Matyò 16:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ghɨə Falàsîə è ghɨə Sandùsî yîghe tè pə̀yn sê Njisə̀s kyiŋə èndom se mɔ̀m ə vəyn. Ghənə pìə se vəyn nə È chwite ghənə èchwîə mə è ndò pə̂yn ekwùtwəyn.

Matyò 16:1 Referans Kwoze

Tom èchùŋ kè kə Lûk tè nyaʼ 11:16

Ghɨ mɔʼɔghe, kèpi anɔ̀yn nə kɛ e sè kyiŋə endom se ko Njisə̀s ətəyn sè piə nə è nəyn ghɛe kayntə zhize sə chwiə se tyəyn nə tyaʼ ə vəynke ndò kè nâʼà sê Zhə̀fè.

Ətefɨ̂aʼ 4:1

Pità yî Njɔyn tè pa wâmnə̀ sê ghɨ, ghɨ kɔʼsə nə eshyə̀ Ndɛ̂ ètsə̀mə yîghe, è tuə se sokə̀ʼ kɛ ə ke tè fɨ̀aʼa ə ndɛ̂ Fèzhə̀, è ghɨ Sandùsî ə mɔ̀ʼɔghe, ə pə̀ elùʼ vɛ ə ghənə tè nyi ətəyn.

Matyò 16:6

Njisə̀s ə pìə sê ghənə nə, “Ghàyn tɔʼne kûmə̀ fèsə̀ʼ fə ghɨə Falàsîə yî ghɨə Sandùsîə.”

1 Kɔlìŋ 1:22

Ghɨ Njûsə̀ kyiŋə kə sèchwìə se kaynəse, ghɨ Nglêkghè e kyiŋə sə̂ kyi etɔf eghaʼâzè,

Njɔyn 8:6

Ghənə tè pìə zɨnə se tam echo ə Njisə̀szè, endom kə ghənə pi nə È və nə̀yn pofsê. Pîza È və ngɨmtə̂ nyàʼtə̀ èghɛ è paŋfə agho fə Vəynfe əchi.

Ətefɨ̂aʼ 5:17

Wùə èkɔʼsə nə èshyə̀ èngaŋtə kwəynə yî pamə tə vəynte tekɨ̂m, mə nyi atsɨ̂ynte ə ghɨə Sandùsîkè, ə zhə̀tə̀ àghə̀ʼ ə kwəmnəke se ghɨətom ə Njisə̀sghè, sè fɨasə nə ghənə nə̀ fe èghɛ.

Tom èchùŋ kè kə Lûk tè nyaʼ 20:27

Ghɨə Sandùsîə ə pə̀ sê Njisə̀s, ə nyi ə̀ghɨ ghɛ ə ghe pomə va nə wùə tə zômə̀, ə pfɨfə sê vəyn nə,

Tom èchùŋ kè kə Lûk tè nyaʼ 20:23

Kè sə ashìŋə̀, Njisə̀s ə ko etɔf ə ghənəè ə se pi nə,

Tom èchùŋ kè kə Lûk tè nyaʼ 10:25

Tyə̀ynsè alâŋ vîvè ə tyəmə ekwùtwəyn se mɔ̂mə̀ Njisə̀s ə pfɨfə nə, “Tyə̀ynsè, m nyiə kàʼa ə m nəyn nâʼà ghè se tə kyi endam zɛ ə e tə mîə va ə?”

Ŋwàʼlè ə̀ Mâk 12:18

Ghɨ Sandùsîə ghɛ pomə nə ghɨ nə zômə̀ va, ə pə̀ sê Njisə̀s ə pìə nə,

Ŋwàʼlè ə̀ Mâk 12:15

Njisə̀s ə fe kê m̀nàŋ mə ghənə̂m, ə pfɨfə sê ghənə nə, “Ghàyn kyiŋnə̂ ècho zɨm kûmə̀ ghè? Ghàyn pəyn èkɛ akasve ə ghàyn tyəyn ə m fê.”

Ŋwàʼlè ə̀ Mâk 10:2

Ghɨə Falàsîə yîghe ə pə̀ se zɨte echo vəyn, ə ke pfɨf nə, “Saʼze pomə̂ ndò nə wùə chùm zhwîə vəyn ə?”

Matyò 27:62

Tuʼfe komtəfe ə zo pə mə tè nyi etuʼ endaʼ, ghɨə kɔʼsə nə eshyə̀ è ghɨ Falàsîə ə ndùə kwəynə̂ yîghə̀ Paylɛ̀t

Matyò 23:2

pîə nə, “Tyə̀ynsè sə alàŋsè è ghɨə Falàsîə nyi əghɨ ghɛ ə kyi tyaʼa sə̂ zaʼlə̂ àlâŋ ə Mosîskè.

Matyò 22:23

Kèpî fumə fetuʼ, ghɨə Sandùsîə ə pə̀ sê Njisə̀s, ə ghɨ ghɛ ə ghe pomə va nə wùə tə zômə̀ ndò, ə pfɨfə sê vəyn nə,

Matyò 22:18

Njisə̀s ə kê èghɛ epi zɛ ə ghənə tè pɨaʼtə ə ke pì sê ghənə nə, “Ghàyn ghe kaŋkaŋə nə ghɨ̂yn! Kûmə̀ ghè ə ghàyn mɔ̀msə̀ se mɔ̀m ə mi ə?

Matyò 22:15

Ghɨə Falàsîghə ndò sè nə̂ èpɨaʼtê endom se nə̀yn nə Njisə̀s wàmnə tsas, ə kyi vəyn.

Matyò 19:3

Ghɨə Falàsî yîghe ə pə̀ sê vəyn mɔ̂msə̀ se tam echo vəyn, ə pfɨfə nə, “Lâŋ kaske pomə̂ ndò nə wùə chyase yî zhwîə vəyn nâʼàpî ə tə̂ èghɛ èkè ə?”

Matyò 15:1

Ghɨə Falàsî əmɔ̀ʼɔ̂, è tyə̀ynsè sə alàŋsè ə ndò ə Njèlusalɛ̀m ə pə̀ fe Njisə̀s ə pfɨfə sê vəyn nə,

Matyò 12:14

Ghɨ Falàsî ghɛ ə ndò ə zhə̀tə̀ se pɨaʼtê endom vɛ ghənə kaʼa zhwi Njisə̀s ətəyn.

Matyò 9:11

Kə ghɨ Falàsî əmɔʼɔ fe kə Njisə̀s tsɨsə yîghə̀ kyì ghɨ̀ ghɛ, ə pfɨf sê chùmtè epàm sə Njisə̀sè nə, “Kûmə̀ ghè ə tyə̀ynsè vâyn zhiə yî ghɨ ghɛ ə ghe tənə tâksè è ghɨ epi ghə?”

Matyò 5:20

M tsâ sê ghàyn nə, ghàyn tə njiə elùʼ efɔ̀yn ə Fezhə̀zè kè ezhoghɛ ghɛ zɛ ə ghàyn nə̀ sê Zhə̀fè tsɨ̀ə zə setyə̀ynsè se elwɔ̀ŋsè è ghɨ Falàsîə.