Matyò 13:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Njisə̀s ə pìə sê ghənə nə, “Zhə̀fè fo ghàyn ètyaʼa nə ghànə ke ə̀ghɛ e ndətə efɔ̀yn ekwùtwəynə, pîza ə tàʼa fo atyaʼ nə kɨ̂yn se ghɨ mɔ̀ʼɔ.

Matyò 13:11 Referans Kwoze

1 Kɔlìŋ 2:14

Nâʼàpî ndè vɛ ə è kyi va Zuʼse vayn fi èfɨa vɛ ə Zuʼse fo kûmə̀ nə fɨa ətəynve nyi engô se vəyn. È vayn kàʼa è zɨ kê kûmə̀ nə ə̀ kàʼa ə nəyn ke Sèzuʼ nə è zɨ kê.

Matyò 19:11

Njisə̀s ə pə̀ynsə̀ sê ghənə nə, “Zaʼlê zɨnə vachi se nâʼà pîndè, pîza kè sê ghɨ ghɛ ə Zhə̀fè nyi mə Fə fo zəyn sê ghənə.

Njə̂m 1:5

Pîza, ə wùə se ghàyn làʼà tɔf eghaʼâzè, e və tsə̀mə̀ sê Zhə̀fè, ə Fe fo zəynze sê vəyn kûmə̀ nə Zhə̀fè fo sê nâʼàpî ndè èsaŋnêzè, e vayn zɔ̀ ə ghô ashìŋə̀ kɛ ə ò pfɨf sê vəyn.

1 Njɔyn 2:27

Pîza, ghàyn nyi mə ə kyî Zuʼse Ŋwaʼase, se ndamə ə ghàyn ə fètəyn, kûmə̀ zɨnə mə, ghàyn fɨnə kyiŋə va nə wùə zaʼle ghàyn èghɛ zɛ ə ze nyi səmɔʼ. Kûmə̀ nə Zuʼse zaʼlə̂ ghàyn è nâʼàpî ghè vɛ ə ghàyn nyì se kê, mə ghɛ zɛ ə Zuʼse zaʼlə nyi səmɔʼ, ə̀ vachi àkaŋ. Zamə, ghàyn faŋ ke sə afɨa àmɔ̀ʼ ghâyn ghə̀ Klâys kə ə Zuʼse zaʼlə.

1 Njɔyn 2:20

Pîza, vɛ ə Zhə̀fè kɨmne ndə̂m, è və fo Zuʼse Ŋwaʼase sê ghàyn, se ə pə̂ nâʼà sê ghàyn ə̀kɨ̂m nə ghàyn ə ke eghɛ zɛ ə ze nyi səmɔʼ.

Matyò 16:17

Njisə̀s ə pə̀ynsə̀ se vəyn nə, “Pɔsê nyì sê ghò ə Shimùyn va Njonà. Ə vachi wùə m̀sɔ̀ŋ kə è tsàyn zɨnə mə sê ghò, pîza ə nyi Pɨ̀a vɨm vɛ ə è nyi ekwùtwəyn kə è nə̀yn nə ò pi zamə.

Ɛfesùs 1:9

Zhə̀fè ə nə̀yn nə ghâsènì ke ghɛghe mə Fe ə tè pɨaʼte, ə̀ ke ke Fəynfe. Fe tè nəyn nyi kûmə̀ nə Fe ke kə ə̀ghɛ ə̀kɨ̂m. È tè pɨaʼte əghɛ nə ghɨynə nə ghe kyayn tɔynə̂ ə Klâys, mə ə̀ kɔ̀ŋ ke vəyn nə ze ə nyi endom nə vɨ̂yn.

Ɛfesùs 5:32

Zaʼlə ekayntəze nyiə nyi eghɛ nə zɨ̂yn. Pîza, m wàmnə̀ elùʼ nə vɨ̂yn kûmə̀ Klâys yî ndɛ ə̀ Fèzhə̀,

Ŋwàʼlè ə̀ Pɔ̂l sê ghɨə Lûmghè 16:25

Ə ghâsènì fo pomsêzè sê Zhə̀fè! È kwəynə̂ ndò se nə̀yn nə ghàyn ə tɛ ə ghàyn epomə̂. Ə̀ nyi nyiəmə kə m tè tsàyn se ghàyn ashîŋə̀ kɛ ə m tè ndàʼa tom èchùŋ ə̀ Njisə̀s Klâys. Tom èchùŋ nə zɛ mə nyi səmɔʼ zɛ ə Zhə̀fè tè nyi mə fe ə ndə̀m nâʼà sə mɨ mə è paʼà tyə̀yn sê ghɨghe.

Tom èchùŋ kè kə Lûk tè nyaʼ 8:10

Njisə̀s ə pə̀ynsə̀ nə, “Zhə̀fè ə fo tɔfe sê ghàyn nə ghàyn ə zɨə kê əghɛ ndətə ghɛ ə ghe nyi kûmə̀ èfɔ̂yn ə Fezhə̀e, pîza sê ghɨə mɔʼɔ, m nə wàmnə̀ kə ə sengàyn kə ghənə ə naynə̂ tèluʼ pîza fe va fɨa, zɨə əghɛ pîza kê va ghɛ zhize.”

1 Kɔlìŋ 15:51

Ghàyn zɨte, m tsayn ghɛe, mə wùə paʼà tyəmə̂ kê. Ghâsènì tə kwuə mɨ̂sə̀ va əkɨ̂m, pîza ghâsènì əkɨ̂m tə pə̂ ə nyi mə kwiyne.

1 Kɔlìŋ 2:7

Tɔf eghaʼâ zɛ ə ghàs ndàʼà kûmə̀ zəyn nyi etɔf eghaʼâ ə Fezhə̀ zɛ ə wùə vîvè tè keva mə ə ndə̀tè se ghɨ msɔ̀ŋghe, pîza Zhə̀fè ə tə ndə̀m tsɔ̀fə kə Fe fɛte mbi zɨ̀nə nə, tɔf engaŋtə ətəynze tə nə̂ ə ghâsènì ə nyi èpomsêzè.

Njɔyn 6:65

È və kwəynsə̂ nə, “Ə̀ zɨnə nyì kepî èghɛ zɛ M tè tsàyn sê ghàyn kə M tè pi nə, ghɨ yîghe vayn kaʼa ə ghe pəyn se Mi ə̀ tsɛ̂ kə va mə Pɨ̀a Vɨ̂m və nə̀yn nə ghənə pəyn sê Mi.”

1 Timotì 3:9

Ghənə kyi sə̂ tyəmə kə səmɔʼ zɛ ə tè tyə̀yn paynsê sê ghənə, ə̀ nyi səmɔʼ kûmə̀ èkyî epomə̂zè mə təm ə ghənə̂ghè saʼa va ghənə.

1 Kɔlìŋ 13:2

M kaʼa m mə kyi èfo se fɛtə ndaʼà eghɛ ə Fezhə̀zè, nyi kàʼa m mə ke ə̀ghɛ ə̀kɨ̂m, nyi kàʼa m zɨ kê ə̀ghɛ ə ndətə ghəkɨ̂m, m kaʼa m mə kyi èpomə̂ mə ze kaʼa ə ze muʼ pfɨ̀yn, pîza mə m kiva kɔ̂ŋzè, ə zə nyi nə m va nâʼà àfɨa kyîke.

Ŋwàʼlè ə̀ Mâk 4:11

È və pìə sê ghənə nə, “Zhə̀fè ə fo ghàyn tyaʼa sə̂ ke ə̀ghɛ əndətə kûmə̀ èfɔ̂yn ə Fezhə̀vè, pîza e kyi sə̂ zaʼlə̂ ə̀ghɛ ətəynghe sê ghɨ yiə kè ə sengàyn.

Kòlosè 2:2

M nə̂ nyiə mə se fo ghənə è təmghe, kə kɔ̂ŋ zɛ ə ze nyi ə ghàyn ə fètəyn, ə ze nəyn ə ghàyn ə nyi kə wùə èmɔ̀ʼ. M kyiŋə nə ghâynghə̀ ghənə əkɨ̂m ndəm təm ghaynghe əkɨ̂m, kə ghɨ ghɛ ə ghe ke ghɛ ə Fezhə̀ghè mə ghɨə tè paʼà kê. Ghɛ nə zɛ mə nyi Klâys è ngɨŋə̂ vəyn.

Ɛfesùs 6:19

Ghàyn nə tsə̂mə̀ kəpî sê mi nə m njî ghɛ ə Fezhə̀zè se tsàyn, m ke ghɛ zɛ kə m pi, nə m tsâ ghɛ ə ndətə ghɛ ə Zhə̀fè tyə̀yn sê ghâsènì ə tom èchùŋ, kə m fayn fɨake.

1 Kɔlìŋ 4:7

Ə̀ pi nde sê ghò nə ò tsɛ̀ ndò ghɨ mɔ̀ʼɔ ghə? Ò kyi nâʼà ghè mə ə paʼà fo Zhə̀fè se ghò ə? Ò nyiə kàʼa o kyi àfɨa mə ə fo ndô, ghaŋsə̂ èwiyn ətəyn kəpiə ə pâʼà fo ndô kûmə̀ ghè?

1 Kɔlìŋ 4:1

Ghɨ kyi sə̂ njîə ghàs kə̂ ghɨ fɨaʼa ə Klâys ghɛ ə Zhə̀fè nyi mə fe ə fo fɨ̂aʼzè nə ghàs ə ndaʼà ə̀ghɛ ə ndətə səmɔʼɔ kûmə̀ vəyn.

Njɔyn 7:17

Ə̂ nyì pîndè èpɨaʼtêzè se nə̀yn eghɛ zɛ ə Zhə̀fè kyiŋə, ə è və ke nə ghɛ zɛ M zaʼlə ndo se Zhə̀fè mə sè Mìə, mə M wamnə̀ sə Mì atyaʼa?

1 Timotì 3:16

Wùə vîvè vayn kwiynsê nə pomə ə ghasènìze nyîə kyi èghɛ e ndətəze, ze ghaʼa kə nyi: Klâys ə tə pə̀yn sə wûə m̀sɔ̀ŋ, Zuʼse Ŋwaʼase ə tyə̀nə̀ nə è nyi va Fèzhə̀, tsìsè ə fe vəyn, ə tə ndàʼà tom kûmə̀ vəyn ə tèndâʼà tèkɨ̂m, ghɨghe ə pomə se vəyn ə telùʼ tekɨ̂m ə mbi, Zhə̀fè ə njìə kɔʼsə̂ vəyn ekwùtwəyn.

Ɛfesùs 1:18

M tsə̂mə̀ kəpì nə Zhə̀fè nəyn əkwâʼtè zayn zəmə, ə ghàyn ə ke nə ghàyn tə kyîə èfɨa echûŋ vɛ ə Fe pɨaʼtə̂ sê ghàyn è ghaʼ e Ŋwaʼa zɛ ə Fe ndə̂m sê ghɨə Fezhə̀,

Ətefɨ̂aʼ 16:14

Ə̀ tè nyi əfètəyn ə̀ zəyn nə ghɛ, vîvè e nyi ətəyn, zə vəynze e nyi Lindyà mə è fɨ endaʼ ə Tyàtilàzè. È tè pəʼlə tekɔyn tə sendzɨste, se pâŋə̀, tɛ èkɛve. È tè ndamə ngɨmnə̂ kə Fèzhə̀. Pɛ̂pɛ ə chwìə èkwâʼtè ə vəyn nə è ndəm tuke eghɛ zɛ ə Pɔ̂l tè wàmnə̀ ə è pomə zəynze.

Matyò 13:10

Kə shîŋə̀ nə kɛ tsɛ̀ Chùmtè èpàm sə Njisə̀sè ə pə̀ ə vəyn etipì ə pfɨfə sê vəyn nə, Ò zaʼlə̂ ə̀ghɨ ə sengàyn kûmə̀ ghe?

Matyò 20:23

Njisə̀s ə pìə sê ghənə nə, “Səmɔʼ, ghàyn tə fe ndò ngəʼ zɛ ə m nyi se tə fe, pîza ə va chi eluʼ vɨmve se chɔʼɔ wùə vɛ ə è tə tsɨsə ə mi ekɔyn etwɔ è kɨ̂sè ə mì ekɔyn ekôvè. Pîza luʼ ətəyn nyi sê ghɨ ghɛ ə Pɨ̀a vɨ̂m pɨaʼte ndə̂m sê ghənə.”

Ŋwàʼlè ə̀ Mâk 10:40

Pîza, ə vachi eluʼ vɨmve se pì nə wùə tsɨsə ə mì ekɔyntwɔve è kɨ̀sè ə mì ekɔyn ekôvè. Luʼ ətəyn nyi, mə ə̀ kyi əghɨ ghɛ ə tè fɛte ndəm sê ghənə.”

Ŋwàʼlè ə̀ Pɔ̂l sê ghɨə Lûmghè 11:25

Ghɛze endətə zhîze nyi m kyiŋə nə ghàyn ə ke ə ghɔnyìə ghɨmə kə ghàyn ə kwaʼtə̀ va nə ə nyiə kyi tsɛsè ètɔf. M kyiŋə nə ghàyn ke nə ghɨ ə Isìlây yîghe tə nə̂ ə ghə tɛ kə ndò e tuke se zaʼâ ashìŋə̀ kɛ ə ghɨ ghɛ ə̀ vachi ə̀ghɨ ə Njûsghè əkɨ̂m mə ghe kyi se pomə̂ tə pomə.