Matyò 11:12 - Ŋwàʼlè ə̀ Fèzhə̀ Mkâyn Mə̂ Fèm

¹² Se zhə̀tè etuʼ vɛ ə Njɔyn Foə M̀mò tè zhə̀te se ndàʼa tomə̀ Fèzhə̀ se kɔʼɔ zaʼâ fa fetuʼ, fɔ̂yn ə Fezhə̀vè ə zɨ tsôsè sə ŋaŋ ə gho ə ghɨə noghe, ghɨə eno ətəynghe è nô se kyiə fi efɔ̂yn ə Fezhə̀ nə vɨ̂yn.

Matyò 11:12 Referans Kwoze

Tom èchùŋ kè kə Lûk tè nyaʼ 16:16

Ə tè kwiə etîə Alàŋ ə Mosîskè fɨnə kwiə əfètə̂ ezaʼlê ə sèfɨ̀aʼtè seghaʼâsè se kɔʼɔ tàyn etuʼ ə Njɔyn Foə M̀mòze. Se zhə̀tə̀ kə etuʼ nə vɛ, e sè ndàʼà tom èchùŋ kûmə̀ èfɔ̂yn ə Fezhə̀e, naʼapi ndè e nô kə ndò se nji elùʼ efɔ̀yn nə vɨ̂yn.

Tom èchùŋ kè kə Lûk tè nyaʼ 13:24

“Ghàyn mɔmse nâʼà è tyaʼa se tɔynə echo ndɛ vɛ ə ve fɛse nyi se nji elùʼ efɔ̀yn ə Fezhə̀e. Ghàyn ke nə ghɨ e tsɨə tə nə̂ ə kyiŋə se nji ətəyn pîza ə ze tɛ ghaʼ ghənə.

Filìpây 2:12

Ghɔnyì ghɨmghe kɔ̀ŋghè, ghàyn tè nyiə zɨə èghɛ zɛ ə m tè pìə kə m tè nyì ghâsènì. Pi zôyn kə m va ə ghàyn ə ngwùŋ, e nyîə ngəsə̂ tsɔ̂fə̀ nə ghàyn nəyn fɨ̂aʼ zɛ m tè pi nə ghàyn nəyn. Ghàyn e kyi èfâyn ə ghàyn ə fètəyn, tsosə̂ sèngɨŋ saynse əchi ə Və shi. Ghàyn momse nâʼà ètyaʼke se nə̀yn efɨaʼ zɛ ə Zhə̀fè kyiŋə nə ghàyn nəyn kə sɔza zɛ ə ghàyn nyi mə ə kyî ə nyi mə ze ə lwiyn kwəyn.

Njɔyn 6:27

Kə ghàyn nə fɨaʼa sê fɨazhiə vɛ ə ve pofə, ghàyn è pɨlə fɨaʼà sê fɨazhiə vɛ ə ve kyi ndam zɛ ə ze tə mîə va. Ə̀ vɨnə nyi efɨazhiə vɛ ə Vâ Wùə tə fo sê ghàyn kûmə̀ nə Zhə̀fè, mə za nyi Pɨ̀a, nyi mə È və ndə̀m chwìə èfɨ̀aʼa ə Vəyn wìyn.”

Matyò 3:15

Pîza, Njisə̀s ə pə̀ynsə̀ sê vəyn nə, “Za ə zə nyi ke zamə kè fa ashìŋə̀. Famə endom, ə ghâsènì nə nəyn ə̀ghɛ ə̀kɨ̂m ghɛ ə Zhə̀fè kyiŋə.” Njɔyn ə se pomə̂ se fo Vəyn è môm.

Matyò 11:11

M piə sê ghàyn səmɔʼ nə wùə paʼà tyə̂m pə̂ nyi fâ chi tsɛ̂ Njɔyn Fo M̀mò, pîza naʼapi vɛ è tətə kwûŋsə̀ elùʼ efɔ̀yn ə Fezhə̀vè nə̂ tsɛ̂ vəyn.

Matyò 11:13

Fɨ̀aʼtèsè è Saʼ ə Mosîsè tè wàmnə̀ kûmə̀ kə èpə̂yn efɔ̂yn ə Fezhə̀e se zaʼâ ə Njɔyn ashìŋə̀.