Matyò 13:12 - Ŋwàʼlè ə̀ Fèzhə̀ Mkâyn Mə̂ Fèm

¹² Nâʼà pîndè vɛ ə è zɨə ke ghɛ e ndətə efɔ̀yn ekwùtwəynə, Zhə̀fè nə̀ pâʼsə̂ è zɨə ke ətəynze kə è və kyi èzɨə keze se tsɨ̀. Pîza nâʼà pîndè vɛ ə è kyi va zɨə ke nə zɨ̂yn, Zhə̀fè nə̀ fiə tsɨsə̀ pî fè fɨatə̀ fɛ ə è kyi.

Matyò 13:12 Referans Kwoze

Matyò 25:29

Kûmə̀ nə, sê nâʼàpî ndè vɛ ə è kyi fɨake, ə nə̀ fo kwəynsə̂ setsɨ̀ sê vəyn, ə è və kyi ve tsɨə tsɛ, pîza wùə vɛ ə è kyi va fɨake, Zhə̀fè nə̀ fiə tsɨsə̀ pî fè fɨ̂atə̀ fɛ ə è kyi sê vəyn.

Tom èchùŋ kè kə Lûk tè nyaʼ 8:18

Ghàyn tɔ̂ʼnə̀ endom vɛ ə ghàyn zɨtə ətəyn. Ə̀ se kyi pi ndè, ə fo kwəynse sê vəyn, ə̀ làʼà pîndè, ə fi nâʼàpî ketətə̂ kɛ ə è kwàʼtə̀ nə è kyi ndô.”

Etyə̂yn ə paynsêzè 2:5

Kwàʼte ndom vɛ ə ò tè nyi ətəyn sə shi tsɔ̀fə kə ò pfɨ ə kə̀mnə̀ ə ghò ə sepi ə kɛsə̂ fɨaʼà kè kə ò tè fɨ̀aʼa səshi. Ə ò tàʼa nə̀yn nyi, ə m pəyn nji tsɨ̂sè kɛke nə àfɨa kɛ ə tomə lâm etuə ə̀təyn elùʼ vɛ ə ke nyi.

Tom èchùŋ kè kə Lûk tè nyaʼ 16:25

Aplàghâm ə piə sê vəyn nə, ‘Vayn, kə ò lɛse nə ò tə zhi chùŋ zɛ kə ò pa ndamə ə chi, Lazalùs e pɔŋɔ fe ngəʼ ə̀ vəyn. Ə̀ zô se nyi, è zhiə ewiyn ə vəyn fayn, ò pɨlə zɨə etɨ̂m.

Matyò 21:43

Njisə̀s ə kwəynsə̂ nə, “Ə tə fiə tsɨsə̀ eluʼ vayn sê ghàyn ghɛ ə ghàyn saʼa fɔ̂yn ə Fezhə̀vè ə fo sê ghɨ ghɛ ə ghe nyi chichi.”

Tom èchùŋ kè kə Lûk tè nyaʼ 16:2

Wùə èghaʼâ nə vɛ ə tɔŋɔ vəyn ə pfɨfə nə, ‘M zɨ nə ghe nyi kûmə̀ ghò ə? Tyə̀yn sê mi nə, ə̀ nji ghe, ə̀ fɨ ghe ə? Shîŋə̀kè ə kwəyn kə ò fɨ efɨ̀aʼ.’

Tom èchùŋ kè kə Lûk tè nyaʼ 10:42

Pîza ə nyi ke eghɛ èmɔ̀ʼ ə kyiŋə. Mèli ə nji ghɛ echûŋ nə zɛ, mə vâyn kàʼa ə fɨyn fi sê vəyn.”

Tom èchùŋ kè kə Lûk tè nyaʼ 9:26

Naʼapi ndè vɛ ə è ghomə kûmə̀ mi è zaʼlê zɨme, ə è və ke nə Vâ wùə tə pɔŋɔ ghomə kûmə̀ vəyn ezhoghɛ ə è kɛse pə̀yn əfètə̂ èpomsê zɛ ə è kyi, ə̀ nyi èpomsê ə Pɨ̀aze è tsi sə vəyn sə eŋwaʼase.

Ŋwàʼlè ə̀ Mâk 12:9

Njisə̀s ə pfɨfə sê ghənə nə, “Ə ze kyâyn nyî, ə pɛ̀ àfùʼ pi zayn? Ə è pəyn zhwitê ə̀ghɨ efɨaʼa ətəynghe, ə è fo fûʼ nə kɛ sê ghɨ ndôghè.

Tom èchùŋ kè kə Lûk tè nyaʼ 12:48

Pîza vɛ ə è ke va ə nə̀ eghɛ kə ə kàʼa ə pus vəyn sə ŋaŋ, ə pus kè vəyn se chə. Ə̂ fo naʼapi sê ndè setsɨ̀, ə kɛsə̂ kyiŋə kepî nə è fo setsɨ̀. Ə samse nâʼàpî sê ndè setsɨ̀, ə kɛsə̂ kyiŋə kepî se fi sê vəyn setsɨ̀.”

Njə̂m 4:6

Pîza fùʼ kɛ ə Zhə̀fè fo nyîə tɛ tsɛ̂ kè kə nyâʼ ə Ŋwàʼlè ə̀ Fèzhə̀ nə, “Zhə̀fè nyiə njîə tsosə̂ ə̀ghɨ ghɛ ə ghe ghaŋsə wiynve, pîza fo àfùʼ ə vəynke sê ghɨ ghɛ ə ghe njîə tsosə pə̂ ngɨŋsə ghənə̂sè əchi.”