Matyò 18:3 - Ŋwàʼlè ə̀ Fèzhə̀ Mkâyn Mə̂ Fèm

³ ə pìə nə, “M pîə sê ghàyn səmɔʼ nə, ə̀ tsɛ̂ kə va mə wùə ə kwiynê ndam ə vəyn sə̂ nyi ke kə vayn vɨ̂nə̀, è vayn kaʼa è tə nji elùʼ efɔ̀yn ekwùtwəynve.

Matyò 18:3 Referans Kwoze

1 Pità 2:2

Ghàyn e pɨl nyi ke kə əghɔ ə pɔ ghɛ ə chìŋ m̀yiyn mə èzôm zafə ghənə, mə yîyn nə mɨ̂nə̀ mə nyi ewâmnè ə Fezhə̀zè, mə shîŋə̀ kɛ ə ghàyn mɨ mêynmè, ə ndə̂mə̂ kɔʼɔ, ə kyi esɔzaze.

Matyò 19:14

Njisə̀s ə pìə sê chùmtè èpàm sə vəynse nə, “Ghàyn za mɨ̂ətə̀m ə m̀ pəyn sê Mi, kə ghàyn fɨyn tâmtè ghənə kûmə̀ nə fɔ̂yn ə Fezhə̀vè nyì sê ghɨ ghɛ ə ghe nyi nyiə kə ghənə.”

1 Kɔlìŋ 14:20

Ghɔnyì ghɨmə, kə ghàyn fɨyn kwâʼtè kə mmɨ̂ətə̀. Ghàyn nyi mmɨ̂ətə̀ apàs se nə̀yn ə pi, pîza nyi ə̀ghɨ mə ndəmə̂ endom vɛ ə ghàyn kwàʼtə̀ ghɛghe ətəyn.

Njɔyn 3:5

Njisə̀s ə pə̀ynsə̀ nə, “M tsâ sê ghò səmɔʼ nə wùə vayn kàʼa è nji elùʼ efɔ̂yn ə Fezhə̀vè, ə̀ tsɛ̂ kə va mə ə pîə vəyn mmò è kɨsè Zuʼse.

Njɔyn 3:3

Njisə̀s ə pə̀ynsə̀ sê vəyn nə, “M pîə sê ghò səmɔʼ nə, wùə vayn kàʼa è nji elùʼ efɔ̂yn ə Fezhə̀vè ə̀ tsɛ̂ kə va mə ə kɛsê pîə vəyn.”

Tom èchùŋ kè kə Lûk tè nyaʼ 13:24

“Ghàyn mɔmse nâʼà è tyaʼa se tɔynə echo ndɛ vɛ ə ve fɛse nyi se nji elùʼ efɔ̀yn ə Fezhə̀e. Ghàyn ke nə ghɨ e tsɨə tə nə̂ ə kyiŋə se nji ətəyn pîza ə ze tɛ ghaʼ ghənə.

Ətefɨ̂aʼ 3:19

M pîə sê ghàyn nə, ghàyn kwiyne təm ghanə ə ghàyn əghɛ ə pighe, ə ghàyn kɛse pəyn sê Zhə̀fè, kə Fe shu tsɨ̂sè ə̀ghɛ pi ghaynghe.

Ətefɨ̂aʼ 28:27

M piə nyiəmə kûmə̀ nə təm ə ghɨ nə ghɨ̂ynə mə nyîə tɛ, mə ghənə ə fɨ̀yntè tûŋne ə ghənə̂vè, ə fɨnə kɨmtə̂ ə̀shi. Ə zə fe va nyiəmə, mə shi ə ghənə̂ghè fe ndò, mə tûŋne ə ghənə̂vè zɨə ndò, təm ə ghənə̂ghè e zɨə kê kə ghənə kɛse pəyn sê Mi, ə M tsuʼ ghənə.›”

Njɔyn 1:51

È və pìə sê ghənə nə, “M pîə sê ghàyn ke nâʼà səmɔʼ nə, ghàyn tə fe kə kwùtwəyn chwî, ə tsì sə Fezhə̀sè ə tsɛ̂nə̀ kə nyî kɔʼɔ, tso, tso pə̂ ə Vâ wùə ətu.”

Matyò 5:20

M tsâ sê ghàyn nə, ghàyn tə njiə elùʼ efɔ̀yn ə Fezhə̀zè kè ezhoghɛ ghɛ zɛ ə ghàyn nə̀ sê Zhə̀fè tsɨ̀ə zə setyə̀ynsè se elwɔ̀ŋsè è ghɨ Falàsîə.

Tom èchùŋ kè kə Lûk tè nyaʼ 22:32

pîza mə tsə̀m se ghò nə kə̂ pomə zɛze nə pfɨ mɨ̂sè. O kɛse pəyn se mi o nəyn kə təmə ghɔnɛ ghə tɛ.”

Ŋwàʼlè ə̀ Mâk 4:12

È tè nəyn nyi kə, ‹Ghənə nə ndamə naynə̂ nâʼàpî zàyn fe kê va, ə ghənə ə zɨtə̂ pî zàyn, ə zɨə kê va kûmə̀ nə ə ghənə ke, ə ghənə kɛse pəyn sê Zhə̀fè, ə Fe lɛse fo sèpi sə ghənə̂sè.›”

2 Pità 1:11

Famə endom ə Zhə̀fè fi ndzɨsê ghàyn è təm ə vəynghe əkɨ̂m elùʼ vɛ ə Pɛ̂pɛ ə̀ ghâsènì Njisə̀s Klâys tə nə̂ ə è və saʼa ə̀ ghɨə vəynghe sə teshìŋə̀ tèkɨ̂m.

Ətefɨ̂aʼ 14:22

Nâʼà pi elùʼ èkè vɛ ə ghənə tè nduə fɨə, ghənə ə nə̀ nə ghɨ poməghe tɔʼ kyî èpomə̂ ə ghənə̂zè ə fɨyn ndəm ətəm ə ghənə̂ eghɛ zɛ ə ghənə pomə. Ghənə tè zaʼlə nə, “Ghâsènì kyi se tsɛ tɔynê əfètəyn tètsòs te tsɨ̂ə kə nyi tsɔ̀fə ə se nji elùʼ efɔ̀yn ə Fezhə̀vè.”

Matyò 19:23

Njisə̀s ə ke pì sê chùmtè èpàm sə vəynse nə, “M pîə sê ghàyn səmɔʼ nə, e tə nə̂ ə zə tɛ nâʼà sə ŋaŋ sê wùə èghaʼâ se nji elùʼ efɔ̂yn ə Fezhə̀vè.

Matyò 13:15

M pîə zɨnə kûmə̀ nə ghɨ ghɨ̀nə vayn kàʼa fɨyn zaʼlê nâʼà èghɛ mə ghənə kɨmtê tôŋne ə ghənəvè è shiə ghənə̂ghè. Mə ghənə vayn zɨ vayn kàʼa fe nâʼà àfɨa kyîke. Ə ze fə va zamə, mə ghənə nyi fe, ə fe kê. Ghənə tə zɨtə̂ è tôŋne ə ghənə̂vè, ə təmə ghənə̂ zɨ kê. Mə ə ghənə nə̂yn zɨnə mə, ə kə̀mnə̀ pə̂ sê Mi, ə m tsuʼ ghənə.›”

Matyò 6:16

“Ə̂ ghàyn pamə choze, kə ghàyn ə kosə̂ kyâʼà kə ghɨə kaŋkaŋə nə̂. Ghənə piə pamə ècho, e kosə̂ kyâʼà kə ghɨ fe nə ghənə pamə ècho. M pîə se ghàyn səmɔʼ nə ghənə kàynè kyî mâʼtè ə ghənə̂zè.

Matyò 6:5

Ə ghàyn piə tsə̂mə̀, kə ghàyn ə tsə̂mə̀ kə ghɨ ghɛ ə kaŋkaŋə nə̂. Ghənə kɔ̂ŋə̀ sə̂ ndwìə tsə̀mə̀ ə sendɛ sə atsɨ̀yntese tsəməse è kɨsè echo fàfə̀, kə nâʼà pîndè fe ghənə. M tsâ sê ghàyn səmɔʼ nə kyì əghɨ̀ ghɨ̂yn ə kàynè kyî maʼte ə ghənə̂zè ekɨ̂m.

Matyò 6:2

“E za nyi nə ə ò fo fɨake sê wùə vɛ ə è kyiŋə, kə ò ghaŋsə̂ èwiyn, kèpî kə ghɨ e kaŋkaŋə nəghe ə sendɛ sə Fezhə̀sè è cho tefàfghè nə̀ nə ghɨ ghə fe ghənə. M tsâ sê ghàyn səmɔʼ nə ghɨ nə ghɨ̂yn ə kyi mɨ̂sè mâʼte ə ghənəè.

Matyò 5:18

M tsâ sê ghàyn səmɔʼ, kə kwutwəyn è chike tə ndamə zaʼâ pî zàyn, wùə tə kəʼsə̂ va nâʼàpî fèghɛlə̀ fɛ ə fe tətə kwûŋsə̀ əfètə̂ Àlâŋ nə kɛ, ə̀ tsɛ̂ kə va mə ghɛ ə̀kɨ̂m ə kyayn.

Matyò 18:2

Njisə̀s ə tɔŋɔ pə̂ wâ nə è pəyn tyə̂m ə ghənə ə fètəyn,

Matyò 18:4

Wùə vɛ è ngaŋtə elùʼ efɔ̀yn ekwùtwəynve, ə nyi vɛ ə è tsose ngɨŋə̂ vəyn ə chi sə nyi kə vayn vɨ̂yn.