Matyò 19:9 - Ŋwàʼlè ə̀ Fèzhə̀ Mkâyn Mə̂ Fèm

⁹ M tsâ sê ghàyn nə, ə̂ chùm pîndè zhwîə vəyn ə̀ va ke nə wùzhɔyn ə̀təyn kwîə ndò, ə kyì ə wûə nə vɛ njì wùzhɔyn ə̀ ndò, ə nyi mə è və kwì kwàlə̀kè.”

Matyò 19:9 Referans Kwoze

Matyò 5:32

Pîza, M tsâ sê ghàyn zôyn nə: ə wùə chùm zhwiə vəyn, mə è paʼà ko vəyn yî wùndômə̀ ndò, wùzhɔynə ə̀təyn ə ndùə malə̂ wùə endômə̀ ə̀ndo, ə zə nyi nə ndomə̀ vəyn vɛ è chùm vəyn ə nə̀yn wùzhɔynə ə̀təyn nə è nyɨŋə yî wùndômə̀ ndò. Nâʼà pîndè vɛ ə è malə wùzhɔyn mə ə chum vəyn ə ndɛ ə̀ malə̂, ə zə nyi nə wùndômə̀ vɛ è malə vəyn ə nyɨŋə̀ yî zhwiə wùə ndò.

Tom èchùŋ kè kə Lûk tè nyaʼ 16:18

Ə̀ za chùm pi ndè zhwiə vəyn ə ndùə sê və ndò, ə ə̀ nyi mə è və kɨm lâŋ ə malə̂kè, wùndômə̀ ə ndùə sê wùzhɔyn nə vɛ, ə ə̀ nyi mə è və kɨm lâŋ ə malə̂kè.”

1 Kɔlìŋ 7:39

Wùzhɔyn èmalə fɨyn kyi va se malə kwəynse ezhoghɛ ndomə̀ vəyn pa ndamə, pîza mə ndomə̀ vəyn kwu, ə è və nyi kàʼa è malə nâʼà pîndè vɛ ə təm ə vəynghe kɔ̂ŋɔ̀, wùə ə̀təyn e kyi sə nyi wùə èpomə.

1 Kɔlìŋ 5:1

Mə zɨ kə̂ ə pîə, ze nyi ke nâʼà səmɔʼ nə ghàyn ndamə tèndam te nyɨŋə nə ə zəynghe è ndômnèghè. Ndom vɛ ə ghàyn ndamə ətəyn enyɨ̀ŋə̀ ə zəynghe è ndômnèghè nyi endom mə ghɨ ghɛ ə keva Zhə̀fè vayn kaʼa ndam zamə. Mə zɨ nə wùə nyi ə ghàyn əfètəyn, nyɨ̂ŋə̀ è zhwìə pɨ̀a vəyn.

1 Kɔlìŋ 7:4

Ze nyi nyî kûmə̀ nə wùzhɔyn kyi va tyaʼke ə vəyn etûə ewìyn, pîza ə̀ kyi ndomə̀ vəyn, kepî èghɨ kə̂ wùndômə̀ kyi va tyaʼke ə vəyn etûə èwìyn, pîza ə̀ kyi zhwìə vəyn.

Matyò 19:8

Njisə̀s ə pə̀ynsə̀ sê ghənə nə, “Mosîs tè pomə nə ghàyn kàʼa ə ghàyn chum zəyn ghaynghe kûmə̀ nə ghàyn nyi mə tɛsê təm ghaynghe sê zaʼlêzè. Pîza ze tè va zamə ə zhə̀te ə̀ mbi.

Matyò 19:10

Chùmtè èpàm sə vəynse ə pìə sê vəyn nə, “Ə̂ nyi nyiə mə kə ze nyi sê wùə yî zhwîə vəyn, ə chùŋ zhîzè ə va se njiə zhwi.”