Matyò 18:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Wùə vɛ è ngaŋtə elùʼ efɔ̀yn ekwùtwəynve, ə nyi vɛ ə è tsose ngɨŋə̂ vəyn ə chi sə nyi kə vayn vɨ̂yn.

Matyò 18:4 Referans Kwoze

Njə̂m 4:10

Ghàyn tsose ngɨŋ saynse ə Pɛ̂pɛ əshi kə fe ndwise ghàyn.

Tom èchùŋ kè kə Lûk tè nyaʼ 14:11

Nâʼàpî ndè vɛ ə è kɔʼsə ngɨŋ ə vəyn ekwùtwəyn, Zhə̀fè nə̀ tsosə̂ vəyn əchi, ə naʼapi ndè vɛ ə è njiə ngɨŋ ə vəyn əchi, ə Zhə̀fè nə kɔʼsê vəyn ekwùtwəyn.”

Ŋwàʼlè ə̀ Mâk 10:43

Pîza, e kyi va sə̂ nyi za sê ghàyn. Nâʼàpî ndè vɛ ə è kyiŋə sə̂ nyi wùə èngaŋtə ə ghàyn əfètəyn kyi sə̂ nyi wùə èfɨaʼa sê ghàyn.

Tom èchùŋ kè kə Lûk tè nyaʼ 9:48

ə piə sê ghənə nə, “Ə̂ tɔ̀ʼnə̀ pi ndè è vayn nyiə kə vɨ̀nə kûmə̀ mi, ə nyi mə è tɔ̀ʼnə̀ è mi. Ə vɛ ə è tɔ̀ʼnè è mi ə ke nə è və tɔ̀ʼnè è vɛ ə è tom mi. Ghàyn ke nə wùə vɛ ə è tətə kwûŋsə̀ ə ghàyn əfètəyn əkɨ̂m nyi vəyn vɛ ə è ngaŋte tsɛ̂.”

1 Pità 5:5

Kwuŋte, ghàyn tsose ngɨŋ saynse əchi sə zɨə se chəʼse. Ghàyn maʼ ngɨmnêzè kə sendzɨs sefɨaʼase sə̂ fɨ̂aʼà sê ngɨŋ saynse kûmə̀ ŋwàʼlè ə̀ Fèzhə̀ nyi mə è zə pì nə, “Zhə̀fè pânə̀ əghɨ ghɛ ə ghe ghaŋsə wiynve, pîza è fo àfùʼ sê ghɨ ghɛ ə ghe ngɨmnə ngɨŋsə ghənə̂sè.”

Matyò 18:1

Fumə ashìŋə̀ chùmtè èpàm sə Njisə̀sè ə pə̀ se vəyn ə pfɨfə nə, “Ə̀ ngaŋtə̂ tsɛ̂ ndè elùʼ efɔ̂yn ekwùtwəyn və?”

Matyò 18:3

ə pìə nə, “M pîə sê ghàyn səmɔʼ nə, ə̀ tsɛ̂ kə va mə wùə ə kwiynê ndam ə vəyn sə̂ nyi ke kə vayn vɨ̂nə̀, è vayn kaʼa è tə nji elùʼ efɔ̀yn ekwùtwəynve.

Matyò 18:5

Mə ə̂ fi ndzɨse pîndè kyì ə vayn vɨ̂yn ə Mì ezə, ə nyi mə è fi ndzɨsê Mi.

Ŋwàʼlè ə̀ Mâk 9:34

Pîza ghənə kɨmə̂ kə mɔŋ kûmə̀ nə ə tè nyi endom saʼne ze nyi nə, ə nyi ndè wùə vɛ ə è ngaŋtə tsɛ̂ ə ghənə əfètəyn ə?