyi ə̀ghɔyn əpɛ̀. Ə ndùə sê ve ndumə ə pìə nə, ‘Vayn vɨ̂m ve ndômə̀, Səʼ fə̀ afùʼ ə mtama ndâyn.’

Matyò 20:2

Ghənə ə pomə̂ èkɛ vɛ ə è nə̀ ndaʼà ghənə ətəyn ə fetuʼ, è və tomə ghənə ə və afùʼ.