Matyò 19:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Njisə̀s ə pə̀ynsə̀ sê ghənə nə, “Mosîs tè pomə nə ghàyn kàʼa ə ghàyn chum zəyn ghaynghe kûmə̀ nə ghàyn nyi mə tɛsê təm ghaynghe sê zaʼlêzè. Pîza ze tè va zamə ə zhə̀te ə̀ mbi.

Matyò 19:8 Referans Kwoze

Ŋwàʼlè ə̀ Mâk 10:5

Njisə̀s ə pìə sê ghənə nə, “Mosîs tè nyaʼ esaʼ nə zɨ̂nə̀ sê ghàyn kûmə̀ nə ghàyn zaʼlə̂ èghɛ, ghàyn e tɛ ghaʼa se zɨ.

1 Kɔlìŋ 7:6

M tsɨ̂nə̀ pîə kə ndò kə eghɛ ə ke ə pomə̂ ezhoghɛ ə ghàyn kyiŋə, ə̀ vachi àlaŋ.

Matyò 8:31

Pamə̂ tə satàyn nə tɛ ə chyatə̂ Njisə̀s ə pìə nə, “Ə ò kyiŋə se chùmə fɨsə ghàs, o tomə ghàs əfètə̂ ànɔ̀yn èkwùndwuŋ vɛ ə ve nyi fɛ̂.”

Matyò 3:15

Pîza, Njisə̀s ə pə̀ynsə̀ sê vəyn nə, “Za ə zə nyi ke zamə kè fa ashìŋə̀. Famə endom, ə ghâsènì nə nəyn ə̀ghɛ ə̀kɨ̂m ghɛ ə Zhə̀fè kyiŋə.” Njɔyn ə se pomə̂ se fo Vəyn è môm.

Matyò 19:7

Ghɨə Falàsî ətəynghe ə pfɨfə sê vəyn nə, “Ə ze nyi zamə, ə̀ tè nəyn ghe nə Mosîs fo tyaʼa sê ghɨ nə wùndômə̀ kàʼa è fo ŋwàʼlè se zhwîə vəyn se chwìtè nə malə̂ ə mì tsɔ̀fə è chùmə və?”

Matyò 19:9

M tsâ sê ghàyn nə, ə̂ chùm pîndè zhwîə vəyn ə̀ va ke nə wùzhɔyn ə̀təyn kwîə ndò, ə kyì ə wûə nə vɛ njì wùzhɔyn ə̀ ndò, ə nyi mə è və kwì kwàlə̀kè.”

Ŋwàʼlè ə̀ Mâk 16:14

Ə mòtə̀, Njisə̀s ə fɨnə tyə̂nə̀ ngɨŋ ə̀ vəyn sê chùmtè èpàm sə vəynse njò èmɔ̀ʼ mə ghənə zhiə ndò. È və zɔ̂ ghənə kûmə̀ nə ghənə tè kiva pomə̂zè, è kɨsè kə ghənə tè tə se pomə̂ nə ə fe vəyn mə è və zòmə̀.