Matyò 11:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ M piə sê ghàyn səmɔʼ nə wùə paʼà tyə̂m pə̂ nyi fâ chi tsɛ̂ Njɔyn Fo M̀mò, pîza naʼapi vɛ è tətə kwûŋsə̀ elùʼ efɔ̀yn ə Fezhə̀vè nə̂ tsɛ̂ vəyn.

Matyò 11:11 Referans Kwoze

Tom èchùŋ kè kə Lûk tè nyaʼ 7:28

M tsâ sê ghàyn nə, wùə pâʼà tyəm pə nyi fâ ə chi, tsɛ̂ Njɔyn Foə M̀mò, pîza naʼapi vɛ ə è tətə kwûŋsə̀ elùʼ efɔ̀yn ə Fezhə̀vè tsɛ̂ ndò vəyn.”

Ɛfesùs 3:8

M nyi ke nâʼà wùə vɛ ə è tətə kwûŋsə̀ əfètə̂ əghɨə Fezhə̀, pîza mə fə tɔ̀ʼnə̀ è mi nyi ə nə̀ nə mə wâmnə̀ sê ghɨ ghɛ ə̀ vachi ə̀ghɨ ə Njûsghè, ndâʼà èghaʼ ekayntə zɛ ə ghɨ ghɛ ə ghe pomə sê Klâys kyi,

Njɔyn 1:15

Njɔyn ə tə wàmnè kûmə̀ vəyn. È tè chì fɨ̂ pə̂yn nə, “Ə̀ vɨ̂nə nyi vɛ ə m tè wàmnə kûmə̀ vəyn kə m tè pìə nə, ‹Wùə pə̀ ndò ə mi epàm, pîza tsɨ̂ə tsɛ̂ mi kûmə̀ nə È tè nyì chi ndò tsɔ̀fə kə ə piə mi.›”

Matyò 5:19

Zôyn, pîndè vɛ ə è kim lâŋ etətə̂kè amɔ̀ʼ elwɔ̂ŋ ə Fezhə̀ nə vɛ, nâʼàpî kɛ ghənə kwâʼtə̀ nə ke kɔʼnə̂ va, è fɨnə zaʼlə̂ kəpî ə̀ghɨ nə ghə nə̂ eghɨ nyiə mə, kyì ə wûə nə vɨnə tə nə̂ ə è və nyi wùə èkwùŋsə əfètə̂ ghɨ̀ ghɛ ə ghe nyi ekwùtwəyn. Pîza nâʼà pîndè vɛ è nə̀ ghɛ zɛ ə lâŋkè pìə, kɛsə̂ zaʼlə̂ ə̀ghɨ mɔ̀ʼɔ nə ə nə̂ kəpì eghɨ nyiə mə, è tə nə̂ ə è və nyi wùə engɨsə kɔʼnə əfètə̂ ghɨ̀ ghɛ ə ghe nyi ekwùtwəyn.

Matyò 3:11

M fo m̀mo sê ghàyn è môm mə tsòm se tyə̀yn nə ghàyn ə kwiynê ə ghànə sepi. Pîza vɛ ə è pə̀ ə mì epàm nə̀ fo m̀mo sê ghàyn è Zuʼse Ŋwaʼase è wusve. È tsɛ̂ ndò mi. M kwənə pî va se pɨ̀aʼà sepfɨ sə vəynse.

Tom èchùŋ kè kə Lûk tè nyaʼ 9:48

ə piə sê ghənə nə, “Ə̂ tɔ̀ʼnə̀ pi ndè è vayn nyiə kə vɨ̀nə kûmə̀ mi, ə nyi mə è tɔ̀ʼnə̀ è mi. Ə vɛ ə è tɔ̀ʼnè è mi ə ke nə è və tɔ̀ʼnè è vɛ ə è tom mi. Ghàyn ke nə wùə vɛ ə è tətə kwûŋsə̀ ə ghàyn əfètəyn əkɨ̂m nyi vəyn vɛ ə è ngaŋte tsɛ̂.”

1 Pità 1:10

Fɨ̀aʼtèsè tè nyîə wâmnə̀ kûmə̀ àfùʼ əkayntə kɛ ə Zhə̀fè tè nyi mə Fe ə pɨaʼtê ndəm sê ghàyn fɨnə kyiŋə, tɔ̂ʼɔ̀ fɛtə̂ fɨəysə̀ se kê endom vɛ ə Zhə̀fè tə sɔzà ghàyn ətəyn,

Ipilù 11:40

Ze tè nyi nyî kûmə̀ nə Zhə̀fè tè nyi mə fə pɨaʼtê fɨake sê ghâsènì, ke kɔʼnə̂ tsɛ̂. È tè nəyn nyiəmə kə fe kaʼa ə fe nəyn ə ghənə nyi chichi paʼsə̂ kə è ghâsènì əmɔʼ.

1 Kɔlìŋ 15:9

Kûmə̀ nə m nyi wùə vɛ è tətə kwûŋsə̀ əfètəyn ə̀ghɨtomə, kûmə̀ nə mə tə tsə̀fsè ndɛ ə̀ Fèzhə̀.

1 Kɔlìŋ 6:4

Ə ghàyn kyi kyì ə sesaʼ nə sɛ mə, ghàyn ə njìə ndûə è səynse sê ghɨghe mə ghɨ ə ndɛ ə̀ Fèzhə̀ghè njìə va ghənə sə eghɛ nə saʼ səynse kûmə̀ ghè ə?

Njɔyn 10:41

Ghɨ tsɨəghe ə pə̀ sê Vəyn ə pìə nə, “Njɔyn tè paʼà tyə̀yn nâʼà chwìə èkayntə zhîzè èmɔ̀ʼ pîza nâʼàpî èghɛ èkè zɛ ə è tè pi kûmə̀ wùə vɨnə̀ tè nyì səmɔʼ.”

Njɔyn 3:30

È kyi sə̂ ngaŋtə̂, m tsotə̂.

Njɔyn 5:35

Njɔyn tè nyi kə lâm, ə è fuə fɨnə panə, ghàyn tè nyîə saŋnə̂ se chùmtè epayn ə vəynze kè sə fendiŋə̀ fə ashìŋə̀fè nyî.

Njɔyn 7:39

Njisə̀s tè wàmnə kûmə̀ Sezuʼ se Ŋwaʼa sɛ ə tè nyi se fo sê ghɨ ghɛ ə ghe pomə sê Vəyn. Ə̀ tè nyi zâ, Zhə̀fè nyi ndɔʼɔ fe nyiəm fo Sèzuʼ se Ŋwaʼase sê Vəyn kûmə̀ nə è tè pa nyi ndɔ̀ʼɔ È ndwise kɔyn ə Njisə̀s vè ekwùtwəyn se fo epomsê sê Vəyn.

Ɛfesùs 2:3

Ghâsènì əkɨ̂m tè ndamə kə kə ghɨ ə pi nə ghɨ̂yn sə shi, nə̂ kə əghɛ pi ghɛ ə njà sewìynse ə ghasènìse kɔ̂ŋɔ̀, ə̀ fɔmə pî ghè, e nə̂ kə ndò. Ndamə senjà se wìyn nə sɨ̂yn tè tyə̀nə nə ghâsènì nyîə kwəynə̂ kə se tə kyî etsôs eghaʼâvè sê Zhə̀fè kə ghɨ mɔ̀ʼɔ.

2 Timotì 1:10

Pîza ə tyə̀yn paynsê se ghâsènì tɔynə̂ e pə̀yn ə Sɔ̀zàzè, mə za nyi Klâys Njisə̀s. È və nə̀yn kwuze e fɨyn kyi va tyaʼke ə ghâsènì ətu tɔynə̂ ə tom èchùŋ, ə nə̀ nə ghâsènì kyi ndam zɛ ə ze tə mîə va.

Tom èchùŋ kè kə Lûk tè nyaʼ 1:15

È tə nə̂ ə è və kɔʼnə̂ kə nyî ə Pɛ̂pɛ əshi. È tə nə̂ ə è və mɨə va lɨ̀m nâʼà səkɔs mə zuʼ se ŋwaʼase ə lwiyn ə və ətəm kə nyi endwɔ̀.

Matyò 3:1

Ə shɨŋ nə zɛ, Njɔyn Foə m̀mò ə ndùə elùʼ endaʼ ashəshəze ə Njòndyâ ə zhə̀tə̀ sə̂ ndàʼà ə eghɛ ə Fezhə̀zè. È tè ndàʼa pîə nə,

Matyò 11:10

Njɔyn tè nyi wùə vɛ ə tè wàmnə kûmə̀ vəyn kə tè nyàʼ ghɛ ghɛ Zhə̀fè tè pi nə, ‘Fekə, m tə tomə ndùətom vɨ̂mè, ə è ndu ə ghò shi ə è fɛte ndom.’

Matyò 11:12

Se zhə̀tè etuʼ vɛ ə Njɔyn Foə M̀mò tè zhə̀te se ndàʼa tomə̀ Fèzhə̀ se kɔʼɔ zaʼâ fa fetuʼ, fɔ̂yn ə Fezhə̀vè ə zɨ tsôsè sə ŋaŋ ə gho ə ghɨə noghe, ghɨə eno ətəynghe è nô se kyiə fi efɔ̂yn ə Fezhə̀ nə vɨ̂yn.